چین نے پاکستان کیلئے ملازمتوں کے دروازے کھول دیئے،جاب فئیر میں 5سو ہنر مند پاکستانی نوجوانوں کو جاب دی جائیگی
اشاعت کی تاریخ: 27th, May 2025 GMT
چین نے پاکستان کیلئے ملازمتوں کے دروازے کھول دیئے،جاب فئیر میں 5سو ہنر مند پاکستانی نوجوانوں کو جاب دی جائیگی WhatsAppFacebookTwitter 0 27 May, 2025 سب نیوز
اسلام آباد (سب نیوز)چین نے پاکستان کیلئے ملازمتوں کے دروازے کھول دیئے ہیں۔پاکستان میں چین کے سفیر جیانگ زیڈونگ نے کہا کہ پاکستان اور چین کے مابین مستحکم تعلقات کے فروغ کے لیے پاکستانی نوجوانوں کو چینی کمپنیوں میں روزگار کے مواقع فراہم کرے گا۔ گزشہ روز نیوٹیک (نیشنل ووکیشنل اینڈ ٹیکنکل ٹریننگ کمیشن پاکستان )کے زیر اہتمام چین چیمبر آف کامرس پاکستان کے تعاون سے جاب فیر منعقد کیا گیا۔
جاب فئیر میں 5سو ہنر مند پاکستانی نوجوانوں کو جاب دی جائے گی ۔ جاب فئیر میں تین ہزار سے زائد درخواستیں موصول ہوئی اس موقع پرچینی کمپنی تھانگ انٹرنیشنل اور پاکستانی ووکیشنل انسٹی ٹیوٹ کے مابین آئی ٹی و ڈیجیٹل ٹریننگ فراہم کرنے کا معاہدہ بھی طے پا گیا۔ تقریب میں وفاقی وزیر تعلیم خالد مقبول صدیقی بھی موجود تھے۔ چینی سفیر نے خطاب کرتے ہوئے کہا کہ پاکستان چینی کمپنیوں کو ساز گار مواقع فراہم کرے گا تو چینی کمپنیاں پاکستان کی ترقی میں اہم کردار ادا کریں گی انہوں نے کہا کہ پاکستان کی 60 فیصد سے زائد آبادی نوجوانوں پہ مشتمل ہے جو پاکستان کے لیے بونس ہے۔ چین پاکستانی نوجوانوں کو جاب دینے کے لیے پرعزم ہے اس عمل سے دونوں ممالک کے مابین تعلقات کو فروغ ملے گا۔ چین میں 11ہزار سے زائد ووکیشنل ادارے ہیں جہاں سے ہر سال دس ملین نوجوان ہنر مند بنا کے نکلتے ہیں ۔پاکستانی نوجوانوں کو سائنس و ٹیکنالوجی کے میدان میں آنا چاہیے اس میں مواقع زیادہ ہیں انہوں نے کہا کہ چین تعلیم ‘ سائنس و ٹیکنالوجی اور ہیومن ریسورس کے میدان میں تعاون کر کے پاکستان کو فائدہ دے گاانہوں نے کہ چین پاکستانی نوجوانوں کو ٹریننگ دے گا پاکستانی نوجوان پاکستان کے لیے بونس ہیں ۔وفاقی وزیر تعلیم خالد مقبول صدیقی نے کہا کہ پاکستان اور چین دوستی خطے میں خوشحالی اور استحکام کی علامت ہے۔چین اقوام عالم میں ابھرتی ہوئی قوم ہے۔ پاکستان اہم دور سے گزر رہا ہے۔ اس موقع پر چئیر پرسن نیوٹیک گل مینہ بلال نے کہا کہ کراچء کے 20 ووکیشنل اداروں کا چینی کمپنی تھان کے ساتھ معاہدہ ہوا ہے جس کے تحت پاکستانی نوجوانوں کو ہنر مند بنایا جائے گا یہ معاہدہ آئی ٹی اور ڈیجیٹل شعبہ میں ہوا ہے اس معاہدے کے تحت سمارٹ لیبر بنائی جائیں گی
قبل ازیں جاب فئیر کی افتتاحی تقریب میں وزیر مملکت تعلیم و تربیت وجہیہ قمر نے کہا کہ یہ جاب فئیر سے بڑھ کر ایک اعلان ہے کہ پاکستانی ہنر مند نوجوان انتہائی ٹیلنٹڈ ہیں ہمارے نوجوان جاب سیکر نہیں فیوچر میکر ہیں۔پاکستان مزاحمت اور حوصلہ مندوں کی زمیں ہے جب پاک چین اکنامک رہداری ایک روڈ نہیں بلکہ ایک منزل کا تعین ہے۔یہ وزیراعظم شہباز شریف کا ویژن ہے کہ ہنر مند پاکستان ہی اڑان پاکستان کا سبب بنے گا ہم ایک ہنر مند پاکستان بنا کر ہی پاکستان کی معیشت کو مضبوط کر سکتے ہیں ۔چئیرپرسن نیوٹیک گل مینہ بلال نے خطبہ استقبالیہ دیتے ہوئے کہا کہ وہ وجہیہ قمر کی مشکور ہیں جن کی کاوشوں سے انتہائی کم وقت میں جاب فئیر کا انعقاد ممکن ہو سکاانہوں نے کہا کہ یہ وزیراعظم کا ویژن تھا جس کیوجہ سے اس فئیر کا انعقاد ممکن ہو سکا۔ہنر مند پاکستان ہی مضبوط اور مستحکم پاکستان کی بنیاد بنے گا میں چینی سفیر اور چائنہ چیمبر آف کامرس کی مشکور ہوں کہ آج بائیس چینی کمپنیاں شریک ہوئی ہیں جو ہمارے نوجوانوں کے لیے ملازمتوں کے دروازے کھول دیے ہیں اج چار سو امیدواروں کو جاب دی جائے گی انہوں نے کہا کہ آئندہ چند روز میں وزیراعظم کے ویژن کے مطابق ملک بھر میں نیوٹیک جاب فئیر کا انعقاد کرے گا۔ چائنہ چیمبر آف کامرس کے صدر وانگ ہوئی ہوا نے کہا کہ پاکستان میں پاور ،کنسٹرکشن آئی ٹی کمپنیاں نوجوانوں کے لیے ملازمت کے مواقع فراہم کر رہی ہے یہ نیوٹیک کی کاوشوں سے ممکن ہوا ہے ۔
پاکستانی ادارے چینی ٹیکنکل اداروں سے الحاق کرکے پاکستان کو ہنر مند بنا سکتے ہیں اور جاب کے ہزاروں مواقع پیدا ہونگیپاکستان میں کئی چینی کمپنیاں کام کر رہی ہیں جہاں نوجوانوں کے لیے مواقع ہیں ۔ ڈی جی نیوٹیک حیدر عباس نے کہا کہ یہ پی ایم کا ویژن تھا اس جاب فئیر سے خوشحالی کا نیا دور شروع ہو گااور معیشت ترقی کرے گے یہ جاب فئیر باہمی خوشحالی کا میلہ ہے چینی اکنامک قونصلر یانگ گوایوان نے کہا کہ یہ پاکستان میں پہلی بار ایسے جاب فئیر کا انعقاد ہو رہا ہے جس میں چینی کمپنیاں شریک ہوئی ہیں اور پاکستانی نوجوانوں کو ملازمتیں دے رہی ہیں ۔ جاب فئیر میں ہزاروں نوجوانوں نے شرکت کی اور چینی کمپنیوں کو اپنی سی ویز بھی جمع کروائی جبکہ وزیر مملکت وجہیہ قمر نے اسٹالز کا دورہ بھی گیا۔ واضح رہے اس جاب فئیر کے حوالے چئیرپرسن نیوٹیک گل مینہ بلال نے گزشتہ برس چینی حکومت کے ساتھ ایک ایم او یو سائن کیا تھا اسی معاہدے کے تحت اس جاب فئیر کا انعقاد کیا گیا اور چینی کمپنیاں شریک ہوئیں۔ واضح رہے کہ یہ جاب فیئر اور ہونے والے یہ ایم او یوز دسمبر 2024 کو چین اور نیوٹیک کی چیئرپرسن گلمینہ بلال احمد کے مابین ہونے والے ایم او یو کا تسلسل ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبریوم تکبیردفاع وطن کیلئے 24کروڑ عوام کے جذبے اور عزم کی درخشاں علامت ہے، سینیٹر عرفان صدیقی یوم تکبیردفاع وطن کیلئے 24کروڑ عوام کے جذبے اور عزم کی درخشاں علامت ہے، سینیٹر عرفان صدیقی پی ٹی آئی انتشار، مذاکرات کے مداروں میں چکر کھا رہی ہے ،سینیٹر عرفان صدیقی روس یوکرین تنازعہ میں ہم پاکستان کے غیر جانبدارانہ موقف کو قدر کی نگاہ سے دیکھتے ہیں،روسی سفیر البرٹ پی خورئیو چیئرمین سی ڈی اے محمد علی رندھاوا سے ایشیائی ترقیاتی بینک کے اعلی سطح وفد کی ملاقات ، مختلف شعبوں میں شراکت داری پر... جہاز میں 2بار فنی خرابی، لیبیا کے شہری کی حج پر جانے کی معجزاتی کہانی وائرل عوام کو مہنگائی کا بڑا جھٹکا لگنے کا امکان، پیٹرولیم لیوی سے 1311ارب وصولی کا ہدف
