کراچی؛ ڈیفنس میں موٹر سائیکل سوار پر تشدد کرنے والا بااثر شخص گرفتار
اشاعت کی تاریخ: 3rd, June 2025 GMT
کراچی:
ڈیفنس فیز 6 خیابان اتحاد میں پولیس نے شہری پر تشدد کرنے والے بااثر شخص کو گرفتار کرلیا، ملزم کا سیکیورٹی گارڈ اور ڈرائیور پہلے سے گرفتار ہیں اور گاڑی بھی ضبط ہوچکی ہے۔
ایکسپریس نیوز کے مطابق ڈیفنس میں لینڈ کروزر اور بائیک سوار میں ٹکر کے بعد شہری کو تشدد کا نشانہ بنانے والے نجی کمپنی کے مالک سلمان فاروقی کو گرفتار کرلیا گیا۔
پولیس کے مطابق ملزم نے معمولی واقعے پر گارڈز کے ساتھ مل کر نوجوان پر تشدد کیا تھا جس کی ویڈیوز وائرل ہوئی تھیں، نوجوان کے ساتھ موجود خواتین معافی مانگتی رہیں مگر ملزم نے پھر بھی تشدد کا نشانہ بنایا، ملزم کے خلاف درخواست موصول ہونے پر اسے گرفتار کرلیا گیا۔
قبل ازیں ایک شہری نے ملزم کے خلاف متعلقہ تھانے میں درخواست دی۔ مدعی مقدمہ کے مطابق وہ 31 مئی کو اتحاد کمرشل ریکوری کے لیے گیا ہوا تھا، اس دوران دیکھا کہ ایک لینڈ کروزر اور موٹر سائیکل کے درمیان معمولی حادثہ ہوا۔ اس دوران لینڈ کروزر کے مالک جس کا نام وہاں پر موجود لوگوں سے سلمان فاروقی معلوم ہوا اس نے اپنے مسلح گارڈ اور ڈرائیور کے ذریعے موٹر سائیکل سوار کو اسلحہ کے زور پر اپنی گاڑی میں محصور کرکے زدوکوب کیا، گالم گلوچ کی اور دھمکیاں دیں۔
موٹر سائیکل سوار کے ساتھ خاتون نے گاڑی کے مالک کو ہاتھ جوڑ کر منت سماجت کی مگر گاڑی کے مالک نے دھکے دیکر دھتکار دیا، پورے معاملے کو وہاں موجود کافی لوگوں نے دیکھا اور ویڈیوز بنا کر سوشل میڈیا پر بھی اپ لوڈ کیں۔
مدعی مقدمہ کے مطابق میں ایک شہری کی حیثیت سے رپورٹ کرنا آیا ہوں، گاڑی کے مالک سلمان فاروقی، ڈرائیور و گارڈ پر اسلحے کے زور پر موٹر سائیکل کو گاڑی میں محصور کرکے زدو کوب کرنا، گالم گلوچ کرنا اور دھمکیاں دینا، خاتون کو دھکے دیکر اس کی عفت میں خلل پیدا کرنے کے خلاف قانونی کاررروائی کی جائے۔
متاثرہ فیملی نے رابطہ نہیں کیا، ڈی آئی جی ساؤتھ
گرفتاری سے قبل ڈی آئی جی ساؤتھ کا کہنا تھا کہ ملزم سرکاری ملازم نہیں ہے، گرفتاری کے لیے رات گئے ملزم کے دفتر اور گھر پر بھی چھاپہ مارا گیا۔ واقعے کی اطلاع پولیس کو نہیں دی گئی جبکہ متاثرہ فیملی نے بھی رابطہ نہیں کیا مگر رابطے کی کوشش جاری ہے۔
ڈی آئی جی ساؤتھ نے مزید بتایا کہ پولیس اس معاملے کو انتہائی سنجیدگی سے لے رہی ہے ملزم اور اس کے دیگر ساتھیوں کے خلاف ایف آئی آر درج کی جارہی ہے، کوئی شخص قانون سے بالاتر نہیں، متاثرہ شہری کو مکمل انصاف فراہم کیا جائے گا۔
ملزم کے دفتر پر بھی چھاپہ مارا، ایس ایس پی ساؤتھ
ایس ایس پی ساؤتھ مہزور علی کا کہنا تھا کہ معمولی حادثے کے بعد موٹر سائیکل سوار کو تشدد کا نشانہ بنانے والے بااثر شخص کی تفصیلات پولیس نے حاصل کرلی ہیں، پولیس کی جانب سے سلمان فاروقی نامی شخص کے دفتر پر چھاپہ مارا گیا۔
پولیس افسر کے مطابق موٹر سائیکل سوار متاثرہ شہری نے اب تک پولیس سے کوئی رابطہ نہیں کیا، پولیس اپنے طور پر بھی موٹر سائیکل سوار متاثرہ شہری کو تلاش کر رہی ہے۔ موٹر سائیکل سوار متاثرہ شہری سے رابطہ ہونے پر واقعہ کا مقدمہ درج کرکے قانونی کارروائی کو آگے بڑھایا جائے گا۔
