پاکستان میں کھیلوں کا لامحدود ٹیلنٹ موجود ہیں، گورنرخیبرپختونخوا میں کھیلوں کی ترقی کیلئے مثبت تجاویز کا خیر مقدم کرینگے، فیصل کریم کنڈی
اشاعت کی تاریخ: 31st, May 2025 GMT
اسلام آباد(صغیر چوہدری) گورنر خیبرپختونخوا فیصل کریم کنڈی نے کہا ہے کہ پاکستان میں کھیلوں کا لامحدود ٹیلنٹ موجود ہیں، ملک میں کھیلوں کی ترقی کیلئے میڈیا کا اہم کردار ہے۔ خیبرپختونخوا میں کھیلوں کی ترقی کیلئے مثبت تجاویز کا خیر مقدم کرینگے۔ گورنر کے پی نے ان خیالات کا اظہار راولپنڈی اسلام آبادسپورٹس جرنلسٹس ایسوسی ایشن (رسجا)کےنومنتخب صدر ابوبکربن طلعت کی قیادت میں رسجا کے نومنتخب عہدداران سے گورنر ہاوس میں ہونیوالی ملاقات کے دوران کیا۔ فیصل کریم کنڈی نے رسجا کے نومنتخب عہدداران کو مبارکباد دیتے ہوے کہا کہ الیکٹورل سسٹم سے آنیوالے رسجا کے عہدیدران اپنا اہم کردار اداکریں گے۔ نوجوان ہمارا مستقبل ہے جن کو کھیلوں کی طرف راغب کرنے کیلئے سب کو کردار ادا کرنا چاہیے۔انہوں نے کہا کہ پاکستان میں کھیلوں کا لامحدود ٹیلنٹ موجود ہیں اس ٹیلنٹ کو ٹیلنٹ کو سامنے لانے میں میڈیا کلیدی کردار ادا کرتاہے،امید ہے رسجا خیبر پختونخوا کے باصلاحیت کھلاڑیوں کو بھی پرموٹ کرے گا۔ گورنر کے پی نے کہا کہ کھیلوں کے صحافی پوری دنیا میں ملک کا مثبت امیج اجاگرکرتے ہیں۔ خیبرپختونخوا میں کھیلوں کی ترقی کیلئے مثبت تجاویز کا خیر مقدم کرینگے، فیصل کریم کنڈی نے رسجا وفد کو ہر ممکن تعاون کی یقین دھانی کروائی۔ابوبکر بن طلعت کی قیادت میں رسجا وفد میں عبدالمحی شاہ، شکیل اعوان، ناصر نقوی، کرن خان، ارفع فیروز ذکی، شاکر عباسی اور افضل جاوید شامل تھے
ذریعہ: Daily Mumtaz
پڑھیں:
گورنر سندھ کامران ٹیسوری سے وزیر میری ٹائم افیئرز جنید انور کی ملاقات
---تصویر بشکریہ سوشل میڈیاگورنر سندھ کامران ٹیسوری سے وفاقی وزیر میری ٹائم افیئرز جنید انور نے ملاقات کی ہے جس میں بندرگاہی انفرا اسٹرکچر، شپنگ اور فشریز کی ترقی پر تبادلہ خیال کیا گیا۔
گورنر سندھ نے کہا کہ میری ٹائم شعبے میں پبلک پرائیویٹ پارٹنر شپ سے ترقی کی نئی راہیں کھلیں گی، کراچی کی بندرگاہیں معیشت کا انجن ہیں، جدید خطوط پراستوار کرنا وقت کی ضرورت ہے۔
وفاقی وزیر بحری امور جنید انور نے کراچی میں پاکستان بزنس کونسل فورم کا دورہ بھی کیا جہاں سمندری تجارت کو فروغ دینے پر گفتگو کی گئی۔
گورنر سندھ کامران ٹیسوری نے راولپنڈی میں اسکوارڈن لیڈر عثمان یوسف شہیدکے اہلِ خانہ سے تعزیت کی ہے۔
وفاقی وزیر بحری امور نے کہا کہ معیشت کی ترقی میں بندرگاہوں کا اہم کردار ہے، بزنس کمیونٹی کی شکایات کا فوری حل نکالا جائے گا، تجارت کے فروغ کے لیے پبلک پرائیویٹ پارٹنرشپ بہت اہم ہے۔
جنید انور کا کہنا ہے کہ پاکستان بزنس کونسل کی بحری امور سے متعلق تجاویز پر تعاون کریں گے، کاروباری برادری کے مسائل کے حل کے لیے وزیر اعلیٰ سندھ سے بھی بات کی ہے۔
راولپنڈی: ڈکیتی کی واردات کے دوران دل کا دورہ، 73 سالہ محمد اسرائیل انتقال کردیا گیا