یوم عرفہ پر کوئی ناخوشگوار واقعہ پیش نہیں آیا، نائب گورنر مکہ
اشاعت کی تاریخ: 5th, June 2025 GMT
مکہ مکرمہ ریجن کے نائب امیر اور مستقل حج و عمرہ کمیٹی کے نائب چیئرمین شہزادہ سعود بن مشعل نے 1.67 ملین عازمین کی مکمل خیر و عافیت کے ساتھ یوم عرفہ مکمل ہونے پر اللہ کا شکر ادا کیا ہے۔
جمعرات کو میدان عرفات سے خطاب کرتے ہوئے شہزادہ سعود بن مشعل نے عازمین کی بہ سہولت نقل و حرکت اور پرسکون روحانی ماحول کا کریڈٹ مملکت سعودی عرب کے مربوط نظام اور قیادت کی محتاط منصوبہ بندی کے نام کیا۔
انہوں نے کہا کہ اس عظیم دن حجاج عرفات میں عقیدت و احترام کے ساتھ جمع ہوتے ہیں۔ انہیں مکہ اور منیٰ سے ریکارڈ وقت میں شاندار منصوبہ بندی کے تحت عرفات پہنچایا گیا، اس اثنا میں اللہ کے فضل سے کوئی ناخوشگوار واقعہ پیش نہیں آیا نہ ہی کسی کو خرابی صحت کا مسئلہ پیش آیا۔‘
یہ بھی پڑھیے ’ہر قسم کی مصیبت اللہ ہی دور کرسکتا ہے‘، خطبہ حج میں فلسطینیوں کے لیے خصوصی دعا
شہزادہ سعود نے خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کا شکریہ ادا کیا کہ انہوں نے اللہ کے مہمانوں کی خدمت کے لیے وسیع پیمانے پر انتظام کیا اور انسانی وسائل کو متحرک کیا۔انہوں نے سپریم حج کمیٹی کے چیئرمین وزیر داخلہ شہزادہ عبدالعزیز بن سعود بن نائف کی تعریف بھی کی جنہوں نے تمام آپریشنل منصوبوں کی نگرانی کی۔
یہ بھی پڑھیے یوم ترویہ، عازمین کے لیے 9 لاکھ 80 ہزار کیوبک میٹر سے زائد پانی نکالا گیا
شہزادہ سعود نے کہا کہ اللہ کی طرف سے ہمیں اس کے مقدس مقامات کی خدمت کرنے کا اعزاز حاصل ہے، یہ ایک بہت بڑی ذمہ داری ہے جسے ہمیں پوری خلوص نیت کے ساتھ نبھانا چاہیے۔انہوں نے تمام عازمین حج سے کہا کہ وہ سرکاری ہدایات پر عمل کریں۔ ساتھ ہی ساتھ انہوں نے مملکت کا مثبت امیج پیش کرنے کے لیے سیکورٹی فورسز، رضاکاروں اور سروس اہلکاروں کا شکریہ ادا کیا اور ان پر فخر کا اظہار کیا اور توقع کی کہ وہ اپنے عظیم مشن کو جاری رکھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
یوم عرفہ.ذریعہ: WE News
کلیدی لفظ: یوم عرفہ انہوں نے کے لیے
پڑھیں:
لاکھوں عازمینِ حج آج میدانِ عرفات میں رکنِ اعظم ’وقوفِ عرفہ‘ کی سعادت حاصل کر رہے ہیں
دنیا بھر سے آئے ہوئے لاکھوں عازمینِ حج آج بروز 9 ذوالحجہ میدانِ عرفات میں جمع ہیں، جہاں وہ حج کے سب سے اہم رکن، وقوفِ عرفہ کی سعادت حاصل کر رہے ہیں۔
دینِ اسلام میں اس دن کو غیر معمولی روحانی اہمیت حاصل ہے، اور یہ موقع انسان کے گناہوں کی معافی اور قربِ الٰہی کے حصول کا ذریعہ سمجھا جاتا ہے۔
حجاج کا جذبہ دیدنی
دنیا بھر سے سے تعلق رکھنے والے عازمینِ حج میدانِ عرفات میں انتہائی جذباتی اور روح پرور کیفیت میں نظر آ رہے ہیں۔ بہت سے حجاج اشک بار آنکھوں سے دعائیں مانگتے ہوئے دکھائی دیے، جن میں ملک کی سلامتی، امتِ مسلمہ کے اتحاد اور ذاتی مغفرت کی دعائیں شامل تھیں۔
مختلف حج مشنز کی جانب سے عرفات میں خیمہ بندی، ٹھنڈے پانی، کھانے اور طبی امداد کے مؤثر انتظامات کیے گئے ہیں۔
متعدد حجاج نے میڈیا اور سوشل میڈیا پر سعودی انتظامیہ اور پاکستانی حج مشن کی کوششوں کو سراہا ہے۔
موسم کی صورتحال اور احتیاطی تدابیرعرفات اور مکہ مکرمہ کے گرد و نواح میں آج درجہ حرارت 40 ڈگری سینٹی گریڈ سے تجاوز کر چکا ہے، تاہم سعودی حکومت کی جانب سے جگہ جگہ پانی کے چھڑکاؤ، سایہ دار راہداریاں، کولنگ سسٹمز اور میڈیکل کیمپس قائم کیے گئے ہیں۔
طبی ماہرین نے حجاج کو زیادہ پانی پینے، چھتری استعمال کرنے اور دھوپ سے بچاؤ کی ہدایت کی ہے۔
خطبۂ حج اور عالمی نشریاتمسجد نمرہ میں امام کعبہ نے خطبۂ حج دینگے، جو دنیا بھر میں لاکھوں ناظرین نے براہِ راست سن سکیں گے۔ اس خطاب کا دنیا کی دیگر زبانوں میں ترجمہ بھی جاری کیا گیا، تاکہ تمام زبانوں کے حجاج اس سے استفادہ کر سکیں۔
غروبِ آفتاب کے بعد مزدلفہ کی روانگیغروب آفتاب کے بعد تمام حجاج میدانِ عرفات سے مزدلفہ کی جانب روانہ ہوں گے، جہاں وہ مغرب اور عشاء کی نمازیں جمع کر کے ادا کریں گے اور رات کھلے آسمان تلے گزاریں گے۔
اگلے روز یعنی 10 ذوالحجہ کو منیٰ میں قربانی، رمیِ جمرات اور دیگر مناسک ادا کیے جائیں گے۔
یہ روحانی اجتماع نہ صرف فرد کی زندگی کو بدلنے کا موقع ہے بلکہ امتِ مسلمہ کے اتحاد، اخوت اور یکجہتی کی ایک عظیم مثال بھی پیش کرتا ہے۔
دنیا بھر کے مسلمان اس وقت حجاج کے لیے دعاگو ہیں کہ اللہ تعالیٰ ان کا حج قبول فرمائے اور انہیں بخیر و عافیت اپنے وطن واپس لوٹائے۔
سوشل میڈیا پر عقیدت و محبت کی فضاوقوفِ عرفہ کے روح پرور لمحات نے سوشل میڈیا پر بھی گہرا اثر ڈالا ہے۔ پاکستانی صارفین نے مختلف پلیٹ فارمز پر مقدس مقامات کی تصاویر اور ویڈیوز شیئر کیں، جن کے ساتھ دعاؤں اور نیک تمناؤں کا اظہار بھی کیا گیا۔
کئی افراد نے اپنے عزیزوں کی طرف سے دعاؤں کی درخواستیں بھی کیں۔ ٹوئٹر پر #ArafatDay، #Hajj2025 اور #پاکستانی_حجاج جیسے ہیش ٹیگز ٹرینڈ کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وفاقی وزیر رانا تنویر حسین سے ڈائریکٹر جنرل ایس آئی ایف سی کی ملاقات، کسانوں کو ریلیف فراہم کرنے اور پیداواری صلاحیت میں بہتری پر تبادلہ خیال