کراچی؛ جائیداد کے تنازع پر چھوٹے بھائی کے ہاتھوں بڑا بھائی قتل
اشاعت کی تاریخ: 25th, May 2025 GMT
کراچی:
بلدیہ ٹاؤن یوسف گوٹھ میں جائیداد کے نتازع پر چھوٹے بھائی نے بڑے بھائی کو فائرنگ کرکے قتل کر دیا، پولیس نے سگے بھائی کے قتل میں ملوث ملزم کو آلہ قتل سمیت گرفتار کرلیا۔
تفصیلات کے مطابق سعید آباد تھانے کے علاقے بلدیہ ٹاؤن یوسف گوٹھ گھر میں فائرنگ سے ایک شخص جاں بحق ہوگیا جس کی لاش قانونی کارروائی کے لیے سول اسپتال منتقل کی گئی جہاں متوفی کی شناخت 40 سالہ خلیل الرحمٰن ولد عبدالرحمٰن کے نام سے کی گئی۔
فائرنگ کے واقعے کی اطلاع ملنے پر پولیس موقع پر پہنچ گئی اور پولیس نے جائے وقوع سے شواہد اکٹھا کرنے کے لیے کرائم سین یونٹ کو طلب کر لیا۔
سعید آباد پولیس کے مطابق مقتول خلیل الرحمٰن کو اس کے حقیقی چھوٹے بھائی مجیب الرحمٰن نے جائیداد کے تنازع پر فائرنگ کرکے قتل کیا اور موقع پر سے فرار ہوگیا۔ پولیس نے ملزم کی فوری تلاش شروع کر دی تھی، ملزم فرار ہونے کے بعد لیاری میں اپنی رہائش گاہ پہنچا جہاں بغدادی پولیس نے کارروائی کرتے ہوئے سگے بھائی کو قتل کرنے والے ملزم مجیب الرحمٰن کو گرفتار کرکے آلہ قتل برآمد کر لیا۔
سعید آباد پولیس کے مطابق گرفتار ملزم نے اپنے بھائی کو اے کے 47 رائفل سے فائرنگ کرکے قتل کیا، پولیس نے واردات میں استعمال ہونی والی رائفل برآمد کرلی ہے۔
انہوں نے مزید بتایا کہ مقتول کو جائیداد میں حصہ مل گیا تھا اور اس نے بلدیہ یوسف گوٹھ میں اپنا گھر خریدا تھا لیکن چند روز قبل مقتول اپنے دو بھائیوں فضل اور مجیب کے گھر پہنچا اور دوبارہ جائیداد میں حصہ مانگا۔ بھائیوں کا کہنا تھا کہ تمھیں جائیداد میں حصہ مل گیا ہے اب یہاں نہ آو، مقتول اپنے بھائیوں کو سنگین تنائج کی دھمکیاں دینے کے بعد وہاں سے چلا گیا جس پر اتوار کی صبح منجلے بھائی مجیب نے بڑے بھائی کو گھر جا کر اسے فائرنگ کرکے قتل کر دیا۔
پولیس حکام کا مزید کہنا تھا کہ گرفتار ملزم مجیب الرحمٰن کا مجرمانہ ریکارڈ پہلے سے موجود ہے اور وہ اس سے قبل بھی بغدادی، کھارادر اور دیگر تھانوں میں درج مقدمات میں متعدد بار گرفتار ہو چکا ہے۔
.ذریعہ: Express News
کلیدی لفظ: فائرنگ کرکے قتل بھائی کو پولیس نے الرحم ن کے قتل
پڑھیں:
نیو کراچی میں مبینہ پولیس مقابلہ، ایک ڈاکو زخمی حالت میں گرفتار
کراچی:نیو کراچی پولیس نے جمعرات اور جمعہ کی درمیانی شب سیکٹر 11/D، سیون ڈے چرچ کے قریب مبینہ پولیس مقابلے کے بعد ایک ڈاکو کو زخمی حالت میں گرفتار کر لیا۔
پولیس ترجمان کے مطابق، زخمی ڈاکو کو فوری طور پر طبی امداد کے لیے عباسی شہید اسپتال منتقل کر دیا گیا۔
مزید پڑھیں: لیاری میں مبینہ پولیس مقابلہ، خطرناک گروپ کا اہم کارندہ گرفتار
گرفتار ملزم کی شناخت 32 سالہ محمد شبیر ولد گلزار احمد کے طور پر ہوئی ہے، جب کہ اس کا ایک ساتھی موقع سے فرار ہونے میں کامیاب ہوگیا، جس کی تلاش جاری ہے۔
پولیس نے گرفتار ملزم کے قبضے سے ایک پستول بمعہ گولیاں، دو موبائل فونز، نقد رقم اور ایک موٹرسائیکل برآمد کی ہے۔
پاکستان کی صرف 35فیصد سیاسی جماعتوں کی ویب سائٹس فعال ہیں ، فافن کی رپورٹ