چکوٹھی میں پاکستان زندہ باد عظیم الشان ریلی
اشاعت کی تاریخ: 3rd, June 2025 GMT
حریت کانفرنس کے زیراہتمام ریلی میں آزاد کشمیر کی سیاسی، سماجی اور مذہبی تنظیموں کے نمائندوں اور مختلف مکاتب فکر سے تعلق رکھنے والے ہزاروں افراد نے شرکت کی۔ اسلام ٹائمز۔ کل جماعتی حریت کانفرنس کی آزاد جموں و کشمیر شاخ کے کنوینر غلام محمد صفی کی قیادت میں آزاد کشمیر کے علاقے چکوٹھی میں پاکستان زندہ باد عظیم الشان ریلی کا انعقاد کیا گیا جس میں بھارتی جارحیت کے خلاف بے مثال کامیابی پر افواج پاکستان کو خراج تحسین پیش کیا گیا۔ ذرائع کے مطابق ریلی میں اقوام متحدہ پر زور دیا گیا کہ وہ مسئلہ کشمیر کو کشمیری عوام کی امنگوں اور اپنی منظورشدہ قراردادوں کے مطابق حل کرے تاکہ خطے کو ممکنہ ایٹمی جنگ سے بچایا جا سکے۔ ریلی میں آزاد کشمیر کی سیاسی، سماجی اور مذہبی تنظیموں کے نمائندوں اور مختلف مکاتب فکر سے تعلق رکھنے والے ہزاروں افراد نے شرکت کی۔ ریلی سے غلام محمد صفی، سابق وزیراعظم آزاد کشمیر راجہ فاروق حیدر خان، امیر جماعت اسلامی آزاد کشمیر ڈاکٹر مشتاق خان اور دیگر نے خطاب کیا۔ مقررین نے بھارت کی حالیہ جارحیت کے خلاف افواج پاکستان کی تاریخی فتح کو سراہتے ہوئے کہا کہ افواج پاکستان نے بھارت کو ایک ایسی شکست دی ہے جس نے دنیا کا بیانیہ تبدیل کر دیا ہے اور بھارت کے غرور کو خاک میں ملا دیا ہے۔
مقررین نے کہا کہ بھارت طاقت کے نشے میں چور ہو کر کشمیریوں کی نسل کشی کر رہا ہے اور پہلگام واقعے کی آڑ میں مقبوضہ جموں و کشمیر میں ہر سو خوف و دہشت کا ماحول قائم کر رکھا ہے۔ ہزاروں بے گناہ نوجوانوں کو گرفتار کیا گیا ہے جو انسانی حقوق کی سنگین خلاف ورزی ہے۔ مقررین نے کہا کہ ہم نے بارہا میدان جنگ میں کامیابیاں حاصل کی ہیں لیکن مذاکرات کی میز پر ہمیں کئی بار مایوسی کا سامنا کرنا پڑا ہے۔ انہوں نے حکومت پاکستان پر زور دیا کہ وہ مسئلہ کشمیر کو کشمیری عوام کی امنگوں کے مطابق حل کرانے کے لیے تمام سیاسی اور سفارتی ذرائع بروئے کار لائے۔ ریلی کشمیری عوام کے اس پختہ عزم کی عکاسی ہے کہ وہ اپنے حق خودارادیت کے حصول تک اپنی جدوجہد جاری رکھیں گے۔
چکوٹھی کی فضا ”پاک افواج زندہ باد”،”پاکستان زندہ باد” اور ”کشمیر بنے گا پاکستان” کے نعروں سے گونج اٹھی۔ ریلی میں دیگر لوگوں کے علاوہ پیپلز پارٹی کے رہنما اشفاق ظفر، پی ٹی آئی رہنما زرین حیدر، حریت رہنمائوں ایڈووکیٹ پرویز احمد، اعجاز رحمانی، راجہ خادم حسین، زاہد اشرف، زاہد صفی، چوہدری شاہین، محمد اشرف ڈار، عبدالحمید لون، شوکت جاوید، سید گلشن، مشتاق الاسلام، عزیر غزالی، عبدالمجید میر اور تنزیل احمد نے بھی شرکت کی۔
ذریعہ: Islam Times
کلیدی لفظ: ریلی میں
پڑھیں:
بھارت کا پاکستان کو عدم استحکام کا ذمہ دار ٹھہراناحقائق سےانحراف ہے: پاکستان
ویب دیسک: بھارتی قیادت کے حالیہ اشتعال انگیز بیانات پر دفتر خارجہ پاکستان نے سخت ردعمل دیتے ہوئے کہا کہ بھارتی قیادت کا بیانیہ امن نہیں بلکہ دشمنی کو ترجیح دینے والا ہے،پاکستان امن کا خواہاں ہے مگر اپنی خودمختاری کے دفاع کیلئے پرعزم ہے۔
ترجمان دفتر خارجہ کی جانب سے جاری بیان میں کہا گیاہے کہ بھارت کے پاکستان میں دہشتگردی کی معاونت کے شواہد موجود ہیں، کھوکھلے بیانیے اور توجہ ہٹانے کی کوششیں سچ کو چھپا نہیں سکتیں، بھارت کا پاکستان کو عدم استحکام کا ذمہ دار ٹھہراناحقائق سےانحراف ہے۔
مرغی سستی ہو گئی
ترجمان دفتر خارجہ کا کہنا تھا کہ مقبوضہ کشمیر کا تنازع خطے کے امن و استحکام کے لیے بنیادی خطرہ ہے، پاکستان کشمیری عوام کی خواہشات اور یو این قراردادوں کےمطابق حل کاحامی ہے جب کہ مسئلہ کشمیر کو نظرانداز کرناخطے کو بداعتمادی اور تصادم میں جھونکنے کےمترادف ہے،حالیہ واقعات سے واضح ہےکہ جنگی جنون اور دھونس بے سود ہیں، بھارت دھمکیوں، غلط بیانی یا طاقت کے ذریعے اپنے مقاصدحاصل نہیں کرسکتا، جنوبی ایشیا میں پائیدار امن کے لیے سنجیدگی، برداشت اورمسئلےکی اصل جڑ کو سمجھنا ہوگا۔
جاپان کے مختلف علاقوں میں 6.2 شدت کا زلزلہ
بلوچستان کے 18 اضلاع کے 62 لیویز اہلکار معطل