موڈیز کی جانب سے چین کی خودمختار کریڈٹ ریٹنگ کو برقرار رکھنا چین کی معیشت کے روشن مستقبل کی مثبت عکاسی ہے،چین کی وزارت خزانہ
اشاعت کی تاریخ: 26th, May 2025 GMT
بیجنگ :چین کی وزارت خزانہ کے حکام نے موڈیز کے چین کی خودمختار کریڈٹ ریٹنگ کو برقرار رکھنے سے متعلق سوالات کے جواب دیتے ہوئے کہا کہ ہم سمجھتے ہیں کہ گزشتہ سال کی چوتھی سہ ماہی سے چین کی حکومت نے جامع میکرو اکنامک ریگولیٹری پالیسیز نافذ کی ہیں، اقتصادی اشاریے بہتر ہو رہے ہیں، مارکیٹ کی توقعات اور اعتماد مستحکم ہے، اور قرضوں کی درمیانی اور طویل مدتی پائیداری میں اضافہ ہوا ہے۔ موڈیز کا چین کی خودمختار کریڈٹ ریٹنگ کو برقرار رکھنے کا فیصلہ چین کی معیشت کے روشن مستقبل کی مثبت عکاسی کرتا ہے۔فی الحال اقتصادی عمل میں غیر یقینی صورتحال بڑھ گئی ہے۔ اس پس منظر میں، چین کی معیشت نے ایک اچھا آغاز کیا ہے جو مضبوط لچک اور بھرپور توانائی کا مظاہرہ کرتی ہے۔ ان کا کہنا تھا کہ چاہے بیرونی ماحول کتنا بھی تبدیل ہو جائے، چین پختہ اعتماد کے ساتھ اپنے امور کو بخوبی انجام دے گا۔
Post Views: 2.ذریعہ: Daily Mumtaz
کلیدی لفظ: چین کی
پڑھیں:
وزیراعظم کی توجہ سے زرعی بحالی کی امیدیں روشن ہیں ،میاں زاہد حسین
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر )نیشنل بزنس گروپ پاکستان کے چیئرمین، پاکستان بزنس مین اینڈ انٹلیکچولزفورم وآل کراچی انڈسٹریل الائنس کے صدر، ایف پی سی سی ائی پالیسی ایڈوائزری بورڈ کے چیئرمین اورسابق صوبائی وزیرمیاں زاہد حسین نے کہا ہے کہ وزیراعظم شہبازشریف کی جانب سے زرعی اصلاحات کا اعلان خوش آئند ہے جس سے زراعت کی بحالی اورکسانوں کودیرپا معاشی ریلیف ملنے کی امید پیدا ہوگئی ہے۔وزیراعظم کی توجہ سستے زرعی قرضوں، زراعت کی جدید کاری اورنجی شعبے کے اشتراک کی جانب مبذول ہونا پالیسی میں ایک مثبت تبدیلی کی علامت ہے۔ میاں زاہد حسین نے کاروباری برادری سے بات چیت کرتے ہوئے کہا کہ مالی سال 2025 میں پاکستان کی معیشت میں زراعت کا حصہ 23.54 فیصد رہا جبکہ یہ شعبہ ملک کی تقریبا 40 فیصد لیبرفورس کوروزگارفراہم کرتا ہے، لیکن پانی کی کمی، موسمیاتی تبدیلی، پرانے طورطریقوں اورمالی سہولیات کے فقدان کے باعث زوال کا شکارہے۔میاں زاہد حسین نے کہا کہ مالی سال 2025 میں زرعی شعبہ صرف 0.56 فیصد بڑھا جوگزشتہ 9 برسوں کی کم ترین شرح ہیاورحالیہ بارشوں اورممکنہ سیلاب سے اس پرمزید منفی اثرات مرتب ہوسکتے ہیں۔ انہوں نے نشاندہی کی کہ اہم فصلوں کی پیداوارمیں مجموعی طورپر 13.49 فیصد کمی آئی جودیہی غربت میں اضافے کا باعث بن رہی ہے۔ میاں زاہد حسین نے پبلک پرائیویٹ پارٹنرشپ ماڈل کے تحت سستے قرضوں کی فراہمی کے فیصلے کوقابل تحسین قراردیا اورکہا کہ یہ ترقی کی جانب ایک مثبت قدم ہے۔انہوں نے کہا کہ سستے قرضے حاصل کرکے کسان جدید مشینری، معیاری بیج اوربہترتکنیک اپنا سکیں گے جس سے پیداوار اور آمدنی دونوں میں اضافہ ممکن ہوگا۔ تاہم انہوں نے خبردار کیا کہ اس منصوبے کی کامیابی شفاف اور بروقت عمل درآمد سے مشروط ہے۔ انہوں نے زرعی ترقیاتی بینک کی اصلاحات کی بھی مکمل حمایت کی اور کہا کہ زرعی قرضوں کا نظام سادہ غیرسیاسی اورشفاف ہونا چاہیے۔
بنگلہ دیش اور ویسٹ انڈیز کے لیے قومی کرکٹرز کا کیمپ 9 جولائی سے شروع ہوگا