اسلامی تعاون تنظیم نے ہمیشہ کشمیریوں کے حق خودارادیت کی حمایت کی ہے، بیرسٹر سلطان
اشاعت کی تاریخ: 27th, May 2025 GMT
العربیہ ٹی وی کے ساتھ ایک خصوصی انٹرویو میں صدر آزاد کشمیر کا کہنا تھا کہ او آئی سی کو مقبوضہ کشمیر میں نہتے کشمیریوں پر جاری مظالم رکوانے کیلئے اپنا بھرپور کردار ادا کرنا چاہیے۔ اسلام ٹائمز۔ صدر آزاد جموں و کشمیر بیرسٹر سلطان محمود چوہدری نے کہا ہے کہ اسلامی تعاون تنظیم نے ہمیشہ کشمیریوں کے حق خودارادیت کی حمایت کی ہے۔ ذرائع کے مطابق بیرسٹر سلطان محمود چوہدری نے ایوان صدر کشمیر ہائوس اسلام آباد میں العربیہ ٹی وی کے ساتھ ایک خصوصی انٹرویو میں کہا کہ او آئی سی نے ہمیشہ کشمیریوں کے حق خودارادیت کی حمایت کی۔ انہوں نے کہا کہ او آئی سی کو مقبوضہ کشمیر میں نہتے کشمیریوں پر جاری مظالم رکوانے کیلئے اپنا بھرپور کردار ادا کرنا چاہیے۔ انہوں نے کشمیریوں کی خواہشات کے مطابق مسئلہ کشمیر کے حل پر زور دیا۔ بیرسٹر سلطان محمود چوہدری نے کہا کہ پہلگام فالس فلیگ آپریشن کے بعد بھارتی جارحیت کا منہ توڑ جواب دے کر پاکستان کی افواج اور عوام نے بھارت کے ناپاک عزائم کو خاک میں ملا دیا ہے۔ انہوں نے کہا کہ ہم جنگ کے حامی نہیں ہیں لیکن بھارت نے فسطائیت کا مظاہرہ کرتے ہوئے جنگ چھیڑی اور اس کے جواب میں ہماری مسلح افواج نے دھول چٹا کر بھارت کا غرور خاک میں ملا دیا۔ انہوں نے کہا کہ پاکستان اور بھارت کے درمیان جنگ کی بنیادی وجہ مسئلہ کشمیر ہے جب تک اقوام متحدہ کی قراردادوں کے مطابق مسئلہ کشمیر کا پائیدار حل تلاش نہیں کیا جاتا جنوبی ایشیا میں دیرپا امن قائم نہیں ہو سکتا ہے۔ ایک سوال کے جواب میں انہوں نے کہا کہ بھارت نے دفعہ 370 اور 35-A منسوخ کر کے مقبوضہ کشمیر کی خصوصی حیثیت کو ختم کیا ہے مقبوضہ کشمیر میں بھارت کی 9 لاکھ فوج تعینات ہے اور عددی اعتبار سے ہر 10 کشمیریوں پر ایک بھارتی فوجی تعینات ہے۔ بیرسٹر سلطان محمود چوہدری نے کہا کہ اسلامی تعاون تنظیم کو کشمیری عوام کو ان کا حق خودارادیت دلوانے کیلئے اپنا کردار ادا کرنا چاہیے اور مقبوضہ کشمیر میں جاری مظالم بند کرانے کے لئے بھارت پر دبائو بڑھانا چاہیے۔
.ذریعہ: Islam Times
کلیدی لفظ: بیرسٹر سلطان محمود چوہدری نے انہوں نے کہا کہ حق خودارادیت
پڑھیں:
سزاؤں کا اتوار بازار ختم ہونا چاہیے، نفرتوں سے پاکستان کا نقصان ہوگا‘ بیرسٹر گوہر
data-id="863a0a8" data-element_type="widget" data-widget_type="theme-post-content.default">
250918-08-19
پشاور(مانیٹرنگ ڈیسک)پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ چیف جسٹس سے درخواست ہے کہ ہمارے زیر التوا مقدمات پر قانون کے مطابق کارروائی کریں، عدلیہ ماتحت عدالتوں پر نظر رکھتی تو ہمارے 3 لوگوں کو 100 سال کی سزا نہ ہوتی، اب سزاؤں کا اتوار بازار ختم ہونا چاہیے، نفرتوں سے حکومت کرنے سے پاکستان کا نقصان ہوگا۔بیرسٹر گوہر نے پشاور ہائی کورٹ کے باہر میڈیا سے گفتگو کرتے ہوئے کہا کہ آج عمر ایوب، شبلی فراز اور عبدالطیف کی نااہلی سے متعلق درخواستوں کی سماعت تھی، ان مقدمات میں الیکشن کمیشن نے غیر قانونی طور پر نااہل کیا ہے۔انہوں نے کہا کہ آج 3 بجے پاکستان تحریک انصاف کا خیبر پختونخوا ہاؤس میں پارلیمانی اجلاس ہے جس میں امن و امان، افغانستان اور سیلاب کی صورت حال پر پارلیمانی پارٹی کو بریفنگ دیں گے۔بیرسٹر گوہر نے کہا کہ عدالت سے استدعا کی کل سماعت کرلی جائے، عدلیہ سے امید وابستہ ہے، عدلیہ کو کہتے ہیں کہ ریلیف اور انصاف ہوتا ہوا نظر آنا چاہیے، کل اسلام آباد ہائی کورٹ کے جسٹس طارق جہانگیری کے ساتھ جو کچھ ہوا وہ افسوس ناک ہے۔چیئرمین پی ٹی آئی نے کہا کہ کسی بھی جج کو عدالتی امور سے روکا نہیں جاسکتا، عوام کا پہلے عدلیہ سے کافی اعتماد اٹھ چکا ہے، سپریم کورٹ اس معاملے میں ایکشن لے، اسلام آباد ہائی کورٹ میں بانی پی ٹی آئی عمران خان کے کریمنل کیسز جلد سنے جائیں ۔ان کا کہنا تھا کہ اس وقت عوام مایوسی کے عالم میں ہیں، چیف جسٹس سے درخواست ہے کہ ہمارے زیر التوا مقدمات پر قانون کے مطابق کارروائی کریں۔بیرسٹر گوہر نے کہا کہ عدلیہ ماتحت عدالتوں پر نظررکھتی تو ہمارے 3 لوگوں کو 100 سال کی سزا نہ ہوتی، اب سزاؤں کا اتوار بازار ختم ہونا چاہیے، نفرتوں سے حکومت کرنے سے پاکستان کا نقصان ہوگا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام