مودی شکست خوردہ وزیراعظم،صرف دھمکیاں دے سکتا ہے:وفاقی وزیراطلاعات
اشاعت کی تاریخ: 28th, May 2025 GMT
باکو (ڈیلی پاکستان آن لائن )وفاقی وزیر اطلاعات عطاءاللہ تارڑ نے کہا ہے کہ ترکیہ اور آذر بائیجان کے ساتھ سٹرٹیجک تعلقات ہیں، وزیراعظم شہبا زشریف نے جو ڈپلومیسی شروع کی ہے اس سے پاکستان کے بین الاقوامی تعلقات مضبوط ہوں گے۔
ڈان نیوز کے مطابق آذربائیجان کے د ورے پر میڈیا سے گفتگو کرتے ہوئے وفاقی وزیر اطلاعات نے کہا کہ ہم اللہ تعالیٰ کا شکر ادا کرتے ہیں جس نے ہمیں معرکہ حق اور آپریشن بنیان مرصوص میں فتح دی، میں سمجھتا ہوں کہ یہ پاکستان کی بڑی خوش قسمتی ہے کہ وزیراعظم شہباز شریف اور فیلڈ مارشل سید عاصم منیر اس وقت ہمارے ساتھ اس دورے پر موجود ہیں۔
انہوں نے کہا کہ بھارت کے خلاف پاکستان کی فتح پر ترکیہ اور آذر بائیجان کے عوام نے بڑی خوشیاں منائیں، آج آذر بائیجان کا یوم جمہوریہ ہے اور ہمارا یوم تکبیر ہے اور یہاں پر ایک جشن کا سماں ہے۔
انہوں نے کہا کہ میں سمجھتا ہوں کہ یہ جو ڈپلومیسی وزیراعظم پاکستان کی طرف سے شروع کی گئی ہے، یہ پاکستان کے بین الاقوامی تعلقات کو مزید مضبوط کرے گی، معرکہ حق میں فتح کے بعد ان دوروں کی اہمیت مزید بڑھ گئی ہے۔
وفاقی وزیر نے کہا کہ ہمارا مشرقی ہمسایہ اب اپنی ہزیمت مٹانے کے لئے طرح طرح کے بیانات دے رہا ہے تو ایک ہارا ہوا وزیراعظم اور ایک ناکام سیاست دان اس طرح کے بیانات دے رہا ہے، مودی شکست خوردہ وزیراعظم ہے،صرف دھمکیاں دے سکتا ہے۔انہوں نے کہا کہ ہمارے وزیراعظم اور ہمارے فیلڈ مارشل سید عاصم منیر بیرونی دوروں پر ہیں، بیرون ملک جا رہے ہیں اور پاکستان کا مقدمہ پوری دنیا مان رہی ہے اور دوسری طرف ہمارا جو مشرقی ہمسایہ ہے، وہ بوکھلاہٹ کا شکار ہے۔
عطا تارڑ نے کہاکہ پاکستان کی فتح کے حوالے سے بات چیت پوری دنیا میں ہوتی رہے گی اور قیام امن میں پاکستان کے کردار کو پوری دنیا مانے گی، پاکستان اور پاکستانیوں کے لئے ایک فخر کا مقام ہے کہ پاکستان کی تجارت اور مختلف شعبوں میں جو تعاون ہے، اس کے فروغ کے لئے ہم کتنا آگے بڑھے ہیں۔
انہوں نے مزید کہا کہ دیکھیں کل یہ فیصلہ ہوا ہے کہ وفود کی سطح پر جلد ایک ملاقات ہوگی جس میں مزید پیشرفت ہوگی اور معاملات کو حتمی شکل دی جائے گی تو اس حوالے سے بھی آذربائیجان کے صدر بہت زیادہ پرجوش نظر آئے اور وہ چاہتے ہیں کہ پاکستان اور آذربائیجان کے تعلقات کو ایک اور سطح پر لے کر جایا جائے۔
آذربائیجان کی یوم آزادی پر ترکیہ، پاکستان کے رہنماو¿ں کی شرکت دوستی کی عکاس ہے: الہام علیوف
مزید :.ذریعہ: Daily Pakistan
کلیدی لفظ: پاکستان کے پاکستان کی نے کہا کہ انہوں نے
پڑھیں:
دوسرا ٹی 20: پاکستان کا بنگلادیش کیخلاف ٹاس جیت کر فیلڈنگ کا فیصلہ
ڈھاکا:دوسرے ٹی 20 میچ میں پاکستان نے بنگلادیش کیخلاف ٹاس جیت کر فیلڈنگ کا فیصلہ کرلیا۔
دونوں ٹیمیں میرپور کے شیر بنگلا کرکٹ اسٹیڈیم میں مدمقابل ہیں۔ پاکستان ٹیم میں آج کے میچ کیلئے ایک تبدیلی کی گئی ہے، ابرار کی جگہ احمد دانیال اپنا ڈیبیو میچ کھیلیں گے۔
بنگلا دیش کی ٹیم میں بھی دو تبدیلیاں کی گئی ہیں، تسکین اور تمیم کی جگہ نعیم شیخ اور شریف الاسلام ٹیم میں واپس آئے ہیں۔
پاکستان کو بنگال ٹائیگرز کے ہاتھوں سیریز میں شکست کی تاریخی رسوائی سے بچنے کیلیے آج کے میچ میں لازمی فتح درکار ہے۔
پہلے ٹی 20 میچ میں بنگلادیش نے پاکستان کو 7 وکٹوں سے شکست دیکر سیریز میں 0-1 کی برتری حاصل کی تھی۔
پاکستان الیون:
فخر زمان، صائم ایوب، محمد حارث (وکٹ کیپر)، حسن نواز، سلمان آغا (کپتان)، محمد نواز، خوشدل شاہ، فہیم اشرف، عباس آفریدی، سلمان مرزا، احمد دانیال
بنگلہ دیش الیون:
پرویز حسین ایمان، نعیم شیخ، لٹن داس (کپتان و وکٹ کیپر)، توحید ہریدوئے، شمیم حسین، جاکر علی، مہدی حسن، رشاد حسین، تنظیم حسن، شریف الاسلام، مستفیض الرحمان
ویڈیو لیک ہونے سے بچنا چاہتے ہیں تو ان برانڈز کے فون کبھی استعمال نہ کریں