دوران پرواز خاتون سے نازیبا حرکات کرنے پر مسافر کو ’حیران کن‘ سزا
اشاعت کی تاریخ: 10th, December 2025 GMT
دوران پرواز خاتون مسافر کو مسلسل ہراساں کرنے والے شخص کو برطانوی عدالت نے سخت سزا سنادی۔
برطانوی میڈیا کے مطابق لندن ایئرپورٹ پر لیتھوانیا سے تعلق رکھنے والا 45 سالہ پاؤلیئس کریلا ویسیئس نامی شخص کو طیارہ لینڈ کرتے ہی حراست میں لے لیا گیا تھا۔
مذکورہ شخص پر 8 جنوری 2025 کو نیویارک سے لندن کی 7 گھنٹے طویل پرواز میں خاتون مسافر کو ہراساں کرنے کا الزام تھا۔
خاتون نے ملزم کی نازیبا حرکات کی عملے کو شکایت کی تھی کہ مذکورہ مسافر انھیں مسلسل ذہنی اذیت اور ہراسانی کا نشانہ بنا رہا ہے۔
عملے نے فوری طور پر خاتون کی سیٹ تبدیل کر دی تھی مگر جیسے ہی جہاز نے لینڈنگ کی مذکورہ شخص کو رن وے پر ہی گرفتار کرلیا گیا۔
پولیس نے یہ معاملہ کراؤن کورٹ تک پہنچایا جہاں جج نے شواہد سننے کے بعد ملزم کے خلاف سخت فیصلہ سنا دیا۔
ملزم کو 100 گھنٹے بلا معاوضہ کمیونٹی سروس کرنے، 25 دن تک بحالی و اصلاحی پروگرام میں لازمی شرکت اور متاثرہ خاتون کو 500 پاؤنڈ معاوضہ ادا کرنے کا حکم دیا گیا۔
عدالت نے ملزم کو جرمانہ اور سزا مکمل کرنے کے بعد بھی 10 سال تک اپنی تمام سرگرمیوں اور نقل و حرکت سے پولیس کو آگاہ کرنے کی بھی ہدایت کی۔
سماعت کے دوران عدالت نے ریمارکس دیے کہ ہوائی جہاز کوئی ’نو گو زون‘ نہیں جہاں خواتین کو ہراساں کرنا آسان ہو اور جو بھی ایسا کرے گا، اس کا انجام یہی ہوگا۔
.ذریعہ: Express News
پڑھیں:
لاہور ایئرپورٹ پر3 ماہ میں مختلف ایئرلائنز کے سیکڑوں مسافر آف لوڈ
سعید احمد: بغیر مکمل سفری دستاویزات کے سفر کرنے والے مسافروں کو آف لوڈ کرنے کے واقعات میں نمایاں اضافہ دیکھنے میں آیا ہے۔
لاہور ایئرپورٹ پر گزشتہ تین ماہ کے دوران مختلف ایئرلائنز کی جانب سے آف لوڈ کیے گئے مسافروں کی تفصیلی فہرست مرتب کر کے ایئرپورٹ حکام کے حوالے کر دی گئی ہے۔
ذرائع کے مطابق,پی آئی اے کی مختلف پروازوں سے 536 مسافر آف لوڈ کیے گئے,تھائی ایئرویز کی لاہور سے روانہ ہونے والی پرواز سے 251 مسافر آف لوڈ ہوئے,تین ماہ کے دوران کولمبو ایئرویز کی پرواز سے 325 مسافر آف لوڈ کیے گئے,فلائی جناح کی پروازوں سے 350 سے زائد مسافر آف لوڈ ہوئے,تابان ایئر کی پروازوں سے 50 مسافر تین ماہ کے دوران آف لوڈ ہوئے,فلائی دبئی کی پروازوں سے 508 مسافروں کو آف لوڈ کیا گیا,ازبکستان ایئر کی پروازوں سے 78 مسافر آف لوڈ ہوئے۔
ڈولفن سکواڈ کی کارروائی؛ 2مشکوک ملزمان گرفتار ، اسلحہ برآمد
ایئرپورٹ حکام کے مطابق زیادہ تر مسافروں کو نامکمل ویزا معلومات، سفری کلیئرنس میں خامیاں، دستاویزات کی عدم تصدیق یا انتظامیہ کی جانب سے درکار کاغذات کی عدم تکمیل کے باعث آف لوڈ کیا گیا۔
حکام نے مسافروں کو مشورہ دیا ہے کہ بیرونِ ملک سفر سے قبل اپنی سفری دستاویزات، ویزا، پاسپورٹ اور دیگر ضروری کاغذات کی مکمل جانچ ضرور کر لیں تاکہ کسی بھی ناخوشگوار صورتحال سے بچا جا سکے۔
پیٹرولیم مصنوعات کی قیمتوں میں اضافے کا امکان
فیلڈ مارشل سید عاصم منیر پاکستان کے پہلے چیف آف ڈیفنس فورسز تعینات