ٹیک آف سے قبل طیارے میں کبوتر کی انٹری، مسافروں میں ہلچل
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
بھارت میں ایک مسافر طیارے کو اُس وقت غیر معمولی صورتحال کا سامنا کرنا پڑا جب ٹیک آف سے چند لمحے قبل ایک کبوتر اچانک جہاز کے اندر آ گیا، جس کے بعد کیبن میں ہلچل مچ گئی، اس حیران کن واقعے کی ویڈیو سوشل میڈیا پر آتے ہی جنگل کی آگ کی طرح پھیل گئی اور صارفین کے لیے نیا تفریحی موضوع بن گئی۔
بین الاقوامی میڈیا رپورٹس کے مطابق انڈیگو ایئرلائنز کی اس پرواز میں موجود عینی شاہدین کے مطابق کبوتر نہ صرف طیارے میں داخل ہوا بلکہ کیبن کے ایک سرے سے دوسرے سرے تک مسلسل چکر لگاتا رہا۔ پرندے کی اچانک پرواز دیکھ کر کئی مسافر گھبرا گئے، کچھ کی زبان سے چیخ نکل گئی، جبکہ متعدد مسافر اپنے موبائل نکال کر اسی منظر کو ریکارڈ کرنے میں مصروف ہو گئے۔
غیر ملکی خبر رساں اداروں کے مطابق ابتدائی لمحوں کی بے چینی کے بعد ماحول میں خوف کم اور دلچسپی زیادہ پیدا ہو گئی، کچھ مسافر کبوتر کو پکڑنے کے لیے نشستوں سے اٹھ کھڑے ہوئے جبکہ باقی لوگ ہنستے اور اس غیر متوقع تماشو گھڑی کو انجوائے کرتے رہے۔ آخرکار صورتحال معمول پر آ گئی اور پرواز اپنے طے شدہ شیڈول کے مطابق آگے بڑھنے لگی۔
ویڈیو وائرل ہونے کے بعد سوشل میڈیا صارفین نے اپنی روایت کے مطابق طنز و مزاح کے تیر چلانے میں کوئی کمی نہ چھوڑی۔ کسی نے کبوتر کو “بغیر ٹکٹ مسافر” قرار دیا، تو کسی نے کہا کہ “یہ بھارت کی فلائٹس میں موجود بدنظمی کا زندہ ثبوت ہے”۔ ویڈیو کو اب تک لاکھوں لوگ دیکھ چکے ہیں اور تبصروں کا سلسلہ برقرار ہے۔
دلچسپ امر یہ ہے کہ گزشتہ چند ہفتوں سے بھارت میں فضائی آپریشن شدید دباؤ کا شکار ہے؛ متعدد پروازیں تاخیر یا منسوخی کا سامنا کر رہی ہیں۔ ایسے میں ایک کبوتر کا اچانک طیارے میں گھس آنا بھی عوام کے لیے نیا موضوع بن گیا ہے—گویا آسمانوں میں افراتفری کے ساتھ اب پرندوں کی شرارتیں بھی شامل ہو گئی ہیں۔
ذریعہ
ذریعہ: Jasarat News
کلیدی لفظ: کے مطابق
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی