کراچی ائیرپورٹ پر کسٹمز نے کروڑوں کی منشیات اسمگلنگ ناکام بنا دی
اشاعت کی تاریخ: 28th, October 2025 GMT
اسلام آباد: پاکستان کسٹمز نے کراچی ائیرپورٹ پر منشیات کی بڑے پیمانے پر اسمگلنگ کی کوششیں ناکام بنا دی ہیں۔
ایف بی آر کے مطابق تھائی لینڈ سے آنے والے ایک پارسل سے تقریباً 1.69 کلوگرام چرس برآمد ہوئی، جس کی مالیت تقریباً 5 کروڑ 20 لاکھ روپے بتائی گئی۔
اسی طرح بیلجیئم سے آنے والے ایک پارسل میں 1945 ایکٹیسی گولیاں چھپائی گئی تھیں، جو ویکیوم کلینر کے پارسل میں پوشیدہ تھیں، اور ان کی مجموعی مالیت تقریباً 6 کروڑ 20 لاکھ روپے تھی۔
ایف بی آر کے بیان میں کہا گیا ہے کہ دنیا بھر میں ای کامرس کے بڑھتے ہوئے رجحان کی وجہ سے سرحد پار سامان کی ترسیل میں اضافہ ہوا ہے، جسے کریمنل نیٹ ورکس منشیات کی اسمگلنگ کے لیے استعمال کرنے کی کوشش کر رہے ہیں۔
پاکستان کسٹمز کی مؤثر نگرانی کی بدولت یہ منشیات عوام تک پہنچنے سے پہلے ہی پکڑی گئی۔ ایف بی آر نے کہا کہ انسداد منشیات کی اسمگلنگ کے لیے کسٹمز پوری طرح پرعزم ہے اور اس کی نگرانی جاری رہے گی۔
ذریعہ: Daily Mumtaz
پڑھیں:
پاکستان ائیرپورٹ اتھارٹی کا ملک کے تمام ائیرپورٹس کو کیش لیس بنانے کا فیصلہ
پاکستان ائیرپورٹ اتھارٹی نے ملک بھرکے تمام ائیرپورٹس کو کیش لیس بنانے کا فیصلہ کیا ہے۔رپورٹ کے مطابق مسافروں اور سٹاف کو ائیرپورٹ پر تمام ترسروسز اب کیش لیس میسر ہوں گی،ائیرپورٹ اتھارٹی سٹیٹ بینک کے اشتراک کے ساتھ تمام ایئرپورٹس پر کیو آر کوڈز کی تنصیب کرے گی۔ائیر پورٹ اتھارٹی حکام کے مطابق ائیرپورٹس پر موجود تمام دکانیں اور وینڈرز کیش لیس سسٹم اپنائیں گے ،پہلے مرحلے میں لاہور ، کراچی اور اسلام آباد کے ائیرپورٹس پر کیش لیس سسٹم متعارف ہوگا ۔ دوسرے مرحلے میں فیصل آباد ، ملتان اور سیالکوٹ ائیرپورٹ پر سروس فراہم کی جائے گی ۔
مریم نواز کا لندن ہائیکورٹ میں مقدمہ جیتنے پر چینل نے معافی مانگ لی