اگر وہ خود کو پیٹرن انچیف کہہ رہے ہیں تو ہمیں کیا اعتراض
اشاعت کی تاریخ: 5th, June 2025 GMT
لاہور:
گروپ ایڈیٹر ایکسپریس ایاز خان کا کہنا ہے کہ اگر وہ خود کو پیٹرن انچیف کہہ رہے ہیں تو ہمیں اس پر اعتراض کیا ہے، آپ نے نام پر پابندی لگائی، اتنے نام مل گئے ہیں کبھی بانی ہو گیا، کبھی قیدی804 ہوگیا اب انھوں نے اپنے آپ کو نیا نام دیا ہے پیٹرن انچیف اور ہم اس پر بحث کرنے پر مجبور ہیں، یہی ان کا مقصد ہے کامیاب ہو گیا ہے۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہاکہ جو چاہ رہا ہوتا ہے جیل میں بیٹھا وہ یہی چاہ رہا ہوتا ہے کہ ڈبیٹ ہو، بات ہو جب میں کچھ کروں، وہ کامیاب ہو جاتا ہے، اس پر ڈبیٹ چل رہی ہے جب سے یہ اناؤنسمنٹ ہوئی ہے تب سے یہ ڈبیٹ مسلسل چل رہی ہے۔
تجزیہ کار عامر الیاس رانا نے کہا کہ نام بدل دینے سے ان کا شوق بھی پورا ہو رہا ہے ان کو ہمیشہ سے چیف منسٹر پنجاب کی کرسی اچھی تھی تو بزدار کے دور میں، چوہدری پرویز الہٰی کے دورمیں وہ چیف منسٹر کی کرسی پر جا کر بیٹھا کرتے تھے تو اب انھیں پھر چیف بننے کا شوق آیا تو پیٹرن انچیف ہو گئے۔
تجزیہ کار نوید حسین نے کہا کہ جہاں تک پی ٹی آئی کی بات ہے تو پی ٹی آئی کے لیے زمین تنگ کی گئی ہے، آپ نے جس طرح پی ٹی آئی سے الیکشن سمبل چھینا،وہ اس کے باوجود الیکشن جیتی،آپ نے اس سے الیکشن چھین لیا، میرے خیال میں پاکستان کی تاریخ میں تو ویسے کوئی بھی الیکشن فری اینڈ فیئر نہیں ہوا، ابھی جو پی ٹی آئی کی سیکنڈ ٹیئر کی لیڈرشپ ہے ان کیلیے جس طرح سے زمین تنگ کی گئی ہے تو پی ٹی آئی کی لیڈر شپ کوئی اتنی آسان چیز نہیں ہے۔
تجزیہ کار محمد الیاس نے کہا کہ پی ٹی آئی کو زیادہ فعال بنانے کے لیے ظاہر ہے انھوں نے ایک نئی اسٹریٹیجی بنائی، اپنا پیٹرن انچیف بنایا، عمر ایوب کو قیادت دی ہے کہ وہ سارا دیکھیں گے تو اس سلسلے میں جو صوبوں میں ہے، صوبوں میں بھی پارٹی کو متحرک کیا گیا ہے، جو ان کو اندر بریفنگ دی گئی ہے، جو پہلے بریفنگ دی جاتی تھی اس سے ہٹ کر بریفنگ دی گئی ہے، اصل حقائق بتائے گئے ہیں کہ لوگ کس طرح ان کے ساتھ کھڑے ہیں، پورے پنجاب میں ان علاقوں میں گئے ہیں، عالیہ حمزہ گئی ہے اس نے سب کو ایکٹیو کیا ہے۔
.
ذریعہ
ذریعہ: Express News
کلیدی لفظ: پیٹرن انچیف پی ٹی ا ئی گئی ہے
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست کا اجرا
لاہور: بلدیاتی الیکشن کے لیے حلقہ بندیوں کی ابتدائی فہرست جاری کر دی گئی. لاہور میں مجموعی طور پر 433 یونین کونسلز بنائی گئی ہیں۔ڈسٹرکٹ الیکشن کمشنر پنجاب نے لاہورکی یونین کونسل کی حلقہ بندیوں کی ابتدائی فہرست جاری کردی.فہرست کےمطابق لاہور کو نو ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔شہری 23 جون تک حلقہ بندیوں پر اعتراضات دائرکرسکتے ہیں. 24 جولائی تک اعتراضات پر فیصلہ سنایا جائےگا. تمام حلقہ بندیوں کی حتمی فہرست 10اگست 2026 کو جاری ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