Copyright © 2025, All Rights Reserved
رابطہ کریں ہمارے بارے ہماری ٹیم
ذریعہ
ذریعہ: Daily Sub News
کلیدی لفظ: پاکستانی نوجوانوں کو جاب دی جاب فئیر کا انعقاد نے کہا کہ پاکستان پاکستانی نوجوان ہنر مند پاکستان چینی کمپنیاں پاکستان میں نے کہا کہ یہ پاکستان کی پاکستان کے فراہم کر کے مابین اور چین کے لیے
پڑھیں:
چینی سائنسدانوں کی اہم پیش رفت، نیند بڑھانے والا قدرتی مالیکیول دریافت
دنیا بھر میں لاکھوں افراد بے خوابی اور نیند کی مختلف خرابیوں کا شکار ہیں، تاہم چینی سائنسدانوں نے ایک ایسے قدرتی مالیکیول کی نشاندہی کی ہے جو دماغ میں نیند کی خواہش کو بڑھانے میں اہم کردار ادا کرتا ہے۔ ماہرین کے مطابق یہ دریافت مستقبل میں بے خوابی اور دیگر نیند کے مسائل کے لیے نئی، محفوظ اور مؤثر ادویات کی تیاری میں اہم سنگ میل ثابت ہو سکتی ہے۔
چینی اکیڈمی آف سائنسز اور دیگر تحقیقی اداروں کے سائنسدانوں کی یہ تحقیق معروف سائنسی جریدےنیچر نیورو سائنس (Nature Neuroscience) میں شائع ہوئی ہے۔ تحقیق کے مطابق ٹرپٹامین (Tryptamine یا TrpA) نامی قدرتی مالیکیول دماغ کو یہ اشارہ دیتا ہے کہ جسم کو آرام اور نیند کی ضرورت ہے۔
محققین کا کہنا ہے کہ مناسب نیند انسانی صحت کے لیے انتہائی ضروری ہے، کیونکہ اسی دوران دماغ یادداشت کو منظم کرتا، نئی معلومات محفوظ بناتا اور روزمرہ سرگرمیوں کے دوران جمع ہونے والے فاضل مادوں کو خارج کرتا ہے۔ اس کے باوجود دنیا بھر میں بے خوابی، ذہنی دباؤ، ڈپریشن، بے چینی اور جسمانی گھڑی (سرکیڈین ردھم) کی خرابی کے باعث لاکھوں افراد مناسب نیند سے محروم رہتے ہیں۔
تحقیق کے دوران سائنسدانوں نے رات کو متحرک رہنے والے چوہوں اور دن میں سرگرم رہنے والے سوروں پر تجربات کیے۔ خصوصی فلوروسینٹ سینسر کی مدد سے جانوروں کے دماغی مائع میں ٹرپٹامین کی مقدار مختلف اوقات میں ریکارڈ کی گئی۔
نتائج سے معلوم ہوا کہ جتنا زیادہ وقت جانور جاگتے رہے، ان کے دماغی مائع میں ٹرپٹامین کی مقدار بھی اتنی ہی بڑھتی گئی۔ اس سے ظاہر ہوا کہ یہ مالیکیول جسم میں بڑھنے والے سلیپ پریشر یعنی نیند کی قدرتی طلب کی عکاسی کرتا ہے۔
مزید تحقیق سے پتا چلا کہ جاگنے کے دوران متحرک مخصوص اعصابی خلیے ٹرپٹامین خارج کرتے ہیں، جو بعد ازاں GPR139 نامی ریسیپٹر سے جڑ کر دماغ کے اس حصے کو متحرک کرتا ہے جو نیند کو فروغ دینے میں اہم کردار ادا کرتا ہے۔
سائنسدانوں نے تجرباتی طور پر ایسے مرکبات بھی استعمال کیے جو GPR139 ریسیپٹر کو متحرک کرتے ہیں۔ نتائج کے مطابق ان مرکبات سے نہ صرف نیند کا دورانیہ بڑھا بلکہ اس کے معیار میں بھی نمایاں بہتری دیکھی گئی۔
ماہرین کا کہنا ہے کہ اگر مستقبل کی تحقیقات میں یہی حیاتیاتی نظام انسانوں میں بھی ثابت ہو جاتا ہے تو بے خوابی اور دیگر نیند کی خرابیوں کے علاج کے لیے ایسی نئی ادویات تیار کی جا سکیں گی جو موجودہ ادویات کے مقابلے میں زیادہ محفوظ، مؤثر اور کم مضر اثرات کی حامل ہوں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار