جیلیں جرائم کی نرسریاں ہیں؟ اکثر یہ سوال اٹھایاجاتا ہے اور مختلف مکتبہ فکر میں اس پر بات بھی ہوتی ہےاور یہ بات کس حد تک درست ہے؟ سماج اور قانون کی کتابوں میں جرم کی تعریف اس طرح کی گئی ہے کہ جب بھی کوئی ضابطہ ٹوٹتا ہے یا قواعد کی خلاف ورزی ہوتی ہےوہ جرم کے زمرے میں آتا ہے۔ چوری چکاری ہی نہیں،کوئی اخلاقی جرم بھی ہو تو وہ قابل دست اندازی پولیس جرم ہے۔ یوں جرم کرنے والے پر فوجداری مقدمہ قائم ہو سکتا ہے۔پاکستان میں جو طبقہ اس وقت سب سے زیادہ ذہنی دبائو کا شکار ہے وہ نوجوان لڑکے اور لڑکیاں ہیں۔ قریبا 29 ملین سے زیادہ نوجوان اس وقت بے روزگار ہیں۔ جب کہ نشہ کرنے والوں کی تعداد بھی ملک میں دن بدن بڑھ رہی ہے۔نشہ کرنے والوں میں نوجوان بھی ہیں اور 40 سال سے اوپر کے افراد بھی۔ اقوام متحدہ کی ایک رپورٹ کے مطابق پاکستان کی کل آبادی کا قریبا 64 فیصد 30 سال سے کم عمر نوجوانوں پر مشتمل ہے۔ ان میں سے 27 ملین بے روزگار ہیں۔ یہ بے روزگار نوجوان پاکستانی معاشرے کے لیے ٹائم بم کی حیثیت رکھتے ہیں کیونکہ معاشرے میں ایسے بہت سے عناصر موجود ہیں جو ٹینشن میں مبتلا ان نوجوانوں کو جرم کی طرف دھکیلتے ہیں۔ اس طریقے سے ان کی برین واشنگ کی جاتی ہےکہ یہ نوجوان بالآخر جرم کرنے پر مجبور ہو جاتے ہیں۔ نا چاہتے ہوئے بھی جرم کرنے لگتے ہیں۔ بالآخر گرفتار ہو کر جیل پہنچتے ہیں تو کریمنل سائیڈ پر ان کی مزید آبیاری ہوتی ہے۔ جیل میں پہلے سے موجود خطرناک کرمنلز ان کو سیدھا راستہ دکھانے کی بجائے جرم کے نت نئے طریقوں سے آگاہ کرتے ہیں۔جیل میں ہی نئے گینگ تشکیل دیئے جاتے ہیں۔ جب ان کی ضمانتوں پر رہائی ہوتی ہے تو یہ عناصر جیل سے باہر آ کر معاشرےکے لیے ناسور بن جاتے ہیں۔ اس طرح جرائم میں مزید اضافہ ہوتا ہے جو دن بدن بڑھتے چلے جاتے ہیں۔بی بی سی نے اپنی ایک حالیہ رپورٹ میں بتایا ہے کہ پاکستان میں گزشتہ سات برسوں کے دوران چھیاسٹھ ہزار افراد کے قتل،سولہ ہزار خواتین کی عصمت دری، اور پچاس ہزار افراد کے اغوا کے مقدمات درج کیے گئےجبکہ شاہراہوں پر لوٹ مار، موٹر سائیکل اور کار چوری کی وارداتیں ان کے علاوہ ہیں۔ ان کی تعداد بھی ہزاروں نہیں بلکہ لاکھوں میں ہے۔ سب سے زیادہ جو مقدمات درج ہوتے ہیں وہ چوری سے متعلقہ ہیں۔ دوسرے نمبر پر قتل اور تیسرے نمبر پر اغوا کی وارداتیں ہیں۔ ان اعدادوشمار سے ظاہر ہوتا ہے کہ پاکستان میں جرائم کی تعداد کافی زیادہ ہے۔اب سوال یہ پیدا ہوتا ہے کہ اس جدید سائنسی دور میں بھی جرائم میں اضافہ کیوں ہو رہا ہے؟ کیا ان جرائم پر قابو پایا جا سکتا ہے؟ لوگ دین سے بہت دور ہو گئے ہیں۔ اس دوری کا لازمی نتیجہ جرائم میں اضافے کی صورت میں نکل رہا ہے۔ پاکستان میں جرائم میں اضافے کا سبب پولیس بھی ہے۔ پولیس کو ختم کر دیاجائے تو جرائم میں 80 فی صد تک کمی آ سکتی ہے۔
