چیئرمین سینیٹ یوسف رضا گیلانی سے ترکمانستان کے صدر و اسپیکر کی ملاقاتیں
اشاعت کی تاریخ: 1st, June 2025 GMT
تصویر بشکریہ سوشل میڈیا—یوسف رضا گیلانی، اسپیکر ترکمانستان
چیئرمین سینیٹ یوسف رضا گیلانی سے ترکمانستان کے صدر اور اسپیکر نے الگ الگ ملاقاتیں کی ہیں۔
اس موقع پر چیئرمین سینیٹ نے کہا کہ ترکمانستان نے غیر جانبدارانہ دوستوں کے گروپ کا آغاز کیا ہے، جو سفارتی تعلقات مزید مضبوط بنانے میں مددگار ثابت ہو گا۔
انہوں نے کہا کہ گروپ مستحکم سیاسی اور سفارتی تعلقات کو مزید مضبوط بنانے میں مدد گار ثابت ہو گا۔
یوسف رضا گیلانی نے کہا کہ ترکمانستان کا 2025ء کو بین الاقوامی امن اور اعتماد کا سال قرار دینا خوش آئند ہے۔
اس دوران چیئرمین سینیٹ کو ترکمانستان کی خارجہ پالیسی پر بریفنگ دی گئی اور بتایا گیا کہ ترکمانستان کی خارجہ پالیسی غیر جانبداری، امن، مساوات اور انسانیت پر مبنی ہے۔
.ذریعہ: Jang News
کلیدی لفظ: یوسف رضا گیلانی چیئرمین سینیٹ
پڑھیں:
مضبوط و پائیدار پاک امریکہ تعلقات بہتر معاشی روابط اور موثر سرمایہ کاری سے وابستہ ہیں: رضوان سعید شیخ
امریکہ میں پاکستانی سفیر رضوان سعید شیخ نے کہا ہے کہ مضبوط و پائیدار پاک امریکہ تعلقات بہتر معاشی روابط اور موثر سرمایہ کاری سے وابستہ ہیں، امریکہ پاکستان کی سب سے بڑی تجارتی منڈی ہے تاہم موجودہ کاروباری حجم میں کئی گنا اضافے کی صلاحیت موجود ہے ،کم لاگت اور بہتر کوالٹی پاکستانی مصنوعات کو خطے کے دیگر ممالک کی مصنوعات کے مقابلے میں مسابقتی برتری فراہم کرتی ہے ،روایتی مصنوعات کے ساتھ ساتھ غیر روایتی برآمدات پر بھی توجہ دینے کی ضرورت ہے ،بہتر کاروباری روابط اورمارکیٹ کی ضروریات کو مدنظر رکھ کر کاروباری حجم میں کئی گنا اضافہ کیا جا سکتا ہے ، بڑی منڈی کی طلب کو مدنظر رکھتے ہوئے موجودہ وسائل کو مکمل طور پر برے کار لانے اور اجتماعی سوچ کو فروغ دینے کی ضرورت ہے۔ پاکستانی سفیر نے راولپنڈی چیمبر آف سمال ٹریڈرز و سمال انڈسٹریز کے وفد سے بات چیت کی ، وفد کی قیادت صدر چیمبر آف سمال ٹریڈرز و سمال انڈسٹریز سردار ثاقب نسیم اور برین ڈیزائنر محمد رئوف راجہ کر رہے تھے ،وفد میں مختلف صنعتوں سے تعلق رکھنے والے معروف کاروباری شخصیات شامل تھیں،پاکستانی سفارت خانے میں تعینات ٹریڈ منسٹر محمد حنیف چنہ بھی ملاقات میں موجود تھے۔راولپنڈی چیمبر آف سمال ٹریڈرز و سمال انڈسٹریز کی جانب سے امریکی ریاست ورجینیا میں ایک روزہ بزنس کانفرنس و ایکسپو کا انعقاد کیا جا رہا ہے جس میں پاکستانی مصنوعات کو متعارف کرایا جائے گا۔وفدنے سفیر پاکستان کو ایکسپو میں بطور مہمانِ خصوصی شرکت کی دعو ت دی، سفیر پاکستان رضوان سعید شیخ ریاست ورجینیا میں راولپنڈی چیمبر آف سمال ٹریڈرز و سمال انڈسٹریز کی جانب سے منعقدہ ایکسپو کا دورہ کریں گے۔
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد