ایشین ماسٹر ویٹ لفٹنگ چیمپئن شپ، پاکستان نے دو گولڈ میڈلز جیت لیے
اشاعت کی تاریخ: 30th, May 2025 GMT
پہلی ایشین ماسٹر ویٹ لفٹنگ چیمپئن شپ میں پاکستان کی کامیابیوں کا سلسلہ جاری ہے۔ قطر کے شہر دوحا میں جاری چیمپئین شپ میں پاکستان نے مزید دو میڈلز جیت لیے۔
موصولہ اطلاعات کے مطابق رشید خان نے 80 کلو گرام کٹیگری میں طلائی تمغہ حاصل کیا۔
رشید خان نے مجموعی طورپر 150 کلوکرام وزن اٹھایا۔ انہوں نے اسنیچ میں 80 جبکہ کلین اینڈ جرک میں 90 کلوگرام کا وزن اٹھایا۔
پاکستان ہی کے عبد المالک نے 93 کلو گرام کی کٹیگری میں سلور میڈل جیتا۔ انہوں نے اسنیچ 93 میں کلوگرام اور کلین اینڈ جرک کٹیگری میں 100 کلوگرام کا وزن اٹھا یا۔ عبد المالک نے مجموعی طورپر 193 کلو گرام وزن اٹھایا۔
چیمپئن شپ میں پاکستان کے میڈلز کی تعداد 3 ہوگئی۔
قبل ازیں عثمان امجد راٹھور نے 96 کلوگرام کی کٹیگری میں گولڈ میڈل حاصل کیا تھا۔
چیمپئن شپ کے لیےدس رکنی قومی دستے میں تین آفیشلز سمیت تین خواتین اور چار مرد ویٹ لفٹر شامل ہیں۔
31 مئی تک جاری رہنے والی چیمپئن شپ میں پاکستان سمیت 25 ممالک شرکت کررہے ہیں۔
قومی ٹیم میں نیلم ریاض، نادیہ مقصود، سیبل سہیل ، رشید خان، عبدالمالک، کاشف ریحان محمد اقبال شامل ہیں۔سید منور حسین زیدی، عمر جاوید اور ارشد خان آفیشلز ہیں۔
.ذریعہ: Express News
کلیدی لفظ: شپ میں پاکستان چیمپئن شپ
پڑھیں:
ملک بھر میں انسداد اسمگلنگ آپریشنز میں ایک کروڑ 70 لاکھ کی منشیات برآمد
راولپنڈی:اے این ایف نے ملک بھر میں کارروائیاں کرتے ہوئے ایک کروڑ 70 لاکھ روپے کی منشیات برآمد کرلی۔
ترجمان کے مطابق اینٹی نارکوٹکس فورس (اے این ایف) نے ملک کے مختلف شہروں اور تعلیمی اداروں کے اطراف منشیات اسمگلنگ کے خلاف کامیاب کریک ڈاؤن کرتے ہوئے 7 مختلف کارروائیوں کے دوران ایک نائیجیرین شہری سمیت 8 ملزمان کو گرفتار کر لیا ہے۔
ان کارروائیوں میں مجموعی طور پر 103.872 کلوگرام منشیات برآمد ہوئی ہیں، جن کی مالیت ایک کروڑ 70 لاکھ روپے سے زائد بتائی گئی ہے۔
انسداد منشیات فورس نے جامعات کے اطراف میں بھی خاص طور پر کارروائیاں کیں۔ جام شورو، سندھ میں ایک یونیورسٹی کے قریب کھڑی گاڑی سے 6 کلوگرام چرس برآمد کی گئی، جبکہ موقع سے ایک ملزم کو گرفتار کیا گیا۔
ابتدائی تفتیش کے دوران ملزم نے انکشاف کیا کہ وہ یہ منشیات تعلیمی ادارے کے طلبا کو فروخت کرتا تھا۔
بین الاقوامی اسمگلنگ کی روک تھام میں بھی اے این ایف کو اہم کامیابیاں حاصل ہوئیں۔ ملتان ایئرپورٹ پر قطر سے آنے والے نائیجیرین شہری کے پیٹ سے 672 گرام کوکین کے 56 کیپسول برآمد کیے گئے۔ اسی طرح لاہور ایئرپورٹ پر قطر کے راستے اسپین جانے والے مسافر کے سامان میں موجود کپڑوں میں جذب 14.325 کلوگرام مشکوک منشیات برآمد ہوئیں۔
دونوں افراد کو گرفتار کر کے تحقیقات کا آغاز کر دیا گیا ہے۔
پشاور کے ورسک روڈ پر واقع ایک کوریئر آفس میں اے این ایف نے کارروائی کرتے ہوئے 4پارسلز سے منشیات برآمد کیں۔ پارسلز میں سولر انورٹرز کے اندر چھپائی گئی 6 کلو چرس اور 1.2 کلو افیون شامل تھیں، جو ملک کے مختلف شہروں کو بھیجی جا رہی تھیں۔
شرقپور روڈ، تحصیل فیروزوالہ، ضلع شیخوپورہ میں بھی بڑی کارروائی کرتے ہوئے ملزمان سے 60 کلوگرام چرس، 3 کلو آئس، 3 کلو ہیروئن اور 14.4 کلو افیون برآمد کی گئی۔
نیشنل ہائی وے پر حیدرآباد میں ایک ریسٹورنٹ کے قریب گاڑی سے 6 کلو چرس برآمد ہوئی جب کہ کراچی کے علاقے ناتھا خان گوٹھ، ملیر کے قریب موٹر سائیکل سوار 2 افراد سے 3.6 کلوگرام چرس ضبط کی گئی۔
ترجمان اے این ایف کے مطابق تمام گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں اور تحقیقات کا دائرہ وسیع کر دیا گیا ہے۔ انسداد منشیات فورس کا کہنا ہے کہ تعلیمی اداروں اور شہری آبادیوں کو نشے کے ناسور سے محفوظ رکھنے کے لیے کریک ڈاؤن کا سلسلہ جاری
ریاض میں CFO لیڈرشپ سمٹ 2025 کا کامیاب انعقاد