9 مئی تھانہ رمنا حملہ کیس: پی ٹی آئی رکن اسمبلی سمیت 11 ملزمان کو سزا
اشاعت کی تاریخ: 30th, May 2025 GMT
---فائل فوٹو
9 مئی کو تھانہ رمنا پر حملے کے کیس میں پی ٹی آئی رکن قومی اسمبلی عبداللطیف، سابق ایم پی اے وزیر زادہ کیلاشی سمیت 11 ملزمان کو سزا سنادی گئی۔
اسلام آباد کی انسداد دہشت گردی عدالت کے جج طاہر عباس سپرا نے پی ٹی آئی رہنماؤں اور کارکنان کے خلاف 9 مئی کو تھانہ رمنا پر حملے کے کیس کا فیصلہ سنادیا۔
ملزمان کو مجموعی طور پر 15 سال 4 ماہ قید اور جرمانے کی سزا سنائی گئی ہے، عدالت نے غیر حاضر ملزمان کے وارنٹ گرفتاری جاری کر دیے۔
پولیس نے عدالت میں موجود 4 ملزمان محمد اکرم، میرا خان، شاہ زیب اور سہیل خان کو تحویل میں لے لیا۔
ڈسٹرکٹ اینڈ سیشن کورٹ اسلام آباد میں پی ٹی آئی کارکنان کے خلاف 26 نومبر احتجاج کیس کے دوبارہ ٹرائل شروع کرنے کی استدعا مسترد کر دی گئی۔
عدالت نے کہا کہ ملزمان نے تھانہ رمنا پر حملہ کیا، فائرنگ اور پتھراؤ کیا، پولیس اہلکاروں کو مارنے کی کوشش کی۔
ملزمان نے اپنے مقاصد کے لیے موٹر سائیکلوں کو آگ لگائی، ملزمان کے خلاف 24 گواہان نے اپنی شہادتیں قلمبند کرائیں، ملزمان کی مجسٹریٹ صاحبان کے سامنے شناخت پریڈ کی گئی۔
جج طاہر عباس سپرا نے ریمارکس میں کہا کہ اسلام آباد کے تھانوں پر حملہ ہوتا ہے تو ملک میں کوئی جگہ رہنے کے قابل نہیں رہے گی، پولیس پر قاتلانہ حملے پر ملزمان کو 5 سال قید، 50 ہزار جرمانہ کی سزا دی جاتی ہے، موٹر سائیکل جلانے پر 4 سال قید، 40 ہزار روپےجرمانے کی سزا سنائی جاتی ہے۔
جج طاہر عباس سپرا نے فیصلے میں کہا کہ تھانہ جلانے کے جرم میں 4 سال قید اور 40 ہزار جرمانہ کی سزا سنائی جاتی ہے، پولیس کے کام میں مداخلت پر 3 ماہ قید کی سزا سنائی جاتی ہے، دفعہ 144 کی خلاف ورزی پر ایک ماہ قید کی سزا سنائی جاتی ہے، مجمع بنا کر جرم کرنے پر 2 سال قید کی سزا سنائی جاتی ہے، دہشت گردی کی دفعات پر 10سال قید، 2 لاکھ روپے جرمانہ کی سزا سنائی جاتی ہے۔
.ذریعہ: Jang News
کلیدی لفظ: کی سزا سنائی جاتی ہے تھانہ رمنا ملزمان کو پی ٹی آئی کے خلاف سال قید
پڑھیں:
کیماڑی تھانہ جیکسن، ایس ایچ او گٹکا ماوا کنگ کے سامنے بے بس نکلا
کاشف کچھی جس پر گٹکے و ماوے کے متعدد ایف آئی آرز درج ہیں پھر بھی کھلے عام کام جاری ہے
جیسکن تھانے کی حدود میں ایک سے تین ہزار دوکانوں میں کاشف کچھی کا گٹکا و ماوا سپلائی اور فروخت
