ہالی ووڈ کی وہ فلم جس نے جوکر اور اوپن ہائیمر کو بھی پیچھے چھوڑ دیا
اشاعت کی تاریخ: 30th, May 2025 GMT
ہالی ووڈ فلم "سِنرز" نے ریلیز کے چھٹے ہفتے میں 1.1 ملین ڈالر کماکر آر ریٹڈ فلموں میں "جوکر" اور "اوپن ہائیمر" کو پیچھے چھوڑ دیا۔
غیر ملکی میڈیا رپورٹ کے مطابق معروف امریکی ہدایتکار ریان کوگلر کی سپرنیچرل ہارر فلم "سِنرز" امریکی باکس آفس پر ریلیز کے چھٹے ہفتے میں 1.1 ملین امریکی ڈالر کما کر توقعات سے بڑھ کر کارکردگی دکھا رہی ہے۔
اگرچہ پچھلے ہفتے کے مقابلے میں اس فلم کی آمدنی میں 40.
"سِنرز" نے "جوکر"، "اوپن ہائیمر" اور "ڈیڈپول اینڈ وولورین" جیسی بڑی فلموں کو پیچھے چھوڑ دیا، جو ریلیز کے چھٹے ہفتے تک صرف 1 ملین ڈالر سے کم کما سکی تھیں۔
یہ فلم 2025 کے اپریل میں ریلیز ہونے والی فلموں میں تیسری سب سے زیادہ کمائی کرنے والی فلم کا ریکارڈ بھی رکھتی ہے جبکہ توقعات کی جارہی ہیں کہ آنے والے دنوں میں یہ فلم اور بھی زیادہ کمائے گی۔
یاد رہے کہ 18 اپریل کو ریلیز ہونے والی فلم "سِنرز" 1932 کے مسیسیپی ڈیلٹا پر مبنی ہے، جس میں مائیکل بی جورڈن دو کرداروں اسمُوک اور اسٹیک میں جلوہ گر ہیں۔ اس کی کہانی، پرفارمنس اور فنی معیار کو بھی شائقین کی جانب سے خوب سراہا جا رہا ہے۔
ذریعہ: Express News
پڑھیں:
کامیاب لوگوں کے پیٹھ پیچھے باتیں کرنا ناکام ہونیوالوں کی مجبوری ہے
قومی ٹیم کے رکن بابراعظم کے والد اعظم صدیقی نے سابق وکٹ کیپر بیٹر کامران اکمل کے متنازع تبصرے پر انہیں آڑے ہاتھوں لے لیا۔
حالیہ پوڈکاسٹ میں سابق کرکٹر کامران اکمل نے محمد رضوان اور بابراعظم کو ٹی20 انٹرنیشنلز ڈراپ کرنے سے متعلق فیصلے کی حمایت کی تھی، جو بابر کے والد کو پسند نہ آئی۔
انہوں نے ایک پُرانی تصویر شیئر کی جس میں کامران اکمل اپنے چھوٹے کزن بابراعظم کیساتھ موجود تھے، اس فوٹو کیساتھ اعظم صدیقی نے کیپشن میں لکھا کہ 'یہ بچہ (بابر) کبھی آپ کی کپتانی میں نہیں کھیلا، لیکن آپ نے اس کی کپتانی میں کھیلا اور صفر پر آؤٹ ہوئے جب کہ اس دن اس نے سنچری اسکور کی'۔
مزید پڑھیں: "بابراعظم، رضوان کو صرف ٹیسٹ تک محدود رکھیں"
اعظم صدیقی نے اپنے کیپشن میں مزید لکھا کہ 'اشفاق احمد نے ٹھیک کہا تھا کامیاب لوگوں کی پیٹھ پیچھے باتیں کرنا ناکام ہونے والوں کی مجبوری ہے'۔
مزید پڑھیں: مائیک ہیسن کا بڑا چیلنج "اندرونی ڈرامے" سنبھالنا ہوگا
بابراعظم کے والد نے ایک ترک محاروے کا حوالہ دیتے ہوئے لکھا کہ "اگر کوئی کہے کہ وہ آپ کے بھائی ہیں، تو انہیں یہ بھی واضح کرنا چاہیے کہ وہ ہابیل کی طرح ہیں یا قابیل"۔
’’بھارت پاکستان کو خوفزدہ نہ کرسکا‘‘؛ امریکی پروفیسر نے بھارتی میڈیا اور حکومت کو آئینہ دکھا دیا