وزیراعلیٰ پنجاب کا صوبے بھر میں ڈرینز کی بحالی، انتظامات و اصلاحات کا جامع فیصلہ
اشاعت کی تاریخ: 1st, June 2025 GMT
وزیراعلیٰ پنجاب مریم نوازشریف نے صوبے بھر میں ڈرینزکی بحالی، مینجمنٹ و اصلاحات کا جامع فیصلہ کیا ہے۔
رپورٹ کے مطابق سینئر صوبائی وزیر مریم اورنگزیب کی جانب سے جاری بیان میں بتایا گیا کہ محکمہ تحفظ ماحول اورضلعی انتظامیہ کو پنجاب ڈرین ایکٹ اورلوکل گورنمنٹ ایکٹ پر قانونی عملدرآمد کی سخت ہدایت کی گئی ہے۔
پنجاب کے ڈرینز میں زہریلے پانی اور کیمیکل کے اخراج کی روک تھام کے لیے گرینڈ آپریشن شروع کرنے کی منظوری دی گئی، ماحولیاتی تحفظ کے تحت "پولیوٹرز پے" اصول کے تحت آلودگی پھیلانے والے اداروں سے نقصانات کا ازالہ وصول کیا جائے گا۔
ہڈیارہ ڈرین سمیت پنجاب کے تمام ڈرینز میں صنعتی و میونسپل فضلہ ڈالنے پربھی مکمل پابندی عائد ہے، وزیراعلیٰ کی ہدایت پر ڈرینز بحالی و مینجمنٹ کمیٹی نے عملی اقدامات کا آغاز کر دیا۔
سینئر وزیر مریم اورنگزیب کی زیرصدارت پہلے اجلاس میں اہم فیصلے کیے گئے، ہڈیارہ ڈرین بارے تفصیلی بریفنگ دی گئی۔
محکمہ ماحولیات کو ہڈیارہ کے اطراف سخت کارروائی کا ٹاسک سونپ دیا گیا، واٹرٹریٹمنٹ پلانٹ نہ لگانے والی اور کیمیاٸی فضلات ہڈیارہ ڈرین میں ڈالنے والی فیکٹریوں کے خلاف کریک ڈاٶن کیاجاٸے گا۔
محکمہ صحت سے ہڈیارہ کے اردگرد صحت عامہ پر رپورٹ اور پلان طلب کرلیا گیا، واسا، صنعت و آبپاشی سمیت تمام اداروں کو فوری اقدامات کی ہدایت کی گئی۔
صوبے بھر کے ڈرینیج نظام کا مکمل سروے، خامیوں کی نشاندہی اور حل پیش کیا جائے گا، ڈرینیج سسٹم کی مرمت و اپ گریڈیشن کے لیے جامع منصوبہ بندی کی منظوری دی گئی، پبلک پرائیویٹ پارٹنرشپ ماڈل کے تحت نکاسی آب کے نظام میں بہتری لانے کا فیصلہ کیا گیا۔
ماحولیاتی و صحت عامہ کا تحفظ حکومتی ترجیحات کا حصہ ہے، ترجیحی ماحولیاتی منصوبے سالانہ ترقیاتی پروگرام میں شامل کر دیے گئے۔
حکومت سے مکمل تعاون کرتے ہوئے انڈسٹریز کو پولیٹرز پے پر مؤثر اقدامات کرنا ہوں گے، تمام صنعتوں کو ماحولیاتی تحفظ میں اپنا انفرادی اور اجتماعی کردار ادا کرنا ہے، انڈسٹری کو اجتماعی طور پر پولیوشن ریڈکشن کی قومی مہم میں شامل ہونا ہوگا۔
سینئر وزیر مریم اورنگزیب نے کہا کہ حکومت اور انڈسٹریز کا اشتراک ہی صاف ستھرا اور محفوظ ماحول یقینی بنائے گا۔
.ذریعہ: Express News
پڑھیں:
حنا ارشد کی کامیابی خدمت کا نتیجہ، عوام فتنہ فساد والوں کو پہچان چکے ہیں: مریم نواز
لاہور (نوائے وقت رپورٹ) وزیراعلیٰ پنجاب مریم نواز شریف سے ارکان صوبائی اسمبلی محمد احمد خان لغاری اور نعیم اختر خان بھابھہ نے ملاقات کی۔ ملاقات میں جاری فلاحی منصوبوں، عوامی مسائل کے حل اور حلقے کے ترقیاتی امور پر تفصیلی تبادلہ خیال کیا گیا۔ اراکین اسمبلی نے صوبے میں جاری ترقیاتی اور فلاحی منصوبوں کو سراہا۔ وزیراعلی مریم نوازشریف نے اس موقع پر گفتگو کرتے ہوئے کہا کہ مل کر پنجاب کو ایک ماڈل صوبہ بنانا ہے، عوام کی خدمت ہی ہمارا مشن ہے۔ نوجوانوں کی تعلیم اور مالی خودمختاری میری ترجیحات میں سرفہرست ہے۔ ترقی کے ثمرات صوبے کے ہر حصے تک پہنچانا چاہتے ہیں۔ نعیم اختر خان بھابھہ نے ملتان وہاڑی روڈ کی تعمیر و توسیع پراجیکٹ شروع کرنے پر وزیراعلی مریم نواز شریف کا شکریہ ادا کیا۔ وزیراعلی مریم نوازشریف نے نعیم بھابھہ کی درخواست پر وہاڑی گرلز کالج میں کلاسیں شروع کرانے کا حکم دیا ہے۔ وزیراعلی مریم نوازشریف نے صوبائی وزیر تعلیم رانا سکندر حیات کو تعطیلات کے بعد وہاڑی گرلز کالج میں کلاسز شروع کرنے کی ہدایت کر دی ہے۔ وزیراعلی مریم نوازشریف نے ایم پی اے محمد احمد لغاری کی درخواست پر فورٹ منرو میں واٹر سکیم پراجیکٹ لانے کے احکامات جاری کر دئیے ہیں۔ ارکان اسمبلی نے اس موقع پر گفتگو کرتے ہوئے کہاکہ وزیر اعلی مریم نواز شریف نے قلیل عرصے میں شفاف گورننس اور انقلابی اقدامات کے ذریعے عوام کے دل جیت لیے ہیں۔ کسان کارڈ، مینارٹی کارڈ، راشن کارڈ، ہمت کارڈ، ایجوکیشن کارڈ سب کو ترقی میں مساوی شرکت کے لئے بہترین اقدامات ہیں۔ وزیراعلی مریم نوازشریف نے ہونہار سکالرشپ، لیپ ٹاپ سکیم اور ای بائیکس پراجیکٹس سے طلبہ کے دل جیت لئے ہیں۔ علاوہ ازیں وزیراعلیٰ پنجاب نے والدین کے عالمی دن پر اپنے پیغام میں کہا ہے کہ زندگی کی کڑی دھوپ میں والدین ٹھنڈی چھاؤں ہوتے ہیں۔ والدین کی موجودگی سے معمولی سا کمرہ بھی جنت بن جاتا ہے۔ والدین ہی اولاد کی ہر کامیابی کی بنیاد رکھتے ہیں۔ میں آج جس مقام پر ہوں وہ شفیق والدین کی تربیت اور دعاؤں کا ثمر ہے۔ ان کی خدمت اور اطاعت کو شرف سمجھتی ہوں۔دریں اثناء وزیراعلی مریم نواز شریف نے پنجاب پولیس کو ڈیرہ غازی خان میں چار خوارجی دہشت گرد جہنم رسید کرنے پر شاباش دی ہے۔ وزیراعلی مریم نواز شریف نے ڈی جی خان کے علاقے کوٹ مبارک میں کامیاب آپریشن پر پولیس ٹیم کو سراہا اور کہاکہ پنجاب پولیس نے بروقت کارروائی کر کے دہشت گردوں کے مذموم عزائم خاک میں ملا دئیے۔وزیراعلیٰ پنجاب مریم نواز نے پی پی 52 کے ضمنی الیکشن میں کامیابی پر حنا ارشد وڑائچ کو مبارکباد دی ہے۔ مریم نواز نے بیان میں کہا کہ سمبڑیال کے عوام نے جس اعتماد کا مظاہرہ کیا اس پر پورا اتریں گے۔ سمبڑیال کے عوام کو مبارک باد پیش کرتی ہوں۔ مسلم لیگ ن کی کامیابی عوام کا حکومت کی پالیسیوں پر اعتماد کا اظہار ہے۔ عوام خدمت کرنے والوں اور فتنہ فساد پھیلانے والوں کو پہچان چکے ہیں۔ نواز شریف کی قیادت میں ترقی کا سفر تیزی سے جاری ہے۔ حنا ارشد وڑائچ کی کامیابی عوام کی بے لوث خدمت کا نتیجہ ہے۔
پی ایس ایل 10 کے فائنل کے دوران پاکستانی کھلاڑی ہوٹل کے کمرے میں کیا کرتے رہے؟