پاکستانی صوبے بلوچستان کے وفد کا دورہ چین، سکیورٹی پر بات چیت
اشاعت کی تاریخ: 27th, May 2025 GMT
اسلام آباد (اُردو پوائنٹ ۔ DW اردو۔ 27 مئی 2025ء) خبر رساں ادارے روئٹرز کے مطابق چینی وزارت خارجہ کے جاری کردہ ایک بیان میں کہا گیا کہ پاکستانی صوبہ بلوچستان سے آنے والے اس وفد نے چینی نائب وزیر خارجہ لیو بن سے پیر 26 مئی کے روز چینی دارالحکومت بیجنگ میں ملاقات کی۔
خضدار میں اسکول بس پر خودکش حملہ، سکیورٹی ناکامی یا صوبائی حکومت کی نااہلی ؟
اس ملاقات میں اطراف نے مختلف امور پر تبادلہ خیال کیا، جن میں چین اور صوبہ بلوچستان کے مابین تعاون اور سلامتی کے معاملات بھی شامل تھے۔
سی پیک میں بلوچستان کی اہمیتچین پاکستان میں اربوں ڈالر مالیت کے چائنہ پاکستان اکنامک کوریڈور یا سی پیک نامی منصوبے پر کام کر رہا ہے، جس میں صوبہ بلوچستان کا کردار بھی کلیدی ہے۔
(جاری ہے)
بلوچستان رقبے کے لحاظ سے پاکستان کا سب سے بڑا اور قدرتی وسائل سے مالا مال صوبہ ہے، جو اقتصادی ترقی کے اعتبار سے پاکستان کی قدرے پیچھے رہ جانے والی وفاقی اکائی بھی ہے۔
بلوچستان میں مارگٹ اور قلات میں بم دھماکے، سات افراد ہلاک
خود کش دھماکے میں ہلاک ہونے والے پانچ چینی انجینیئرز کی لاشیں چین روانہ
چین بلوچستان میں گوادر کی بندرگاہ کے علاوہ اس صوبے میں پائی جانے والی معدنیات میں بھی بہت دلچسپی رکھتا ہے، مگر اس پاکستانی صوبے میں کام کرنے والے چینی شہریوں پر گزشتہ چند برسوں سے بلوچ علیحدگی پسند عسکریت پسندوں کی طرف سے بار بار خونریز حملے بھی کیے جاتے رہے ہیں، جن پر بیجنگ کو بہت تشویش ہے۔
پاکستان میں چینی سکیورٹی اہلکاروں کی تعیناتی کا معاملہسلامتی کے خطرات کے تناظر میں چینی حکومت کا پاکستان سے یہ مطالبہ بھی رہا ہے کہ وہ پاکستان میں مختلف منصوبوں پر کام کرنے والے ہزاروں چینی شہریوں کی حفاظت کے لیے بیجنگ کو اپنے سکیورٹی اہلکار تعینات کرنے کی اجازت دے۔
بلوچستان: سڑک کنارے نصب بم دھماکے میں تین سکیورٹی اہلکار ہلاک
بیجنگ کا پاکستان میں چینی شہریوں کی حفاظت کے لیے چین ہی کے سکیورٹی اہلکار تعنیات کرنے کی اجازت دیے جانے کا معاملہ اس وقت زور پکڑ گیا تھا، جب گزشتہ برس پاکستان کے بندرگاہی شہر کراچی کے ہوائی اڈے پر ایک بم حملے میں دو ایسے چینی انجینیئر ہلاک ہو گئے تھے، جو صوبہ سندھ میں ایک بجلی گھر کے منصوبے پر کام کرنے کے لیے وہاں لوٹ رہے تھے۔
بلوچستان: سکیورٹی خدشات کے باعث تین یونیورسٹیاں بند
چینی حکومت اور بلوچستان کی صوبائی حکومت کے وفد کے مابین بیجنگ میں پیر کے روز ہونے والی بات چیت اس تناظر میں بھی ہوئی کہ بلوچستان میں زیرعمل چینی منصوبوں کو بلوچ عسکریت پسند کیسے دیکھتے ہیں۔
بلوچ عسکریت پسندوں کا چین پر الزاممسلح بلوچ علیحدگی پسند، جو حالیہ مہینوں میں بلوچستان میں اپنے خونریز حملے تیز کر چکے ہیں، یہ دعویٰ کرتے ہیں کہ پاکستانی حکومت بلوچستان میں قدرتی وسائل مبینہ طور پر لوٹ رہی ہے۔
ان عسکریت پسندوں کا یہ دعویٰ بھی ہے کہ چین بلوچستان میں قدرتی وسائل کی مبینہ لوٹ میں پاکستانی حکومت کا ساتھ دے رہا ہے اور اسی لیے وہاں چینی شہریوں اور اہداف پر حملے کیے جاتے ہیں۔بلوچستان ٹرین حملہ: ہلاکتوں کی تعداد 31 ہو گئی
مبصرین کے مطابق بیجنگ میں پیر کے روز ہونے والی بات چیت اس امر کی طرف اشارہ ہو سکتی ہے کہ چین پاکستان میں اپنے شہریوں کی حفاظت کی خاطر اپنے لیے مزید اختیارات کا مطالبہ کرے، خاص طور پر ان علاقوں میں جہاں چینی مفادات کو لاحق خطرات زیادہ ہو چکے ہیں۔
جعفر ایکسپریس پر حملے میں ملوث بلوچ لبریشن آرمی کیا ہے؟
ایسا اس لیے بھی ممکن ہے کہ چین کے لیے سکیورٹی اعلیٰ ترین ترجیح بن چکی ہے اور چینی حکام کی نظر میں پاکستان میں چینی شہریوں اور مفادات کے تحفظ کے لیے مقامی سطح پر کیے جانے والے سکیورٹی انتظامات ناکافی ہیں۔
ادارت: افسر اعوان
.
ذریعہ
ذریعہ: UrduPoint
کلیدی لفظ: تلاش کیجئے بلوچستان میں پاکستان میں چینی شہریوں میں چینی میں چین کے لیے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار