غسل صبح کرنا چاہیے یا رات کو ؟
اشاعت کی تاریخ: 23rd, July 2025 GMT
کھانے پینے کی طرح ایک روزمرہ سرگرمی غسل کرنا بھی ہے۔ بیشتر لوگ روزانہ صبح یا رات کو نہاتے ہیں۔بعض لوگ ہفتے میں ایک دو دفعہ غسل کرنا کافی سمجھتے مگر صرف دیوانے ہی اس سرگرمی سے دور رہتے ہیں۔ سوال یہ ہے کہ طبی نقطہ نظر سے کون سا وقت نہانے کے لیے موزوں ہے؟اس ضمن میں ماہرین طب شخصی ضرورت کو اہمیت دیتے ہیں۔
مثال کے طور پر ایک شخص کی خواہش تھی ، اس کی رات کی بہتر نیند بہتر ہو جائے۔ اس نے بروقت سونے کے لیے نیند کی گولیوں سمیت مختلف طریقے آزمائے مگر کام نہ بنا۔آخر کیا چال چلی؟وہ صبح کے بجائے رات کو غسل کرنے لگا۔ اس سرگرمی سے اس کو اچھی نیند آنے لگی۔ ماہرین کا کہنا ہے کہ، "جب ہم صحیح وقت اور درجہ حرارت پر رات کے وقت نہائیں تو اس سے ہمیں سونے میں مدد ملتی ہے۔"گویا رات کو نہانا مفید ہے؟ بات وہی وقت کا تعین کرنا آپ کے مقاصد پر منحصر ہے۔
رات کی نیند
ایک تحقیق ہے کہ رات کو نہانے پر ہمارے جسم کا درجہ حرارت سرکیڈین تال (circadian rhythm)سے ہم آہنگ ہو جاتا ہے ۔ ہمارے جسم میں چوبیس گھنٹے کے دور میں جو حیاتیاتی تبدیلیاں جنم لیں، وہ سرکیڈین تال کہلاتی ہیں۔ یہ ہم آہنگی اچھی نیند لانے میں معاون بنتی ہے۔ دراصل ہر رات انسانی جسم کو اچھی طرح سے سونے کے لیے ٹھنڈا ہونا چاہیے۔یہ ہمارا ارتقائی عمل ہے۔
قدیم انسان باہر رہتے تھے جہاں ماحول رات کو ٹھنڈا ہو جاتا تھا اور جسم کا درجہ حرارت گر جاتا ۔اسی لیے انسان کو آج بھی ٹھنڈے ماحول میں باآسانی نیند آ جاتی ہے۔ لیکن دور جدید میں ہمارا کنٹرول شدہ اندرونی ماحول اگر زیادہ گرم یا ٹھنڈا ہے تو نیند آنے میں مشکل درپیش رہتی ہے۔ آرام کی یہ اضافی حالت گویا ہماری نیند متاثر کرتی ہے۔ تاہم غسل نیند کی دولت دے سکتا ہے۔
طریقہ کار یہ ہے کہ اگر گرمی زیادہ ہے تو ٹھنڈے پانی سے غسل کیجیے۔ موسم سرما میں گرم پانی سے نہائیے مگر اسے نیم گرم رکھیے۔اس طریقے سے انسانی جسم کا درجہ حرارت معمول پر لانے اور اسے سرکیڈین تال سے ہم آہنگ کرنے میں مدد ملتی ہے۔ گرمی زیادہ ہو تو غسل سے جسم سرد ہو جاتا ہے۔ سردی زیادہ ہے تو نیم گرم پانی جسم کا درجہ حرارت بڑھا کر اسے گرم کرتا ہے۔
نتیجہ یہ کہ غسل کی بدولت نہ صرف نیند آتی بلکہ وہ گہری اور اچھی بھی ہوتی ہے۔ ماہرین کو تحقیق سے معلوم ہوا ہے کہ غسل نیند میں تاخیر کم کرتا اور نیند کا معیار بہتر بناتا ہے۔وجہ یہ کہ یہ عمل جسمانی درجہ حرارت میں ردوبدل کر کے نیند لے آتا ہے۔‘‘
رات کے وقت نہانے کا مثالی دورانیہ کم از کم 10 منٹ ہے۔ اور بہترین وقت سونے سے ایک دو گھنٹے پہلے کا ہے۔ اگر سونے کے وقت نہایا جائے ، تو اس طرح جسم کو ٹھنڈا ہونے اور سرکیڈین تال سے ہم آہنگ ہونے کے لئے وقت نہیں ملتا۔ موسم سرما میں پانی کم از کم 40 درجے سینٹی گریڈ گرم ہو۔
یہ یاد رہے، رات نہانا شروع کرنے پر آپ کے سرکیڈین تال نظام کو نیند سے ہم آہنگ ہونے میں کچھ دن لگیں گے۔ماہرین کے نزدیک، ہمارا جسمانی نظام اتنی آسانی سے نہیں بدلتا۔
ماہرین طب اگرچہ خبردار کرتے ہیں کہ رات کے غسل سے سبھی کو فائدہ نہیں پہنچتا۔ اس لیے اگر کسی کو ایک ہفتہ غسل کے بعد بھی نیند نہ آ سکے تو وہ کوئی دوسرا طریقہ استعمال کرے۔ان کے نزدیک نیند لانے کا ایک عمدہ گر یہ ہے کہ سونے کا مستقل وقت بنا لیا جائے۔ یہ ایک اہم نکتہ ہے۔
تخلیقی صلاحیت
رات کو نہانے سے تخلیقی صلاحیتوں میں بھی بہتری آسکتی ہے۔ متعدد مطالعات سے پتا چلا ہے کہ غسل کرنے سے انسان تروتازگی اور فرحت محسوس کرتا ہے اور ایسے میں تخلیقی صلاحیتیں جلا پاتی ہیں۔ یہی وجہ ہے، بہت سے مردوزن رات کو نہانے کے بعد سوچ بچار کرنے لگتے ہیں اور دماغ کی روئیں آزادی سے بہنے لگتی ہیں۔
ماہرین طب کی رو سے تخلیقی بصیرت میں اضافے کے لیے رات کو غسل کرنا صبح سویرے مچھلی پکڑنے کے مترادف ہے : جب حالات قدرتی طور پر سازگار ہوں تو آپ غیر متوقع طور پر قیمتی چیز پا سکتے ہیں۔ جس طرح مچھلی پانی کے پُرسکون ہونے پر سطح پہ اٹھتی ہے، اسی طرح رات کو نہانے سے جب آپ کا دماغ پُرسکون ہو جائے تو آپ بہترین خیالات سوچ سکتے ہیں۔
جسمانی صفائی
رات کے وقت نہانے سے ذاتی حفظان صحت کو بھی فائدہ پہنچتا ہے۔ ایک ڈاکٹر کا کہنا ہے،رات کو غسل کرنے سے دن بھر جسم پر لگی میل کچیل دھل جاتی ہے۔ اس میں دھول، پسینہ اور آلودگی شامل ہیں۔ انسان انہیں دھوئے بغیر بستر پر جائے تو وہ جلدپر خارش کر سکتے اور آپ کی چادروں میں منتقل ہو جاتے ہیں۔
رات کو نہانے کا ایک بڑا فائدہ یہ بھی ہے کہ یوں جلد کے خلیوں کو راتوں رات مرمت کرنے کا موقع ملتا ہے۔ اگر آپ کی جلد چکنی یا تیل والی ہے تو رات کے وقت شاور لینا بہترین عمل ہے جس سے جلد پر چپکی ساری گندگی دور ہو جاتی ہے۔اس گندگی کو رات بھر نہیں چپکے رہنا چاہیے۔ رات غسل لینے کا ایک فائدہ یہ ہے کہ اگر کوئی گند بچ جائے تو وہ صبح نہانے کے بجائے محض منہ دھونے سے بھی صاف ہو جاتا ہے۔
انسان کی جلد ہر گھنٹے میں تقریباً بیس کروڑ خلیے خارج کرتی ہے۔ رات اور صبح نہانے سے جلد کے مردہ خلیوں کو دھونے میں مدد ملتی ہے۔ حفظان صحت کے لیے اپنے ماحول کو بھی صاف ستھرا رکھیے۔ مثال کے طور پر اگر آپ کے بستر کی چادریں گندی ہیں اور آپ انھیں تبدیل کیے بغیر ان پر سوتے ہیں تو رات یا صبح کو نہانا رائیگاں جائے گا۔گندی چادروں کی وجہ سے جسم کی ساری گندگی دور نہیں ہو سکے گی۔
کئی لوگ صبح نہانا پسند کرتے ہیں تاکہ تروتازہ ہو جائیں۔ ان کی خواہش ہوتی ہے کہ وہ اچھی خوشبو لیے دوسروں سے میل جول کریں۔ مگر غسل کرنے کے وقت کا تعلق اس امر سے بھی ہے کہ آپ دن میں کتنے گندے ہو تے ہیں۔ اگر کام کت دوران ہر قسم کی میل کچیل جسم سے چمٹتی ہے تو آپ کے لیے غسل کا بہترین وقت رات کاہی ہے۔
عملی کارکردگی
یہ تو درست ہے کہ رات کے وقت نہانے سے اچھی نیند آتی اور جسمانی صفائی ہو جاتی ہے۔ یہ اہم فوائد ہیں۔ مگر صبح کو غسل کرنا بھی ایک اہم فائدہ رکھتا ہے۔ یہ انسان کو تازہ دم کر دیتا ہے۔یوں وہ دن بھر کے کاموں کا مقابلہ کرنے کے لیے جسمانی و ذہنی طور پر تیار ہو جاتا ہے۔ وہ ان لوگوں کی نسبت زیادہ چاق وچوبند ہوتا ہے جو صبح نہیں نہاتے۔
دراصل صبح نہانے کا اثر ہمارے قدرتی جاگنے کے ساتھ مطابقت رکھتا ہے۔پرانے وقتوں میں رہنے والوں کے آباؤ اجداد طلوع آفتاب کے ساتھ ہی اٹھتے تھے تو درجہ حرارت گرم ہونے لگتا۔ اس طرح انسانی جسم گرم ہونے کے بعد بیدار ہونے کے لیے تیار ہو جاتا ہے۔ سرکیڈین تال کی بدولت ہی ہمارے جسم کا درجہ حرارت رات بھر کم رہتا اور صبح سویرے بڑھ جاتا ہے۔
ماہرین طب کا کہنا ہے کہ بہتر ہے، صبح کو ٹھنڈے پانی سے غسل کیا جائے۔ وہ ہم پہ چڑھا نیند کا خمار اتار کر ہمیں روزمرہ سرگرمیوں سے نپٹنے کے لیے تیار کر دیتا ہے۔ اس کے علاوہ انسان محسوس کرتا ہے کہ اس کے اندر نئی توانائی جنم لے رہی ہے۔کچھ سرویز سے پتا چلتا ہے کہ لوگ ٹھنڈے غسل کے بعد بہتر موڈ کے ساتھ زیادہ متحرک ہو جاتے ہیں۔
حرف آخر
یاد رکھیے ، آپ چاہے صبح غسل کریں یا رات کو، اپنا یہ معمول باقاعدگی سے انجام دیں۔ رات کو ہمارا جسم نیند کے اشارے تلاش کر تا ہے۔ اور اگر آپ ہر رات نہاتے ہیں تو وہ نیند لانے کا بہترین اشارہ بن جائے گا۔ اسی طرح صبح ہمارا جسم چاہتا ہے کہ وہ ہوشیار و مستعد ہو جائے۔ اسے متحرک کرنے کے لیے آپ نہاتے ہیں تو رفتہ رفتہ یہ عمل سرکیڈین تال سے ہم آہنگ ہو کر آپ کو چاق وچوبند کرنے کا بہترین طریق کار بن سکے گا۔
.
