بنیان مرصوص کی کامیابی پر سید عاصم منیر کا سیاسی قیادت کے اعزاز میں عشائیہ
اشاعت کی تاریخ: 24th, May 2025 GMT
آئی ایس پی آر کے مطابق عشائیہ تقریب سے گفتگو کرتے ہوئے فیلڈ مارشل نے سیاسی قیادت کی جانب سے معرکہ حق کے دوران بہترین سٹریٹجک پر اظہار تشکر کیا اور مسلح افواج کی آپریشن بنیان مرصوص میں آپریشنل کامیابی کو یقینی بنانے سمیت بغیر کسی رکاوٹ کے پیشہ ورانہ خدمات اور تعاون کو سراہا۔ اسلام ٹائمز۔ فیلڈ مارشل سید عاصم منیر کی جانب سے عشائیہ میں "معرکہ حق" اور آپریشن بنیان مرصوص کے دوران سیاسی قیادت کی استقامت اور مسلح افواج کے ثابت قدم رہنے کے ساتھ عوام کے عزم کو خراج تحسین پیش کیا گیا۔ پاک فوج کے شعبہ تعلقات عامہ آئی ایس پی آر کے مطابق عشائیہ میں صدر مملکت آصف علی زرداری، وزیراعظم محمد شہباز شریف، نائب وزیراعظم و وزیر خارجہ اسحاق ڈار، چیئرمین سینیٹ یوسف رضا گیلانی، سپیکر قومی اسمبلی ایاز صادق سمیت وفاقی وزراء، گورنرز، وزرائے اعلیٰ نے شرکت کی۔ اسی طرح چیئرمین جوائنٹ چیفس آف سٹاف کمیٹی، چیف آف ایئر اینڈ نیول سٹاف، سیاسی جماعتوں کی سینئر قیادت اور اعلیٰ سرکاری حکام اور تینوں سروسز کے سینئر افسران نے شرکت کی۔
ترجمان پاک فوج کا کہنا تھا کہ تقریب کے شرکاء نے پاک بھارت کشیدگی کے دوران قوم کو متحد کرنے کے ساتھ آگے بڑھانے سمیت باشعور قیادت کو خراج تحسین پیش کیا جبکہ مسلح افواج کی ہمت اور قربانی اور پاکستانی عوام کی پرعزم حب الوطنی کو سراہا۔
آئی ایس پی آر کے مطابق عشائیہ تقریب سے گفتگو کرتے ہوئے فیلڈ مارشل سید عاصم منیر نے سیاسی قیادت کی جانب سے معرکہ حق کے دوران بہترین سٹریٹجک پر اظہار تشکر کیا اور مسلح افواج کی آپریشن بنیان مرصوص میں آپریشنل کامیابی کو یقینی بنانے سمیت بغیر کسی رکاوٹ کے پیشہ ورانہ خدمات اور تعاون کو سراہا۔
انہوں نے اپنی گفتگو میں بھارت کی طرف سے چلائی جانے والی ڈس انفارمیشن مہم کا مقابلہ کرنے میں پاکستانی نوجوانوں اور میڈیا کے غیر متزلزل کردار کا بھی اعتراف کیا اور مذموم پروپیگنڈے کے خلاف ایک " فولادی دیوار" کے طور پر کردار ادا کرنے پر بھی قابل ستائش قرار دیا۔ فیلڈ مارشل سید عاصم منیر نے پاکستانی سائنسدانوں، انجینئرز اور سفارت کاروں کی شاندار خدمات کو بھی سراہا، جن کی پیشہ ورانہ مہارت اور عزم پاک بھارت تنازع کے دوران بھی تذبدب کا شکار نہیں ہوا۔ آخر میں ان کا مزید کہنا کہ آج کا دن قومی یکجہتی، نئی طاقت اور ہم آہنگی کے ساتھ آگے بڑھنے کے اجتماعی عزم کو جلا بخشتا ہے۔
ذریعہ: Islam Times
کلیدی لفظ: بنیان مرصوص سیاسی قیادت مسلح افواج فیلڈ مارشل کے دوران
پڑھیں:
فیلڈ مارشل عاصم منیر نے دشمن کو خبردار کردیا
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرمی چیف پاک بھارت جنگ جنرل عاصم منیر خبردار کردیا دشمن فیلڈ مارشل وی ٹاک وی نیوز
لاہور قلندرز، اے این ایف کے درمیان منشیات کیخلاف آگاہی کیلیے مفاہمت کی یادداشت پر دستخط