مریم نوازکا پنجاب میں بیک وقت 80 سے زائد ترقیاتی منصوبے شروع کرنے کا اعلان
اشاعت کی تاریخ: 21st, May 2025 GMT
لاہور: وزیراعلیٰ پنجاب مریم نوازشریف نے صوبے میں بیک وقت 80 سے زائد ترقیاتی منصوبے شروع کرنے کا اعلان کردیا۔
ن لیگ پارلیمانی پارٹی سے خطاب کرتے ہوئے وزیراعلیٰ مریم نواز نے کہاکہ میو ہسپتال کے ایم ایس کو عوام کو دوائیں نہ دینے پر نکالا۔ نواز شریف کینسر اسپتال میں رواں سال علاج شروع ہوجائے گا، اجلاس میں افواج پاکستان کوخراج تحسین پیش کیا گیا۔ بھارتی حملے کے شہدا کے لیے فاتحہ خوانی بھی کی گئی۔
انہوں نے کہا کہ میں اپنی تمام تر کارکردگی کے ساتھ آپ کے سامنے موجود ہوں، آپ کے تمام تلخ سوالات کے جواب دوں گی۔
وزیراعلیٰ نے کہا کہ تجاوزات کے خلاف آپریشن سے راستے صاف ہوئے، ستھرا پنجاب روزبروز بہتر ہو رہا ہے، ستھرا پنجاب پروگرام میں دیہی علاقوں کو بھی شامل کیا، پنجاب کے دور درازعلاقوں میں صاف پانی پہنچائیں گے۔
مریم نوازنے کہا کہ صوبے کے عوام کی بہتری کیلئے دن رات کوشاں ہیں، پنجاب بھر کے اسپتالوں میں مفت ادویات فراہم کی جا رہی ہیں، آئندہ سال بھی100ارب روپےلاگت سےمفت ادویات فراہم کریں گے، اسپتالوں میں کرپشن کی روک تھام کیلئے اقدامات کیے گئے، کلینک آن وہیل پراجیکٹ کے ذریعےعوام کو سہولت ملی ہے۔
انہوں نےکہا کہ حالیہ کشیدگی کے بعد دنیا میں پاکستان کا معیار بلند ہو گیا، ہمارا دشمن ہر لحاذ سے پاکستان سے بہت بڑا ہے، بھارت کے خلاف تاریخی فتح پر سب کو مبارکباد دیتی ہوں۔ بہادر افواج نے رافیل طیاروں کو فیل کر دیا۔
اجلاس میں افواج پاکستان کوخراج تحسین پیش کیا گیا۔ بھارتی حملے کے شہدا کے لیے فاتحہ خوانی بھی کی گئی۔
ذریعہ: Daily Mumtaz
پڑھیں:
پاکپتن: 20 بچوں کی ہلاکت، وزیراعلیٰ پنجاب کا سی ای او ہیلتھ اور ایم ایس کی گرفتاری کا حکم
data-id="863a0a8" data-element_type="widget" data-widget_type="theme-post-content.default">
پاکپتن: ڈسٹرکٹ ہیڈ کوارٹر اسپتال میں 20 معصوم جانوں کے ضیاع پر وزیراعلیٰ پنجاب مریم نواز کا فوری ردعمل، اسپتال پہنچ کر حالات کا جائزہ لیا تو مریضوں اور لواحقین نے شکایات کے انبار لگا دیے، جس پر وزیراعلیٰ نے ذمہ داران کے خلاف کڑا ایکشن لیتے ہوئے سی ای او ہیلتھ ڈاکٹر سہیل اصغر اور میڈیکل سپرنٹنڈنٹ ڈاکٹر عدنان غفار کی فوری گرفتاری کا حکم دے دیا۔ ڈی سی پاکپتن کو بھی عہدہ چھوڑنے کی ہدایت جاری کردی گئی۔
مریم نواز نے مریضوں کی جانب سے اسپتال میں ادویات کی عدم دستیابی، پارکنگ مافیا کی لوٹ مار اور عملے کی لاپرواہی کی شکایات پر شدید برہمی کا اظہار کیا۔ وزیراعلیٰ نے اسپتال کے اسٹورز میں موجود ادویات کے باوجود مریضوں کو باہر سے مہنگی دوائیں خریدنے پر مجبور کرنے والے عناصر کے خلاف سخت کارروائی کی ہدایت دی۔
ساہیوال سے نئے ایم ایس کو فوری طور پر ڈی ایچ کیو اسپتال پاکپتن تعینات کردیا گیا۔ پارکنگ کی مد میں اضافی رقم وصول کرنے پر پارکنگ کمپنی کے مالک اور انچارج کو گرفتار کرنے کا حکم دیا گیا جبکہ تین پرائیویٹ لیبارٹریوں کو سیل کر دیا گیا جو اسپتال عملے کی ملی بھگت سے عوام کو لوٹ رہی تھیں۔
وزیراعلیٰ نے اسپتال میں دوران ڈیوٹی ڈاکٹروں اور پیرا میڈیکل اسٹاف کے موبائل فون استعمال کرنے پر پابندی عائد کرنے اور رابطے کے لیے پیجر سسٹم متعارف کرانے کی ہدایت بھی دی۔ انہوں نے اسپتال کے تمام آلات اور مشینری کے آڈٹ کا حکم دیتے ہوئے کہا کہ جو مشینری پیک پڑی ہے، اسے فوراً فعال کیا جائے۔
مریم نواز نے کہا کہ اسپتالوں میں کوڈ ریڈاور کوڈ بلیو سسٹم نافذ کیا جائے تاکہ ایمرجنسی حالات میں فوری ردعمل یقینی بنایا جا سکے۔ انہوں نے افسوس کا اظہار کیا کہ مریضوں کے وارڈز میں اے سی بند ہیں جبکہ دفاتر میں ٹھنڈک کا انتظام ہے۔
وزیراعلیٰ نے خبردار کیا کہ دوسروں کے بچوں کو بھی اپنی اولاد سمجھیں، قتل کے لیے ہتھیار ضروری نہیں، مجرمانہ غفلت بھی جان لے سکتی ہے۔ قوم کے اصل مجرم وہ ہیں جو اپنے فرائض ایمانداری سے ادا نہیں کرتے۔ اللہ کی عدالت میں سب کو جواب دینا ہوگا، میری پکڑ سے بچ سکتے ہیں مگر اللہ کی پکڑ سے نہیں۔
انہوں نے تمام انکوائریز ایک ہفتے میں مکمل کرنے کی ہدایت کرتے ہوئے کہا کہ عوام کے ساتھ مزید زیادتی برداشت نہیں کی جائے گی، مریضوں کو اسپتال کے اندر مفت ادویات کی فراہمی یقینی بنائی جائے۔
ایران نے ترقی یافتہ اسلامی تہذیب کی بنیاد رکھ دی، حزب الله