ذریعہ
ذریعہ: Express News
کلیدی لفظ: جسم کا درجہ حرارت سے ہم ا ہنگ ہو رات کو نہانے رات کے وقت ہو جاتا ہے ماہرین طب وقت نہانے رات کو نہانے سے یہ ہے کہ جاتی ہے کے لیے کے بعد کو غسل
پڑھیں:
بعض حکمران عناصر بینظر انکم سپورٹ پروگرام کو ختم کرنا چاہتے ہیں، تاہم پیپلز پارٹی ایسا نہیں ہونے دے دی، بلاول بھٹو
چیئرمین پاکستان پیپلز پارٹی بلاول بھٹو زرداری نے کہا ہے کہ ایران میں جاری جنگ کے اثرات کے باعث معاشی بحران نے جنم لیا ہے اور موجودہ معاشی چیلنجز سے نمٹنے کی صلاحیت صرف پیپلز پارٹی کے پاس ہے، گلگت بلتستان کے عوام 7 جون کو تیر پر مہر لگائیں۔
اسکردو میں جلسے سے خطاب کرتے ہوئے انہوں نے پاکستان کی جانب سے امن کے قیام کے لیے کی جانے والی کوششوں کو قابل فخر قرار دیتے ہوئے امید ظاہر کی کہ جنگ بندی کے لیے کی جانے والی کاوشیں کامیاب ہوں گی۔
مزید پڑھیں: کسی پر تنقید کرکے نہیں بلکہ کارکردگی پر ووٹ مانگتا ہوں، نواز شریف کا گلگت میں خطاب
چیئرمین پیپلز پارٹی نے کہاکہ ان کی جماعت ملک کے پسماندہ اور محروم طبقات کی حقیقی نمائندہ ہے۔ ایسی ترقی اور معاشی پالیسی کا کیا فائدہ جس میں امیر مزید امیر اور غریب مزید مشکلات کا شکار ہو جائے۔
ان کا کہنا تھا کہ بینظیر انکم سپورٹ پروگرام ملک کا واحد ایسا ادارہ ہے جو براہ راست مستحق خاندانوں تک پہنچتا ہے اور اس پروگرام کے خلاف ہونے والی سیاسی سازشیں ناکام ہوں گی۔
بدقسمتی اس ملک کی ہے کہ ہمارے سیاست دان ایسے ہیں کہ جب معاشی حالات خراب ہوتے ہیں تو وہ یہ نہیں سوچتے کہ ہم اپنے امیر دوستوں کی سبسڈی کیسے ختم کریں، وہ یہ نہیں سوچتے کہ کاروباری طبقہ کتنا ٹیکس دے رہا ہے، وہ سیدھا اس پر پہنچتے ہیں کہ بینظیر انکم سپورٹ پروگرام کو ختم کرو، مگر ہم یہ… pic.twitter.com/ioZikOPLZU
— WE News (@WENewsPk) June 2, 2026
انہوں نے دعویٰ کیا کہ بعض حکمران عناصر اس پروگرام کو ختم کرنا چاہتے ہیں، تاہم پیپلز پارٹی اسے بچانے کے لیے ہر ممکن اقدام کرے گی اور آئندہ بجٹ میں اس کے فنڈز میں اضافے کے لیے وزیراعظم سے بات کی جائے گی۔
بلاول بھٹو زرداری نے کہا کہ پاکستان کو ایٹمی طاقت بنانے کی بنیاد شہید ذوالفقار علی بھٹو نے رکھی جبکہ میزائل ٹیکنالوجی کے فروغ میں شہید محترمہ بینظیر بھٹو کا کردار نمایاں رہا۔
انہوں نے کہا کہ ماضی میں گلگت بلتستان کو شمالی علاقہ جات کہا جاتا تھا لیکن اس خطے کو موجودہ شناخت صدر آصف علی زرداری نے دی۔ ذوالفقار علی بھٹو نے بلتستان کی سرزمین سے پاکستان کو ایٹمی قوت بنانے کا اعلان کیا تھا۔
انہوں نے کہاکہ اگر 18ویں آئینی ترمیم کے تحت صوبوں کو دیے گئے اختیارات گلگت بلتستان کو بھی منتقل کر دیے جائیں تو خطے کے متعدد مسائل حل ہو سکتے ہیں۔
بلاول بھٹو نے کہاکہ حق حاکمیت کے بعد عوام کو حق ملکیت بھی ملنا چاہیے اور اسلام آباد کو تسلیم کرنا ہوگا کہ گلگت بلتستان کے وسائل پر سب سے پہلا حق مقامی آبادی کا ہے۔
انہوں نے کہا کہ جب تک اس حقیقت کو تسلیم نہیں کیا جاتا، نہ گلگت بلتستان اور نہ ہی پاکستان حقیقی ترقی کر سکتا ہے۔
پیپلز پارٹی کے چیئرمین نے سندھ حکومت کی کارکردگی کا حوالہ دیتے ہوئے کہا کہ سیلاب سے متاثرہ خاندانوں کو گھر فراہم کیے گئے اور یہی عوامی خدمت پیپلز پارٹی کی سیاست کا بنیادی محور ہے۔
ان کے مطابق پارٹی ہمیشہ عام آدمی، مزدور اور محروم طبقات کے حقوق کی سیاست کرتی آئی ہے۔
انہوں نے کہا کہ صدر آصف علی زرداری نے روٹی، کپڑا اور مکان کے نعرے کو بینظیر کارڈ کے ذریعے عملی شکل دی، جبکہ بینظیر انکم سپورٹ پروگرام کو دنیا کے کئی ممالک نے قابل تقلید ماڈل قرار دیا۔
بلاول بھٹو زرداری نے کہا کہ مسلم دنیا میں ایٹمی صلاحیت رکھنے والا واحد ملک پاکستان ہے اور اس صلاحیت کا سہرا شہید ذوالفقار علی بھٹو کے سر جاتا ہے۔
انہوں نے کہاکہ آج بھی گڑھی خدا بخش سے پاکستان کے دفاع کی روایت جڑی ہوئی ہے۔ جنرل مشرف کے دور میں غیر ملکی ممالک کو پاکستان میں اڈے حاصل تھے، تاہم سلالہ واقعے کے بعد صدر آصف علی زرداری نے ان اڈوں کو بند کروا دیا۔
انہوں نے سی پیک کے تحت تھرکول منصوبے کو سب سے کامیاب منصوبہ قرار دیتے ہوئے کہا کہ وہاں 80 فیصد ملازمتیں مقامی افراد کو فراہم کی گئیں۔
ان کا کہنا تھا کہ پیپلز پارٹی کی کوشش ہوتی ہے کہ زیادہ سے زیادہ روزگار کے مواقع پیدا کیے جائیں، جبکہ دیگر سیاسی قوتیں لوگوں کو بے روزگار کرنے کی پالیسی اپناتی ہیں۔
انہوں نے کہا کہ ان کی جماعت غریب نوجوانوں کو روزگار فراہم کرکے معاشی طور پر مضبوط بنانا چاہتی ہے۔
مزید پڑھیں: کسی بھی نئی آئینی ترمیم میں گلگت بلتستان کے عوامی حقوق کا تحفظ یقینی بنانا چاہیے، بلاول بھٹو
چیئرمین پیپلز پارٹی نے سندھ میں سیلاب کے بعد بحالی کے اقدامات کا ذکر کرتے ہوئے کہا کہ ایسا محسوس ہوتا تھا جیسے پورا صوبہ پانی میں ڈوب گیا ہو، تاہم حکومت 20 لاکھ متاثرہ گھروں کی تعمیر کر رہی ہے اور اتنے ہی خاندانوں کو مالکانہ حقوق کے ساتھ رہائش فراہم کی جا رہی ہے۔
بلاول بھٹو نے کہاکہ فیصلہ کیا گیا تھا کہ سڑکوں کی تعمیر سے پہلے متاثرین کو گھر دیے جائیں۔ اس منصوبے کے نتیجے میں قریباً 10 لاکھ افراد کو روزگار ملا۔
انہوں نے گلگت بلتستان کے عوام سے اپیل کی کہ 7 جون کو تیر کے انتخابی نشان پر مہر لگائیں، پیپلز پارٹی یہاں بھی سندھ طرز کے عوامی فلاحی منصوبے متعارف کرائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو چیئرمین پیپلز پارٹی گلگت بلتستان الیکشن وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