حکومت کی ذمہ داری ہے کہ وہ جرائم کی بیخ کنی کے لیئے کام کرے لیکن یہ بھی دیکھنا ہے کہ آیا ہم اپنا فرض صحیح طریقے سے ادا کررہے ہیں؟ جس دور میں ہیں ہم سب نفسانفسی کی زندگی گزار رہے ہیں ہم معاشرتی ذمہ داریوں کی طرف کوئی دھیان نہیں دیتے۔ اپنی ذات سے نکل کر جب ہم دوسروں کے بارے میں سوچنا شروع کریں گے تو جرائم سمیت دیگر مسائل کا حل بھی نکل آئیگا۔ پاکستان کا واحد مسئلہ صرف اور صرف معاشی ہے۔یہی مسئلہ بڑھتے ہوئے جرائم کا سبب بھی ہے۔ جرائم کے بڑھنے کی وجہ احساس محرومی بھی ہے۔ انصاف کا بول بالا نہ ہو۔طاقتور، کمزور پر حاوی ہونے لگے تو ملک میں جرائم بڑھتے رہیں گے۔ ناانصافی بھی جرم بڑھنے کی ایک بڑی وجہ ہے۔ لوگوں کو انصاف ملنا شروع ہو جائے تو یقیناجرم میں کمی ہو گی۔ (جاری ہے)
ذریعہ: Daily Ausaf
کلیدی لفظ: پاکستان میں جاتے ہیں ہوتی ہے
پڑھیں:
اسرائیل کو انسانیت کے خلاف جرائم پر جوابدہ کرنا ہوگا، وزیراعظم شہباز شریف
فوٹو اسکرین گریبوزیر اعظم شہباز شریف کا کہنا ہے کہ اسرائیل کو انسانیت کے خلاف جرائم پر جوابدہ کرنا ہوگا، اسرائیلی جارحیت نے امن کے حصول کی کوششوں کو دھچکا پہنچایا۔
عرب اسلامی سربراہ کانفرنس سے خطاب کرتے ہوئے وزیراعظم نے کہا کہ پاکستان دوحہ پر اسرائیلی حملے کی پرزور الفاظ میں مذمت کرتا ہے، اسرائیل نے قطر کی سلامتی اور خودمختاری کی خلاف ورزی کی، پاکستان قطر کے ساتھ مکمل یکجہتی کا اظہار کرتا ہے۔
امیر قطر نے کہا کہ اسلامی ممالک کے رہنماؤں کو دوحہ آمد پرخوش آمدید کہتا ہوں، اسرائیل کے ہاتھوں فلسطینیوں کی نسلی کشی ہورہی ہے، اسرائیل نے انسانیت کے خلاف جرائم میں تمام حدیں پار کردیں۔
شہباز شریف نے کہا کہ ہم ایک اہم اور افسوسناک واقعے کے تناظر میں اکٹھے ہوئے ہیں، پاکستان اقوام متحدہ کی سلامتی کونسل اور او آئی سی سمیت ہر پلیٹ فارم پر بھرپور سفارتی حمایت فراہم کرے گا، دوحہ سمٹ نے واضح پیغام دیا کہ مسلم امہ اسرائیلی جارحیت کے خلاف متحد ہے۔
وزیراعظم نے کہا کہ اسرائیل نے ہمارے برادر ملک قطر کی خود مختاری، سلامتی کی خلاف ورزی کی، اسرائیل کا قطر پر حملہ جارحانہ اقدامات کا تسلسل ہے، یواین سیکیورٹی کونسل غزہ میں فوری سیز فائر کروائے، غزہ میں طبی عملے کو فوری رسائی دی جائے۔
انہوں نے کہا کہ ہم سب اسرائیل کی جارحیت کی مذمت کرتے ہیں، بجائے خاموش رہنے کے ہمیں متحد ہونا ہوگا، اسرائیل کی طرف سے عالمی قوانین کی دھجیاں اڑانا قابل مذمت ہے، غزہ میں انسانیت سسک رہی ہے۔
اسرائیل نے غزہ سٹی میں بھی زمینی فوج اُتار دی