گلگت بلتستان سے پولیو وائرس کا پہلا کیس سامنے آ گیا
اشاعت کی تاریخ: 3rd, June 2025 GMT
دیامر(این این آئی)گلگت بلتستان کے ضلع دیامر سے پولیو وائرس کا پہلا کیس رپورٹ ہوا ہے۔ گلگت بلتستان کے حکام کے مطابق ضلع دیامر میں 23 ماہ کا بچہ پولیو وائرس سے متاثر ہے۔دوسری جانب این آئی ایچ اسلام آباد نے بھی دیامر کے بچے میں پولیو وائرس کی تصدیق کر دی۔واضح رہے کہ گلگت بلتستان میں پہلی بار پولیو وائرس کی موجودگی کا انکشاف ہوا۔گلگت بلتستان کے حکام کے مطابق اس سال 2025ء میں اب تک پولیو وائرس کے 11 کیسز رپورٹ ہو چکے ہیں۔
.ذریعہ: Nawaiwaqt
کلیدی لفظ: گلگت بلتستان پولیو وائرس
پڑھیں:
گلگت بلتستان، بچوں کی ابتدائی نشودنما کی پالیسی محکمہ تعلیم کے ذریعے نافذ کرنے کا فیصلہ
اجلاس میں شریک نمائندوں نے اس بات پر زور دیا کہ بچوں کی ابتدائی دیکھ بھال اور تعلیم معاشرتی ترقی کی بنیاد ہے، اور اس سلسلے میں مربوط پالیسی اقدامات وقت کی اہم ضرورت ہے۔ اسلام ٹائمز۔ سن یونٹ پلاننگ ڈپارٹمنٹ گلگت بلتستان کے زیر اہتمام ای سی ڈی (Early Childhood Development) پالیسی فریم ورک کے صوبائی سطح پر موثر عملدرآمد کے حوالے سے ایک اہم اجلاس منعقد ہوا، جس میں گلگت بلتستان کے مختلف محکموں کے نمائندوں نے شرکت کی اور ای سی ڈی پالیسی کے نفاذ کے لیے مشترکہ حکمت عملی پر غور کیا گیا۔ شرکاء نے گلگت بلتستان میں بچوں کی ابتدائی نشوونما کو بہتر بنانے کے لیے ای سی ڈی پالیسی فریم ورک کی حمایت کی اور اس کے مقاصد کو پورا کرنے پر زور دیا۔ اجلاس میں اس بات پر اتفاق کیا گیا کہ ای سی ڈی پالیسی کو صوبائی سطح پر محکمہ تعلیم کے زیر انتظام مؤثر طریقے سے نافذ کیا جائے گا۔ پالیسی کے کامیاب نفاذ کے لیے اسٹیک ہولڈرز کی تربیت اور عوامی بیداری مہم چلانے پر بھی تبادلہ خیال کیا گیا۔ اجلاس میں شریک نمائندوں نے اس بات پر زور دیا کہ بچوں کی ابتدائی دیکھ بھال اور تعلیم معاشرتی ترقی کی بنیاد ہے، اور اس سلسلے میں مربوط پالیسی اقدامات وقت کی اہم ضرورت ہے۔ محکمہ تعلیم کی جانب سے ای سی ڈی پالیسی کے نفاذ کے لیے ایکشن پلان تیار کیا جائے گا۔ اجلاس کے اختتام پر شرکاء نے پالیسی کے موثر نفاذ کے لیے اپنے مکمل تعاون کی یقین دہانی کرائی۔
کراچی، ٹریفک پولیس اہلکار کے قتل کا مقدمہ درج