اپوزیشن لیڈر عمر ایوب خان کی سوراب میں دہشت گرد حملے کی شدید مذمت
اشاعت کی تاریخ: 31st, May 2025 GMT
اسلام آباد ( ڈیلی پاکستان آن لائن)قومی اسمبلی میں قائدِ حزب اختلاف عمر ایوب خان نے بلوچستان کے ضلع سوراب میں دہشت گردوں کے بزدلانہ حملے کی شدید مذمت کی ہے، جس کے نتیجے میں ایڈیشنل ڈپٹی کمشنر (ریونیو) ہدایت اللہ بلوچ بلیدی شہید ہو گئے۔
عمر ایوب خان نے شہید اے ڈی سی ہدایت اللہ بلیدی کی شہادت پر گہرے دکھ اور افسوس کا اظہار کرتے ہوئے ان کی بہادری اور قومی خدمت کو خراجِ عقیدت پیش کیا۔ انہوں نے کہا "اے ڈی سی ہدایت اللہ بلیدی نے دہشت گردوں کے خلاف بہادری سے لڑتے ہوئے جامِ شہادت نوش کیا اور اپنے عوام اور ملک کا دفاع کیا۔"
عمران خان حکومت سے نہیں بلکہ اسٹیبلشمنٹ سے مذاکرات کریں گے، بیرسٹرسیف
اپوزیشن لیڈر نے سوراب میں اے ڈی سی کی سرکاری رہائش گاہ پر حملے اور دہشت گردوں کی جانب سے عمارتوں کو آگ لگانے کے واقعے کو انتہائی سفاکانہ اور بلوچستان کے امن کو سبوتاژ کرنے کی سازش قرار دیا۔
انہوں نے کہا "دہشت گرد جو بلوچستان کا امن تباہ کرنا چاہتے ہیں، ان سے آہنی ہاتھوں سے نمٹا جانا چاہیے۔ یہ عناصر صرف بلوچستان ہی کے نہیں، بلکہ پاکستان کے دشمن ہیں۔"
عمر ایوب خان نے سیکیورٹی فورسز کی بروقت اور جرات مندانہ کارروائی کو سراہا، جس کے نتیجے میں پانچ دہشت گردوں کو انجام تک پہنچایا گیا۔ انہوں نے کہا"پوری قوم اپنی افواج کی بہادری اور پیشہ ورانہ مہارت کو سلام پیش کرتی ہے۔"
ترکیہ میں جہاز رکنے سے پہلے سیٹ بیلٹ کھولنے پر مسافروں کو کتنا جرمانہ ہوگا؟
اپوزیشن لیڈر نے اس بات پر زور دیا کہ اس قسم کی دہشت گردی کی کارروائیاں بیرونی ایجنڈے کا حصہ ہیں، خاص طور پر بھارتی سرپرستی میں کام کرنے والے عناصر اس میں ملوث ہیں۔ بلوچ علاقوں کو نشانہ بنانا اور معصوم شہریوں، بالخصوص خواتین و بچوں پر حملے اس بات کا ثبوت ہیں کہ ان دہشت گردوں کا بلوچ روایات یا اقدار سے کوئی تعلق نہیں۔
عمر ایوب خان نے ریاست سے مطالبہ کیا کہ تمام ریاست مخالف عناصر کو کچلا جائے اور ان کے ناپاک عزائم کو ناکام بنایا جائے۔ انہوں نے کہا کہ دہشت گردی کے لیے کوئی گنجائش نہیں۔ پوری پاکستانی قوم اپنی مسلح افواج کے ساتھ کھڑی ہے اور اس سرزمین سے دہشت گردی کے مکمل خاتمے کے لیے متحد ہے۔
سونے کی قیمت میں کمی
مزید :.
ذریعہ
ذریعہ: Daily Pakistan
کلیدی لفظ: عمر ایوب خان نے انہوں نے کہا
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع