ڈ ی آئی خان اور عارف والا میں فائرنگ, وکیل سمیت 3 جاں بحق
اشاعت کی تاریخ: 23rd, May 2025 GMT
ڈیرہ اسماعیل خان اور عارف والا میں فائرنگ کے 2 الگ الگ واقعات میں وکیل سمیت 3 افراد جاں بحق ہوگئے۔تفصیلات کے مطابق خیبرپختونخوا کے ضلع ڈیرہ اسماعیل خان کے علاقے تھانہ پہاڑ پور کی حدود کوٹجائی یامین پیٹرول پمپ پر نامعلوم افراد نے فائرنگ کردی، فائرنگ کے نتیجے میں 2 افراد جاں بحق ہوگئے۔پولیس کے مطابق موٹرسائیکل سوار ملزمان کی فائرنگ سے جاں بحق ہونے والوں کی شناخت مدثر اور حیات اللہ کے ناموں سے ہوئی۔پولیس کے مطابق واقعہ سابقہ دشمنی کا شاخسانہ ہے، لاشیں پوسٹ مارٹم کے لیے اسپتال منتقل کردی ہیں تاہم واقعہ سے متعلق مزید تفتیش جاری ہے۔دوسری جانب پنجاب کے ضلع پاکپتن کی تحصیل عارف والا میں تھانہ صدر کے علاقے میں نامعلوم افراد نے فائرنگ کرکے وکیل سید تنویر کو قتل کردیا۔پولیس کے مطابق ڈھگ شریف کے رہائشی سید تنویر شاہ ایڈووکیٹ صبح کے وقت گھر کے ساتھ زمینوں پر چکر لگانے گئے جہاں موٹر سائیکل سوار افراد نے ان پر فائرنگ کر کے انہیں قتل کر دیا۔پولیس تھانہ صدر موقع پر پہنچ گئی، سید تنویر شاہ ایڈووکیٹ بار ایسوسی ایشن عارف والا کے ممبر تھے۔
.ذریعہ: Nawaiwaqt
پڑھیں:
کراچی: پسند کی شادی پر فائرنگ، 2 جاں بحق، حملہ آور خاتون کو لے گئے
کراچی کے علاقے بلدیہ اتحاد ٹاون میں پسند فائرنگ سے 2 افراد جاں بحق ہوگئے۔
پولیس کے مطابق فائرنگ کا واقعہ پسند کی شادی پر پیش آیا، لڑکی کے ورثاء کی فائرنگ سے لڑکےکا ماموں اور بھانجا جاں بحق ہوا۔
پولیس حکام کے مطابق حملہ آور فائرنگ کے بعد لڑکی کو اپنے ساتھ لے گئے، واقعے میں ایک شخص زخمی بھی ہوا، چند ماہ قبل مقتول شمن نے بولان میں صائمہ سے پسند کی شادی کی تھی۔
دہرے قتل کا مقدمہ مقتول کے بھائی کی مدعیت میں تھانہ منگھوپیر میں درج کرلیا گیا، مدعی کے مطابق بھانجا 4 روز قبل ایک خاتون کو شادی کی غرض سے بولان سے گھر لایا تھا۔
مدعی مقدمہ کے مطابق آج صبح ہمارےگھر پرحملہ ہوا، بھائی اور بھانجے کو فائرنگ کرکے قتل کردیا گیا۔
مقدمے کے متن کے مطابق گھر پہنچا تو زخمی بھائی نے بتایا 5 رشتےداروں نے گھر پر فائرنگ کی، فائرنگ کے بعد ملزمان مقتول بھانجے کے ہمراہ آنے والی خاتون کو بھی لے گئے۔
پولیس حکام کے مطابق مدعی نے مقدمے میں غلام حیدر، محمد صادق، سرور، عبدالمنان اور عبدالسلام کو نامزد کیا ہے۔
جوڈیشل کمیشن نے ہائی کورٹس کے چیف جسٹسز کی تقرری سے وزیراعظم کو آگاہ کر دیا