ٹرمپ ٹیرفس: یورپی یونین اقتصادی نمو کے اہداف بدلنے پر مجبور
اشاعت کی تاریخ: 24th, May 2025 GMT
اسلام آباد (اُردو پوائنٹ ۔ DW اردو۔ 24 مئی 2025ء) یورپی کمیشن کا کہنا ہے کہ 20 ممالک پر مشتمل سنگل کرنسی ایریا یورو زون کی معیشت 2025ء میں 0.9 فیصد کی شرح سے بڑھے گی جو گزشتہ اندازوں یعنی 1.3 فیصد سے کافی کم ہے۔
یورپی یونین نے 2026ء میں یورو زون کی اقتصادی ترقی کی پیش گوئی کو بھی کم کر کے 1.4 فیصد کردیا ہے، جو گزشتہ سال نومبر میں کی گئی پیش گوئی 1.
ٹرمپ کے نئے محصولات ’عالمی معیشت کے لیے دھچکا‘، یورپی یونین
اسٹریٹیجک دھاتیں: یورپی یونین کے سینتالیس منصوبوں کا اعلان
یورپی یونین کے اقتصادی امور کے نگران کمشنر والڈیس ڈومبروفسکِس کے مطابق، ''مضبوط لیبر مارکیٹ اور بڑھتی ہوئی اجرتوں کی بنیاد پر 2025ء میں ترقی جاری رہنے کی توقع ہے، مگر درمیانی رفتار سے۔
(جاری ہے)
‘‘امریکی صدر ڈونلڈ ٹرمپ نے یورپی یونین اور دیگر ممالک سے اسٹیل، المونیم اور گاڑیوں کی درآمدات پر 25 فیصد محصولات عائد کیے ہیں اور اگر یورپی بلاک واشنگٹن کے ساتھ کسی معاہدے تک نہیں پہنچتا، تو اسے مزید بھاری محصولات کا سامنا کرنا پڑ سکتا ہے۔
امریکی صدر ٹرمپ نے اپریل میں یورپی یونین کی زیادہ تر مصنوعات پر 20 فیصد درآمدی ٹیکس عائد کرنے کا اعلان کیا تھا جبکہ درجنوں دیگر ممالک پر بھی محصولات عائد کیے گئے تھے۔
مذاکرات کو موقع دینے کے لیے عملی طور پر یہ اقدام جولائی تک مؤخر کر دیا گیا ہے لیکن صدر ٹرمپ نے 27 ممالک پر مشتمل یورپی یونین سمیت دنیا بھر سے درآمدات پر 10 فیصد 'بنیادی‘ ٹیرف برقرار رکھا ہے۔
2025ء میں جرمنی میں اقتصادی شرح نمو صفریورپی یونین نے یہ بھی کہا ہے کہ اس بلاک کی سب سے بڑی معیشت یعنی جرمنی کی 2025ء میں شرح نمو میں کوئی تبدیلی نہیں آئے گی، جو گزشتہ سال کی پیش گوئی یعنی 0.7 فیصد سے نمایاں کم ہے۔
یورپی یونین کے کمشنر والڈیس ڈومبروفسکِس کے مطابق اقتصادی ترقی میں کمی کے خطرات ہیں، لہٰذا یورپی یونین کو مسابقت بڑھانے کے لیے فیصلہ کن اقدامات کرنا چاہییں۔
اپنی تازہ پیش گوئی کے پیچھے کارفرما سوچ کی وضاحت کرتے ہوئے یورپی یونین نے چینی امریکی تجارتی جنگ کی طرف بھی اشارہ کیا، جس میں دونوں فریقوں نے ایک دوسرے کی مصنوعات پر درآمدی محصولات میں اضافہ کیا تاہم پھر عارضی طور پر کشیدگی میں کمی کے لیے ان میں کمی بھی کر دی گئی۔
یورپی کمیشن کا کہنا ہے کہ 12 مئی کو چین اور امریکا کے درمیان طے پانے والی محصولات کی شرحیں اندازوں سے کم ہیں لیکن پھر بھی اتنی زیادہ ہیں کہ امریکا اور چین کے تجارتی تعلقات کو نقصان پہنچنے کا خطرہ موجود ہے۔
تجارتی تناؤ کے علاوہ یورپی یونین نے متنبہ کیا ہے کہ آب و ہوا سے متعلق آفات جیسے جنگلات کی آگ اور سیلاب سے بھی معاشی ترقی کو نقصان پہنچنے کا خطرہ ہے۔
ادارت: مقبول ملک
ذریعہ
ذریعہ: UrduPoint
کلیدی لفظ: تلاش کیجئے یورپی یونین نے پیش گوئی کے لیے
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار