سری لنکا کے دو سابق وزراء کو کرپشن پر 25 سال قید کی سزا
اشاعت کی تاریخ: 29th, May 2025 GMT
کولمبو : سری لنکا کی ایک عدالت نے بدعنوانی کے مقدمے میں دو سابق وزیروں کو 20 سے 25 سال قید کی سزا سنا دی، جو ملک کی سیاسی تاریخ کا ایک اہم فیصلہ قرار دیا جا رہا ہے۔
سابق کھیلوں کے وزیر مہیندناندا الُتھگامگے اور سابق تجارت کے وزیر انیل فرنینڈو کو عدالت نے ریاستی خزانے سے 53 ملین سری لنکن روپے (تقریباً 1.
دونوں نے یہ رقم 14,000 کیرم بورڈز اور 11,000 ڈرافٹس سیٹس خرید کر تقسیم کرنے میں استعمال کی، تاکہ سابق صدر مہندا راجاپاکسا کی 2015 کی انتخابی مہم کو فائدہ پہنچایا جا سکے، جو ناکام ہوئی تھی۔
عدالت نے الُتھگامگے کو 20 سال اور فرنینڈو کو 25 سال قید کی سزا دی، ساتھ ہی 2,000 ڈالر جرمانہ بھی عائد کیا۔
مہیندناندا الُتھگامگے اب راجاپاکسا حکومت کے سب سے سینئر رکن بن گئے ہیں جنہیں کرپشن پر سزا ملی ہے۔ ان پر ایک اور کیس بھی جاری ہے، جس میں انہوں نے مبینہ طور پر چینی کمپنی کو 60 لاکھ ڈالر کی کھاد کی ادائیگی کی، حالانکہ کھاد کبھی فراہم نہیں کی گئی۔
یاد رہے کہ الُتھگامگے نے 2020 میں ورلڈ کپ 2011 کے فائنل میں میچ فکسنگ کا دعویٰ کیا تھا، جسے بعد میں تحقیقات کے باوجود ثابت نہیں کیا جا سکا۔
انہوں نے کہا تھا کہ “ہمیں 2011 کا ورلڈ کپ جیتنا چاہیے تھا، لیکن ہم نے میچ بیچ دیا۔”
سری لنکا نے وہ فائنل میچ بھارت کے خلاف چھ وکٹوں سے ہارا تھا۔ اس الزام کی کھلاڑیوں نے سختی سے تردید کی تھی۔
Post Views: 4ذریعہ: Daily Mumtaz
پڑھیں:
داسو ہائیڈرو پاور ٹرانسمیشن لائن منصوبے میں میگا کرپشن کی نشاندہی
سینیٹ کی قائمہ کمیٹی برائے اقتصادی امور نے داسو ہائیڈرو پاور ٹرانسمیشن لائن منصوبے میں میگا کرپشن کی نشاندہی کر دی ہے جب کہ کمیٹی کے چیئرمین سینیٹر سیف اللہ ابڑو کہتے ہیں مبینہ کرپشن کی تحقیقات کرنا تمام متعلقہ اداروں کی ذمہ داری ہے۔
سینیٹ کی قائمہ کمیٹی برائے اقتصادی امورکا اجلاس سینیٹر سیف اللہ ابڑو کی زیر صدارت منعقد ہوا اجلاس میں کمیٹی کو بتایا گیا کہ نیسپاک نے بولی دہندہ کی جانچ پڑتال کے دوران غلط اعدادوشمار پیش کیے۔
کمیٹی چیئرمین سیف اللہ ابڑو نے داسو ہائیڈرو پاور ٹرانسمیشن لائن منصوبے میں مبینہ کرپشن پر برہمی کا اظہار کیا۔
انہوں نے کہا کہ 600 ملین روپے کی کرپشن ہوئی تمام اداروں کی ذمہ داری ہے اس پر تحقیقات کریں۔ 2015 میں انجینئرنگ ڈویلپمنٹ بورڈ کے خط پر یہ منصوبہ کمپنی کو دیا گیا۔
ایک خط کی بنیاد پر منصوبہ کیسے کمپنی کو دے دیا گیاکمیٹی نے انجینئرنگ ڈویلپمنٹ بورڈز کے خطوط کی تحقیقات کی ہدایت کردی۔
چیئرمین کمیٹی بولے نیب اور ایف آئی اے سے معاملے کی تحقیقات کرائی جائیں پاور ڈویژن کی غفلت کی بھی تحقیقات کی جائیں۔
ایک جھوٹ کو چھپانے کیلئے کئی جھوٹ بولے گئے۔ نیسپاک نے بولی دہندہ کی جانچ کے دوران غلط اعدادوشمار دیئےایم ڈی نیسپاک نے غلط اعدادوشمار کے حوالے سے اعتراف کر لیا۔
کمیٹی نے نیسپاک کے افسران کے غلط اعدادوشمار پر کاروائی کی ہدایت کردی۔
سیف اللہ ابڑو نے کہا کہ غلط اعدادوشمار دینے والے ملازمین کو نوکریوں سے نکالیں کمیٹی چیئرمین نے مزید کہا کہ حکومت کہتی ہے کہ ہم نے قرض لے کر ملک چلانا ہے۔
آئندہ مالی سال 22 ارب ڈالر قرض لیا جائے گا، یہ سن کر مجھے تو دو دن سے رات کو نیند ہی نہیں آئی۔
آصفہ بھٹو اور مراد علی شاہ کا ورلڈ بینک کے وفد کے ہمراہ سیلاب متاثرین کیلئے تعمیر کیے گھروں کا دورہ