میری ٹائم انفراسٹرکچرمیں جدت حکومت کی اولین ترجیح ہے: جنید انوار
اشاعت کی تاریخ: 5th, June 2025 GMT
وزیرِ بحری امورجنید انوار—فائل فوٹو
وزیرِ بحری امورجنید انوار نے کہا ہے کہ بندرگاہوں کی استعداد بڑھانے کے لیے جدید منصوبہ بندی جاری ہے۔
وزیرِ بحری امورجنید انوار نے کہا ہے کہ معاشی ترقی کے لیے شپنگ اور ٹرمینل آپریٹرز سے بھرپور تعاون کریں گے یہ بات انہوں نے شپنگ لائنز اور ٹرمینل آپریٹرز کے وفد کی ملاقات کے موقع پر کہی۔
انہوں نے بتایا ہے کہ پاکستان کی 90 فیصد تجارت بندرگاہوں کے ذریعے ہوتی ہے اور میرین سیکٹر 20 لاکھ سے زائد افراد کو روزگار دیتا ہے۔
وفاقی وزیر جنید انوار نے کہا ہے کہ پاکستان کے بلیو اکانومی شعبے میں اصلاحات کی ضرورت ہے، پاکستان کی سمندری معیشت سالانہ 100 ارب ڈالر کما سکتی ہے۔
وزیرِ بحری امور نے بتایا ہے کہ کراچی پورٹ ٹرسٹ کی سالانہ کارگو ہینڈلنگ صلاحیت 125 ملین ٹن ہے۔
جنید انوار نے مزید بتایا ہے کہ پاکستان ہر سال 6 تا 8 ارب ڈالر فریٹ چارجز پرلگاتا ہے۔
انہوں نے کہا ہے کہ میرین سیکٹر کی ترقی میں حکومت اور نجی شعبے کا اشتراک ناگزیر ہے۔
وزیرِ بحری امور نے بتایا ہے کہ مقامی شپنگ صلاحیت میں اضافہ زرمبادلہ کی بچت کا ذریعہ بن سکتا ہے۔
انہوں نے کہا ہے کہ معاشی ترقی کےلیے شپنگ اور ٹرمینل آپریٹرز سے بھرپور تعاون کریں گے۔
.ذریعہ: Jang News
کلیدی لفظ: نے کہا ہے کہ بتایا ہے کہ انوار نے
پڑھیں:
انٹرنیشنل میری ٹائم نمائش، کراچی کے شہریوں کیلیے ٹریفک پلان جاری
کراچی: پاکستان انٹرنیشنل میری ٹائم ایکسپو اینڈ کانفرنس کے پیش نظر شہریوں کیلیے متبادل ٹریفک پلان جاری کردیا گیا ہے۔
ایکسپریس نیوز کے مطابق ایکسپو سینٹر کراچی میں پاکستان انٹرنیشنل میری ٹائم اینڈ کانفرنس کا انعقاد 3 سے چھ نومبر تک ہوگا، جس میں کئی ممالک کے وفود شرکت کریں گے۔
ٹریفک پولیس نے نمائش کے دوران کراچی شہریوں کے لیے ٹریفک پلان جاری کر دیا اور اپیل کی ہے کہ زحمت و پریشانی سے بچنے کیلیے عوام اس پر عمل کریں۔
ٹریفک پلان کے مطابق شاہراہ فیصل سے نرسری کی جانب آنے والی ہیوی ٹریفک کو اسٹیڈیم جانے کی اجازت نہیں ہوگی جبکہ ایسی تمام گاڑیوں ڈرگ روڈ سے راشد منہاس روڈ، ملینیئم اور نیپا کا راستہ اختیار کرنے کی ہدایت کی گئی ہے،
اس کے علاوہ ملینیئم مال - ڈالمیا روڈ اسٹیڈیم جانے والی ہیوی ٹریفک پر پابندی ہوگی جبکہ نیپا سے حسن اسکوائر جانے والا روڈ ہیوی ٹریفک کے لیے بند رہے گا۔
اپیل کی گئی ہے کہ ہیوی ٹریفک والے حضرات نیپا سے گلشن چورنگی، صفورا یا سہراب گوٹھ کا راستہ اختیار کریں، اس کے علاوہ نیو ٹاؤن سے یونیورسٹی روڈ اور اسٹیڈیم جانے والی ہیوی ٹریفک کو اجازت نہیں ہوگی جبکہ نیو ٹاؤن آنے والی ہیوی ٹریفک کو بلوچ پل کی جانب موڑ دیا جائے گا۔
اسی طرح لیاقت آباد نمبر 10 سے حسن اسکوائر کی سڑک ہیوی ٹریفک کے لیے بند رہے گی، ہیوی گاڑیوں کو لیاقت آباد نمبر 10 سے بائیں جانب شاہراہ پاکستان، کریم آباد سے سہراب گوٹھ کی طرف جانے کی اجازت ہوگی۔
اس کے علاوہ سر شاہ سلیمان روڈ پر اسٹیڈیم جانے والی ہیوی ٹریفک کے داخلے پر پابندی ہوگی جبکہ حسن اسکوائر سے نیشنل اسٹیڈیم اور واپسی کا راستہ صرف چھوٹی گاڑیوں کے لیے کھلا رہے گا۔
محکمہ ٹریفک پولیس نے ہدایت کی ہے کہ شہری اپنی گاڑیاں یا موٹر سائیکلیں سروس روڈ یا مین روڈ پر پارک نہ کریں۔
جاپان کے سابق وزیرِ اعظم شنزو آبے کے قاتل نے اعترافِ جرم کر لیا