شہزاد رائے کی شرارت بھری واپسی: ’تیرا مکھڑا‘ اب آنٹیوں کے نام!
اشاعت کی تاریخ: 25th, May 2025 GMT
شہزاد رائے نے ایک بار پھر یہ ثابت کر دیا ہے کہ وہ صرف ایک سنگر نہیں، بلکہ اپنی بے ساختہ حسِ مزاح سے بھی مداحوں کو حیران کرنے کا ہنر رکھتے ہیں۔
حال ہی میں شہزاد رائے نے انسٹاگرام پر اپنا مشہور زمانہ گیت ’’تیرا مکھڑا حسیں جادو کرگیا‘‘ ایک نئے اور نہایت منفرد انداز میں پیش کیا، لیکن اس بار مخاطب لڑکیاں نہیں، بلکہ آنٹیاں تھیں۔
2002 میں ریلیز ہونے والا یہ ہٹ گانا، جس نے اس وقت نوجوان دلوں کی دھڑکن بڑھا دی تھی، اب دو دہائیوں بعد ایک ہنسی بھرے ٹوئسٹ کے ساتھ واپس آیا ہے۔ نئی ویڈیو میں شہزاد رائے کو وہی نغمہ گاتے سنا جاسکتا ہے، البتہ اب وہ بول کچھ یوں چھیڑتے ہیں: ’’میں نے دیکھی ہیں آنٹیاں بڑی حسین، لیکن تیرے جیسا کوئی نہیں!‘‘
View this post on InstagramA post shared by Shehzad Roy (@officialshehzadroy)
یہ تبدیلی نہ صرف سننے والوں کو چونکا گئی بلکہ سوشل میڈیا پر خوب داد بھی سمیٹ لی۔ انسٹاگرام پر پوسٹ کی گئی ویڈیو دیکھتے ہی دیکھتے وائرل ہو گئی اور کمنٹس کا طوفان امڈ پڑا۔ خواتین مداحوں کی بڑی تعداد نے شہزاد رائے کی اس چلبلی شرارت کو نہ صرف سراہا بلکہ کچھ نے تو یہ بھی اعتراف کیا کہ واقعی وقت نے انہیں ’’لڑکیوں سے آنٹیاں‘‘ بنا دیا ہے۔
ایک خاتون صارف نے ہنستے ہوئے لکھا، ’’لڑکیوں سے آنٹیوں تک کا سفر پہلی بار اتنا خوشگوار لگا ہے!‘‘ جب کہ ایک اور نے اپنے جذبات یوں بیان کیے، ’’یہ گانا سن کر بچپن یاد آ گیا، واقعی یہ ایک کلاسک ہے!‘‘
مداحوں نے نہ صرف ماضی کی یادوں کو تازہ کیا بلکہ شہزاد رائے سے یہ بھی گزارش کی کہ وہ انسٹاگرام پر اسی طرح ایکٹیو رہیں اور مزید ایسی دل کو بھا جانے والی ویڈیوز شیئر کرتے رہیں۔
یہ کوئی پہلا موقع نہیں جب شہزاد رائے نے اپنے اس مقبول گیت کو نئے انداز میں پیش کیا ہو۔ 2021 میں بھی انہوں نے اس کی ری میک ویڈیو ریلیز کی تھی، جو پرانی یادوں کی خوشبو لیے ایک نئی نسل کے دلوں تک پہنچی تھی۔ لیکن اس بار ان کا طنزیہ اور مزاحیہ انداز نہ صرف نیا پن لے کر آیا ہے بلکہ سامعین کو مسکرانے پر بھی مجبور کر رہا ہے۔
یقیناً شہزاد رائے کا یہ نیا ورژن، ان کے فن کی پختگی اور مزاح کی مہارت کا ایک دلچسپ امتزاج ہے، جس نے ایک بار پھر یہ ثابت کر دیا ہے کہ اچھا فن وقت کا محتاج نہیں ہوتا، وہ ہر عمر میں دل جیتنے کا ہنر رکھتا ہے، چاہے مخاطب ’’لڑکیاں‘‘ ہوں یا ’’آنٹیاں‘‘!
.ذریعہ: Express News
پڑھیں:
فتنۃ الخوارج کیخلاف کارروائی پر خیبر پختونخوا کے عوام کی رائے
پاک فوج کی فتنۃ الخوارج کے خلاف کارروائی پر خیبر پختونخوا کے عوام نے رائے کا اظہار کیا ہے۔
شہریوں کا کہنا تھا کہ پاکستانی فوج نے افغانستان میں جو کارروائی کی ہے یہ ایک بہت اچھا اقدام ہے، اگر افغان طالبان فتنۃ الخوارج کو ختم نہیں کرتے تو پھر ہماری فوج کی یہ مجبوری ہے وہ ختم کرے گی۔
انکا مزید کہنا تھا کہ پاکستان آرمی نے جو حملہ افغانستان میں کیا جتنا جلدی یہ دہشت گردی کا گند صاف کیا جائے گا اتنا اچھا ہوگا، ہم پاک فوج کے ساتھ ہر قسم کے تعاون کے لیے تیار ہیں۔
شہریوں نے واضح کیا کہ افغانیوں کو مکمل طور پر پاکستان سے نکال دینا چاہیے بس اب بہت ہوگیا ہے۔
اُمہات المومنینؓ کی بے مثال انجمن