آئی ایم ایف کا منقولہ اثاثوں پر ٹیکس کی تجویز پر اعتراض
اشاعت کی تاریخ: 4th, June 2025 GMT
اسلام آباد:
بین الاقوامی مالیاتی فنڈ (آئی ایم ایف) نے حکومت کی متنازع تجاویز پر اعتراض اٹھادیا جن کے تحت منقولہ اثاثوں پر کیپیٹل ویلیو ٹیکس (CVT) اور ایک دن کے چوزوں پر 5 فیصد فیڈرل ایکسائز ڈیوٹی لگانے کی تجویز دی گئی تھی۔
ذرائع کے مطابق جہاں آئی ایم ایف نے منقولہ اثاثوں اور چوزوں پر ٹیکس کی تجویز سے اتفاق نہیں کیا، وہیں ڈیجیٹل سروسز پر ٹیکس عائد کرنے کی منظوری دے دی ہے جس سے حکومت کو 10 ارب روپے آمدن کی توقع ہے۔
بجٹ کی ممکنہ تجاویز میں میوچل فنڈز کی ڈیویڈنڈ آمدن پر ٹیکس کی شرح 15 فیصد سے بڑھا کر 20 فیصد کرنے اور سودی آمدن پر ودہولڈنگ ٹیکس کو 15 فیصد سے 20 فیصد تک بڑھانے کی تجویز شامل ہے۔
مزید پڑھیں: تنخواہ دار طبقے کی طرف سے سب سے زیادہ ٹیکس ادا کرنے کا انکشاف
سینئر ایف بی آر حکام کے مطابق وینچر کیپیٹل کمپنیوں اور فنڈز کے لیے انکم ٹیکس میں دی گئی چھوٹ ختم کرنے اور سنیما انڈسٹری کے لیے انکم ٹیکس چھوٹ واپس لینے کی تجویز بھی زیر غور ہے۔
ایف بی آر ذرائع کے مطابق 35 فیصد کے بلند ترین انکم ٹیکس سلیب میں کمی کی کوئی تجویز موجود نہیں اور 5 لاکھ روپے ماہانہ آمدن پر عائد 10 فیصد سرچارج برقرار رہنے کا امکان ہے۔تاہم آئی ایم ایف نے دیگر چار سلیبز کے لیے انکم ٹیکس کی شرح کم کرنے پر آمادگی ظاہر کی ہے، جس سے 5 لاکھ روپے سے کم ماہانہ آمدن والے طبقے کو کچھ ریلیف مل سکتا ہے۔
آئی ایم ایف نے انکم ٹیکس کی چھوٹ کی حد کو 12 لاکھ روپے تک بڑھانے کی اجازت نہیں دی، البتہ 5 فیصد کی ابتدائی شرح کو کم کر کے 1 فیصد کرنے پر اتفاق کیا ہے۔
مزید پڑھیں: تنخواہ دار طبقے کے لیے انکم ٹیکس ریلیف میں اہم پیشرفت، آئی ایم ایف شرح کم کرنے پر آمادہ
حکام کے مطابق حکومت منقولہ اثاثوں جیسے کیش اور سونا پر کیپیٹل ویلیو ٹیکس دوبارہ متعارف کرانا چاہتی ہے جس میں اسٹاک مارکیٹ میں درج کمپنیوں کے شیئرز کو مستثنیٰ رکھا جائے گا تاہم آئی ایم ایف نے اس پر اعتراض کیا ہے اور کہا ہے کہ دولت کے بجائے آمدن پر ٹیکس عائد کیا جائے۔
مالیاتی ایکٹ 2022 کے تحت بیرونِ ملک اثاثے رکھنے والے پاکستانیوں پر 1 فیصد سی وی ٹی عائد کیا گیا تھا لیکن یہ اقدام عدالت میں چیلنج ہو چکا ہے۔
ذرائع کے مطابق وزیراعظم شہباز شریف کو بجٹ کی ابتدائی خاکے پر بریفنگ دی گئی صدر آصف علی زرداری نے 10 جون کو قومی اسمبلی کا اجلاس طلب کر لیا ہے جس میں وزیر خزانہ محمد اورنگزیب دوسرا بجٹ پیش کرینگے جبکہ اقتصادی سروے 9 جون کو عید کے تیسرے دن پیش کیا جائیگا۔
.ذریعہ: Express News
کلیدی لفظ: کے لیے انکم ٹیکس ا ئی ایم ایف نے منقولہ اثاثوں کے مطابق کی تجویز ٹیکس کی پر ٹیکس
پڑھیں:
تنخواہ دار طبقے کیلئے بڑا ریلیف: آئی ایم ایف انکم ٹیکس کی شرح میں کمی پر آمادہ
اسلام آباد(نیوز ڈیسک)تنخواہ دار طبقے کو انکم ٹیکس میں ریلیف دینے کے حوالے سے بڑی پیشرفت سامنے آئی ہے۔ ذرائع کے مطابق آئی ایم ایف انکم ٹیکس کی شرح میں کمی پر آمادہ ہو گیا ہے۔
تمام سلیبز پر انکم ٹیکس کی شرح میں نرمی کا امکان ہے جبکہ انکم ٹیکس ایکٹ کی شق 129 میں ترمیم پر بھی غور کیا جا رہا ہے۔ ذرائع کے مطابق سالانہ ٹیکس فری آمدن کی حد موجودہ 6 لاکھ روپے سے بڑھائی جا سکتی ہے اور ماہانہ 83 ہزار روپے تنخواہ تک ٹیکس فری کرنے پر اتفاق ہو گیا ہے۔
ممکنہ نئی شرح کے مطابق ایک لاکھ روپے ماہانہ تنخواہ پر ٹیکس 2.5 فیصد ہونے کا امکان ہے، ایک لاکھ 83 ہزار روپے پر انکم ٹیکس 12.5 فیصد ہو سکتا ہے، دو لاکھ 67 ہزار روپے ماہانہ تنخواہ پر ٹیکس 22.5 فیصد مقرر کیے جانے کا امکان ہے، تین لاکھ 33 ہزار روپے تک کی تنخواہ پر ٹیکس 27.5 فیصد ہو سکتا ہے، جبکہ تین لاکھ 33 ہزار روپے سے زائد تنخواہ پر انکم ٹیکس 32.5 فیصد تک ہو سکتا ہے۔
ذرائع کا کہنا ہے کہ پاکستان نے بجٹ مذاکرات میں دفاعی ضروریات مؤخر نہ کرنے کا دو ٹوک مؤقف اپنایا ہے، جس پر آئی ایم ایف نے دفاعی بجٹ میں ضروری اضافے پر رضامندی ظاہر کر دی ہے۔ بجٹ مذاکرات کے دوران پاکستان کی دفاعی ترجیحات کو تسلیم کر لیا گیا ہے۔
غزہ میں امداد لیتے افراد پر اسرائیل کی بمباری، مزید 40 فلسطینی شہید
سیکیورٹی فورسز کی خیبرپختونخوا میں دو مختلف کارروائیوں میں فتنہ الخوارج کے 7دہشت گرد ہلاک ، 4جوان وطن پر قربان