مقدمہ درج
شہری کو تشدد کا نشانہ بنائے جانے کے واقعہ کا مقدمہ الزام نمبر 25/278 بجرم دفعہ 506بی، 354، 342، 34/504 کے تحت واقعے کے عینی شاہد محمد سلیم کی مدعیت میں گزری تھانے میں درج کر لیا گیا۔ مقدمے میں سلمان نامی شخص اور اس کے ڈرائیور و سیکیورٹی گارڈ کو نامزد کیا گیا۔
بعدازاں پولیس نے پہلے ملزم کے سیکیورٹی گارڈ اور ڈرائیور کو گرفتار کیا پھر ملزم سلمان فاروقی کی گرفتار بھی عمل میں لائی گئی۔ گرفتاری کے بعد پولیس نے ملزم کی تھانے میں موجودگی کی تصویر بھی جاری کی۔
ملزم کی حوالات میں تصویر، تالا کھلا ہونے پر سوشل میڈیا صارفین کی تنقید
ملزم کی جو تصویر جاری ہوئی اس میں ملزم تھانے میں موجود ہے تاہم تالا کھلا ہوا ہے، یہ تصویر سوشل میڈیا پر وائرل ہونے کے بعد لوگوں نے پولیس کو تنقید کا نشانہ بنایا ہے کہ ملزم کو محض فوٹو سیشن کے لیے تھانے میں بند کیا گیا۔
Tagsپاکستان.
ذریعہ: Al Qamar Online
کلیدی لفظ: پاکستان موٹر سائیکل سوار تشدد کا نشانہ سلمان فاروقی متاثرہ شہری تھانے میں پولیس نے کے مطابق ملزم کے کے خلاف کے مالک شہری کو پر بھی کے بعد
پڑھیں:
کراچی میں شہری پر تشدد کا ایک اور واقعہ، مقدمہ درج کیوں نہ ہوسکا؟
سوشل میڈیا پر کراچی کے علاقے ڈیفنس میں کار سوار ایک شخص کی جانب سے نوجوان پر تشدد کی ویڈیو وائرل ہورہی ہے، جس میں متاثرہ نوجوان اپنی بہن کی جانب سے بار بار معافی مانگنے کے باوجود بھی تشدد کا سامنا کرنے سے نہ بچ سکا۔
پولیس کے مطابق کراچی کے پوش علاقے ڈیفینس میں خیابان اتحاد کمرشل میں کار سوار شخص کی موٹر سائیکل سوار شخص پر شدید تشدد کی ویڈیو وائرل ہوئی ہے، گزشتہ روز پیش آئے واقعہ کی وائرل ویڈیو میں موٹر سائیکل سوار شخص کی بہنیں ساتھیوں کے ساتھ تشدد کرنے والے شخص کے آگے ہاتھ جوڑ کر معافی مانگ رہی ہیں۔
https://Twitter.com/NKMalazai/status/1929422779834642531
پولیس کے مطابق موٹرسائیکل سوار شخص اپنی بہنوں کے ساتھ جارہا تھا کہ موٹر سائیکل کی کار کو ٹکر لگ گئی، کار سوار شخص نے موٹر سائیکل سوار شخص پر ساتھیوں کے ساتھ مل کر تشدد کیا، موٹر سائیکل سوار شخص کی بہنیں کار سوار شخص کی منتیں کرتی رہی لیکن بہنوں کی منت سماجت پر بھی نوجوان کو نہیں چھوڑا گیا۔
کار سوار شخص کی گاڑی کے نمبر سے سلمان فاروقی کے نام سے شناخت ہوئی ہے، جس کے خیابان اتحاد کمرشل پر قائم دفتر پر بھی پولیس کی ٹیم نے دورہ کیا جہاں سلمان فاروقی موجود نہیں تھا، پولیس کا کہنا ہے کہ متاثرہ افراد نے ابھی تک باضابطہ تھانے میں کوئی شکایت درج نہیں کرائی ہے۔
یہ بھی پڑھیں:کراچی: بوٹ بیسن میں گاڑی میں مسلح افراد کے تشدد کی وائرل ویڈیو کا معاملہ کیا ہے؟
پولیس ذرائع کے مطابق سلمان فاروقی بائیونک فلمز نامی اشتہاری کمپنی کا سربراہ ہے، ملزم کی گرفتاری کے لیےمختلف مقامات پر چھاپے مارے جا رہے ہیں جبکہ متاثرہ فیملی کی بھی تلاش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بائیونک فلمز پولیس تشدد سلمان فاروقی کراچی مقدمہ موٹر سائیکل سوار
کراچی؛ گٹکا ماوا مافیا سے 11لاکھ ہفتہ وصولی کا الزام، سابق ایس ایچ او ملازمت سے برطرف