اوپننگ جوڑی ہمارے لیے سیریز میں پازیٹو چیز رہی، بنگلا دیش ہیڈ کوچ
اشاعت کی تاریخ: 2nd, June 2025 GMT
بنگلا دیش کرکٹ ٹیم کے ہیڈ کوچ فل سمنز کا کہنا ہے کہ کوئی بھی سیریز ہارنا مایوس کن ہوتا ہے، اوپننگ جوڑی ہمارے لیے سیریز میں پازیٹو چیز رہی ہے۔
لاہور میں میچ کے بعد میڈیا سے گفتگو میں بنگلا دیش کرکٹ ٹیم کے ہیڈ کوچ فل سمنز نے کہا کہ سیریز میں ہم نے کچھ نئی چیزیں کرنے کی کوشش کی، نوجوان کھلاڑی ٹیم میں شامل ہیں۔
انہوں نے کہا کہ مستفیض الرحمان سمیت ناہید رانا اور تسکین کو اسکواڈ میں سب نے مس کیا، ان کنڈیشنز میں مستفیض اہم ہو سکتے تھے۔
فل سمنز کا کہنا تھا کہ بنگلا دیش نے اب سری لنکا کے خلاف دو ٹیسٹ میچز کی سیریز کھیلنا ہے ہمیں بہتری دکھانا ہوگی۔
ہیڈ کوچ نے کہا کہ ریشاد کی یہ بہترین سیریز نہیں یہ بری سیریز تھی یہ ریشاد کو بھی علم ہے۔
انہوں نے کہا کہ پاکستان کے نوجوان کھلاڑی غیر معمولی کارکردگی دکھاتے ہیں اور یہ انہوں نے کئی بار ثابت کیا ہے۔
فل سمنز نے کہا کہ پی ایس ایل کے پرفارمرز آ گے آ رہے ہیں یہ پاکستان کرکٹ کے لیے اچھی چیز ہے۔
تیسرے ٹی ٹوئنٹی کے حوالے سے بات کرتے ہوئے فل سمنز کا کہنا تھا کہ ہم نے بولنگ اچھی کی لیکن محمد حارث نے غیر معمولی بیٹنگ کی۔
Post Views: 1.ذریعہ: Daily Mumtaz
کلیدی لفظ: بنگلا دیش نے کہا کہ ہیڈ کوچ فل سمنز
پڑھیں:
پاکستان اور بنگلا دیش کا سفارتی و سرکاری پاسپورٹس کو ویزا فری انٹری دینے کا فیصلہ
ویب ڈیسک: پاکستان اور بنگلا دیش نے سفارتی و سرکاری پاسپورٹس پر ویزا انٹری کی سہولت دینے کا اصولی فیصلہ کر لیا اورتعلقات بڑھانے کیلئے کمیٹی تشکیل دے دی گئی۔
وفاقی وزیر داخلہ نے ڈھاکہ میں بنگلا دیشی ہم منصب لیفٹیننٹ جنرل (ر) جہانگیر عالم چودھری سے ملاقات کی، محسن نقوی کا وزارت داخلہ آمد پر بنگلا دیشی ہم منصب نے پرتپاک خیرمقدم کیا، گارڈ آف آنرز پیش کیا گیا،پاکستان اور بنگلا دیش کے وزراء داخلہ کی ملاقات میں باہمی دلچسپی کے امور اور پاک بنگلا دیش دوطرفہ تعلقات پر تبادلہ خیال کیا گیا۔
مون سون بارشیں, پی ڈی ایم اے کا الرٹ جاری
دونوں وزرائے داخلہ نے انٹرنل سکیورٹی اور پولیس ٹریننگ کے شعبوں میں تعاون بڑھانے پر اتفاق کیا۔
اس موقع پر پاک بنگلا دیش دوطرفہ تعاون کو فروغ دینے کیلئے مشترکہ کمیٹی تشکیل دے دی گئی، پاکستان کی طرف سے وفاقی سیکرٹری داخلہ خرم آغا کمیٹی کے سربراہ ہوں گے، بنگلا دیش کا اعلی سطح کا وفد عنقریب سیف سٹی پراجیکٹ اور نیشنل پولیس اکیڈمی کا دورہ کرنے اسلام آباد آئے گا،ملاقات کے دوران انسداد منشیات و انسداد انسانی سمگلنگ کے لیے اشتراک کار بڑھانے پر بات چیت کی گئی اور انسداد دہشت گردی کے لیے مشترکہ اقدامات کرنے پر بھی تبادلہ خیال کیا گیا، پولیس اکیڈمیوں میں ٹریننگ پروگرامز کے باہمی تبادلوں پر بھی گفتگو ہوئی۔
معروف برطانوی گلوکار انتقال کر گئے
بنگلا دیشی وزیر داخلہ لیفٹیننٹ جنرل (ر) جہانگیر عالم نے کہا کہ ڈھاکہ آمد پر اپنے بھائی کو دل کی اتھاہ گہرائیوں سے خوش آمدید کہتے ہیں، آپ کا دورہ پاک بنگلا دیش دوطرفہ تعلقات کو فروغ دینے کیلئے انتہائی اہم ہے،بنگلا دیشی وزیر داخلہ نے پولیس ٹریننگ کی پیشکش پرپاکستانی ہم منصب محسن نقوی کا شکریہ ادا کیا۔
سیکیورٹی خدشات کے باعث کوئٹہ سے اندورن ملک ٹرین سروس معطل