کم کارڈیشین ڈکیتی کیس؛ نو برس بعد عدالت کا حیران کن فیصلہ
اشاعت کی تاریخ: 25th, May 2025 GMT
امریکی ٹی وی اسٹار اور ماڈل کم کارڈیشین سے ہونے والی مشہور زمانہ ڈکیتی کا کیس بالآخر نو سال بعد اپنے قانونی انجام کو پہنچا، مگر اس انجام نے سب کو حیران کردیا۔
فرانسیسی عدالت نے اس کیس کی طویل سماعت کے بعد 23 مئی کو فیصلہ سنایا، مگر یہ فیصلہ توقعات کے برعکس نکلا۔ اگرچہ استغاثہ نے تمام ملزمان کو کم از کم 10 سال قید کی سزا دینے کی سفارش کی تھی، عدالت نے جرم ثابت ہونے کے باوجود تمام مجرمان کو نسبتاً ہلکی سزائیں دیں اور کسی کو بھی جیل بھیجنے کا حکم نہیں دیا۔
اس سنسنی خیز واردات میں شامل مرکزی ملزم کو صرف 8 سال قید کی سزا سنائی گئی، جن میں سے 5 سال معطل کردیے گئے، جبکہ وہ پہلے ہی تین برس جیل میں گزار چکا ہے۔ بڑھاپے، جسمانی کمزوری، سماعت اور گویائی سے محرومی جیسے عوامل نے اس کے حق میں نرمی کا ماحول پیدا کیا۔ عدالت نے دیگر ملزمان کو بھی اسی طرح کی معطل سزائیں دیں، یوں تمام مجرم عدالتی کارروائی مکمل ہونے کے بعد اپنے ساتھ لائے گئے سامان سمیت گھر روانہ ہو گئے۔
ڈکیتی کرنے والے اس گروہ میں مجموعی طور پر 10 افراد شامل تھے، جن میں ایک خاتون بھی تھی۔ سب کو مجرم قرار دیا گیا، سوائے ان دو افراد کے جن پر کم کارڈیشین کی مصروفیات اور قیام کی معلومات فراہم کرنے کا الزام تھا، عدالت نے انہیں بری کردیا۔
دلچسپ بات یہ ہے کہ اس گروہ کے تمام افراد معمر تھے، سوائے ایک 35 سالہ نوجوان کے، جسے بھی نسبتاً نرم سزا دی گئی۔ ایک ملزم کینسر جیسے موذی مرض سے نبرد آزما ہے اور کیموتھراپی کے مراحل سے گزر رہا ہے، جبکہ دیگر کی حالت بھی طبی لحاظ سے نازک ہے۔ یہی عوامل عدالت کے لیے نرم رویے کی بنیاد بنے۔
کم کارڈیشین، جنہوں نے اس واقعے کو زندگی کا سب سے ہولناک تجربہ قرار دیا تھا، عدالتی فیصلے پر مطمئن دکھائی دیں۔ انہوں نے میڈیا کو جاری اپنے بیان میں فرانسیسی عدالت کا شکریہ ادا کیا اور کہا کہ اُنہیں انصاف ملا ہے۔
یہاں یہ امر قابل ذکر ہے کہ تقریباً 10 لاکھ امریکی ڈالر مالیت کا سونا، زیورات اور دیگر قیمتی اشیاء آج تک بازیاب نہیں ہوسکیں، جن میں 40 لاکھ ڈالر کی مشہور منگنی کی انگوٹھی بھی شامل ہے۔ اس کے باوجود عدالت نے نرم رویہ اختیار کرتے ہوئے سزائیں سنائیں، جس پر کئی حلقوں میں حیرت کا اظہار بھی کیا جا رہا ہے۔
یاد رہے کہ کم کارڈیشین اکتوبر 2016 میں پیرس فیشن ویک میں شرکت کے لیے موجود تھیں جب ڈاکوؤں نے اُنہیں ہوٹل میں اسلحے کے زور پر لوٹ لیا تھا۔ اس واردات نے دنیا بھر میں میڈیا کی توجہ حاصل کی اور سیکیورٹی اداروں کو ایک عرصے تک سرگرداں رکھا۔
.ذریعہ: Express News
کلیدی لفظ: کم کارڈیشین عدالت نے
پڑھیں:
کریم آباد میں بڑی ڈکیتی، سنار سے ایک کروڑ 20 لاکھ روپے لوٹ لیے گئے
data-id="863a0a8" data-element_type="widget" data-widget_type="theme-post-content.default">
کراچی: شہر قائد میں ڈکیتی کی بڑی واردات سامنے آئی ہے جہاں کریم آباد کے علاقے میں اپوا کالج کے قریب ڈاکو ایک سنار سے ایک کروڑ 20 لاکھ روپے لوٹ کر فرار ہوگئے۔
کریم آباد جیولرز ایسوسی ایشن کے صدر کے مطابق متاثرہ سنار سونا فروخت کرنے کے لیے صدر کی ایک لیب گیا تھا۔ سونا بیچنے کے بعد جب وہ واپس کریم آباد پہنچا تو اپوا کالج کے قریب چار مسلح افراد نے اسے گھیر لیا اور اسلحے کے زور پر نقد رقم چھین کر موقع سے فرار ہوگئے۔
پولیس حکام کا کہنا ہے کہ واردات کا شکار ملازمین صدر صرافہ بازار کے معروف جیولرز “دانیال جیولر” کے لیے کام کرتے ہیں۔ ان میں شمس اور تنویر نامی دو ملازمین شامل تھے جو لیب سے رقم لے کر مالک کے گھر جا رہے تھے کہ راستے میں یہ واردات پیش آگئی۔
حکام نے مزید بتایا کہ لوٹی گئی رقم ایک تھیلے میں رکھی گئی تھی جو موٹرسائیکل کی ٹنکی پر رکھا ہوا تھا، ڈاکوؤں نے اسے آسانی سے اٹھا کر فرار اختیار کیا۔
پولیس کے مطابق واردات کی ایف آئی آر دانیال جیولر کی مدعیت میں درج کرلی گئی ہے، جبکہ ملزمان کی تلاش کے لیے اپوا کالج کے اطراف نصب سی سی ٹی وی فوٹیجز اور دیگر شواہد اکٹھے کیے جا رہے ہیں۔ پولیس نے متاثرہ ملازمین سے بھی مزید تفصیلات حاصل کر لی ہیں۔
واضح رہے کہ ڈسٹرکٹ سینٹرل میں ایک ہفتے کے دوران ڈکیتی کی یہ دوسری بڑی واردات ہے۔ اس سے قبل 11 ستمبر کو لیاقت آباد میں موٹرسائیکل سوار ڈاکو جیولرز کے ملازمین سے ڈیڑھ کروڑ روپے نقد چھین کر فرار ہوگئے تھے۔
سوشل میڈیا پر پابندی مہنگی پڑ گئی، نیپالی وزیراعظم پرتشدد مظاہروں کے بعد مستعٰفی