(رپورٹ؍ ایم جے کے)ضلع کیماڑی تھانہ جیکسن ایس ایچ او گٹکا و ماوا کنگ کے سامنے بے بس، کاشف کچھی جس پر گٹکے و ماوے کے متعدد ایف آئی آرز درج ہیں پھر بھی کھلے عام کام جاری ہے، جیکسن تھانے کی حدود میں ایک سے تین ہزار دوکانوں میں کاشف کچھی کا گٹکا و ماوا سپلائی اور فروخت۔ علاقہ ذرائع کے مطابق ضلع کیماڑی تھانہ جیکسن ایس ایچ او ایاز خان گٹکا و ماوا کنگ کاشف کچھی کے سامنے بے بس، گٹکا و ماوا ڈیلر کاشف کچھی جس پر گٹکے و ماوے کے متعدد ایف آئی آرز درج ہوچکی ہیں پر اس کے باوجود آج بھی پولیس کے علم میں ہونے کے باوجود جیکسن مارکیٹ سے لیکر گلشن سکندر آباد تک ہزاروں دوکانوں میں اپنا گٹکا و ماوا اپنے کارندوں کے ذریعے سپلائی اور فروخت کررہا ہے، روزانہ ایک اندازے کے مطابق جیسکن تھانے کی حدود میں ایک سے تین ہزار دوکانوں میں اپنا گٹکا و ماوا سپلائی کررہا ہے بلاخوف اور کوئی پوچھنے والا نہیں، کاشف کچھی کا ایک خاص کارندہ جو ذرائع بتاتے ہیں جو کاشف کچھی کا پورا کام سنبھالتا ہے وسیم جدون نامی شخص ہے جس پر بھی کء ایف آئی آر درج ہوچکی ہیں، یہ مافیا اپنا کام کھلے عام پورے علاقے میں عرصہ دراز سے جاری رکھے ہوئے ہیں، دوسری جانب اگر بات کریں ان مافیا کے خلاف پولیس کی کاروائی کی تو وہ نمائشی کاروائیوں کے علاوہ کچھ بھی نظر نہیں آتی، ہر کچھ دن بعد جیکسن پولیس گٹکا و ڈیلر کاشف کچھی کے خلاف ایک چھوٹی سی کاروائی کرتی ہے اور دفعات اتنے کمزور کہ اگلے دن ہی بندہ باہر ہوتا ہے اور یہ کاروائی صرف اس لیے کی جاتی ہے تاکہ ہفتہ وار، ماہانہ وار رقم(رشوت) میں اضافہ کیا جاسکے، ذرائع بتاتے ہیں کہ پورے تھانہ جیکسن کی حدود میں کوئی بھی باہر علاقے کا شخص چکر لگائے اور دوکانوں اور کیبنوں پر نظر رکھیں وہ حیرت زدہ ہوگا کیونکہ تقریبا تمام دوکانوں اور کیبنوں میں کاشف کچھی کا گٹکا و ماوا فروخت ہورہا ہے، دوسری طرف ضلع کیماڑی ایس ایس پی یا تو ان تمام معاملات سے لاعلم ہے یا پھر مستفید، گٹکا و ماوا ڈیلر کاشف کچھی اور وسیم جدون سے ضلع کیماڑی ایس ایس پی اور جیکسن تھانہ ایس ایچ او اپنی ایک آنکھ بند کرچکے ہیں، صرف وہی آنکھ کھولے ہوئے ہیں جس آنکھ سے ایس ایس پی کو گٹکا و ماوا ڈیلر کاشف کچھی اور وسیم جدون نظر نہیں آتے، یہی وجہ ہے کہ کاشف کچھی اور وسیم جدون بغیر کسی ڈر کے پورے علاقے میں اپنا گندا اور غلیظ کاروبار جاری رکھے ہوئے ہیں اور کیماڑی جیکسن کے نوجوانوں، بچوں میں بیماریاں پھیلانے میں مصروف عمل ہیں۔
محبت، بلیک میلنگ اور قتل، خوفناک واردات کی تفصیل سامنے آگئی