صنعاء ائیرپورٹ پر اسرائیل کا حملہ یمن کو غزہ کی حمایت سے پیچھے ہٹانے کی ناکام کوشش ہے، حماس
اشاعت کی تاریخ: 28th, May 2025 GMT
اپنے ایک جاری بیان میں حماس کا کہنا تھا کہ شہری تنصیبات پر حملے اس بات کی علامت ہے کہ اسرائیل کسی بین الاقوامی قانون اور انسانی روایت کو خاطر میں نہیں لاتا۔ اسلام ٹائمز۔ فلسطین کی مقاومتی تحریک "حماس" نے ایک جاری بیان میں کہا کہ صنعاء ائیرپورٹ پر صیہونی جارحیت کا تسلسل، اسرائیل کی اُن مجرمانہ پالیسیوں کی نشان دہی کرتا ہے جو وہ برادر عرب ممالک اور شہری علاقوں کے خلاف اپنائے ہوئے ہے۔ شہری تنصیبات پر حملے اس بات کی علامت ہے کہ اسرائیل کسی بین الاقوامی قانون اور انسانی روایت کو خاطر میں نہیں لاتا۔ حماس نے اس بات کی وضاحت کی کہ صنعاء ائیرپورٹ پر وحشیانہ حملہ، یمن اور "انصار الله" کے ہمارے بھائیوں کو غزہ کی حمایت میں اپنے ٹھوس موقف سے ہٹانے کی ناکام کوشش ہے۔ حماس نے عالمی برادری اور عرب دنیا کی سطح تک صیہونی جرائم کو بند کروانے کے لئے فوری اقدامات کرنے کا مطالبہ کیا۔ یاد رہے کہ کچھ ہی دیر قبل اسرائیل نے صنعاء ائیرپورٹ پر حملہ کر دیا۔ چار فضائی حملوں میں رن وے اور ایک ہوائی جہاز کو نشانہ بنایا گیا۔
ان حملوں پر رد عمل دیتے ہوئے یمن کی مقاومتی تحریک انصار الله کے سینئر رہنماء "محمد البخیتی" نے کہا کہ صنعاء، غزہ کی حمایت جاری رکھے گا اور فلسطینی عوام کو کبھی تنہاء چھوڑے گا چاہے کچھ بھی ہو جائے۔ قبل ازیں صنعاء شہر و ائیرپورٹ اور الصلیف، الحدیدہ و رأس عیسی بندرگاہوں کو بھی صیہونی رژیم نشانہ بنا چکی ہے۔ جس کے جواب میں یمن کی مسلح افواج متعدد بار تل ابیب کے قلب میں میزائل و ڈرون حملے کر چکی ہے۔ دلچسپ بات یہ ہے کہ انصار الله کے حالیہ حملوں کی وجہ سے صیہونی ائیرپورٹس کا فضائی محاصرہ ہو چکا ہے۔ ان حملوں ہی کی وجہ سے آئے روز تل ابیب میں ہزاروں صیہونی جان بچانے کے لئے پناہ گاہوں میں چھپتے پھرتے ہیں جب کہ بن گوریان ائیرپورٹ میں فلائٹ اُریشن معطل ہونا معمول کی بات ہے۔
ذریعہ: Islam Times
کلیدی لفظ: صنعاء ائیرپورٹ پر
پڑھیں:
امریکا, دہشت گردی کی کوشش ناکام، 5 افراد گرفتار
ایف بی آئی کے سربراہ کاش پٹیل نے بتایا ہے کہ امریکی ریاست مشی گن میں داعش سے متاثر گروہ کی جانب سے دہشت گردی کی سازش ناکام بنا دی گئی ہے۔ اسلام ٹائمز۔ ایف بی آئی سربراہ نے بتایا ہے کہ امریکی ریاست مشی گن میں دہشت گردی کی کوشش ناکام بنا دی گئی ہے۔ امریکی میڈیا کے مطابق امریکی خفیہ ادارے ایف بی آئی کے سربراہ کاش پٹیل نے بتایا ہے کہ امریکی ریاست مشی گن میں داعش سے متاثر گروہ کی جانب سے دہشت گردی کی سازش ناکام بنا دی گئی ہے۔ کاش پٹیل نے بتایا کہ ہالووین ویک اینڈ پر ممکنہ حملے کا منصوبہ بنایا گیا تھا جسے ناکام بنا دیا گیا ہے۔ ایف بی آئی سربراہ نے بتایا کہ اس معاملے میں مشتبہ افراد نے "پمپکن ڈے" کے نام سے منصوبے پر آن لائن بات چیت کی تھی۔ انہوں نے مزید بتایا کہ اس حوالے سے کارروائی میں 5 افراد کو گرفتار کیا گیا ہے۔ ایف بی آئی سربراہ کے مطابق گرفتار افراد میں 16 برس کا ایک نوجوان بھی شامل ہے۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