سعودی وزیر داخلہ کی زیر نگرانی منیٰ میں حج آپریشنز کا جائزہ
اشاعت کی تاریخ: 5th, June 2025 GMT
سعودی عرب کے وزیر داخلہ اور سپریم حج کمیٹی کے چیئرمین شہزادہ عبدالعزیز بن سعود بن نایف نے منیٰ میں پبلک سیکیورٹی کمانڈ اینڈ کنٹرول سینٹر کا دورہ کیا، جہاں انہوں نے حج آپریشنز کی نگرانی کی۔
یہ بھی پڑھیں:تین جوڑی جڑواں بھائی حجاج کی خدمت میں سرگرم، منفرد ریکارڈ قائم
سعودی پریس ایجنسی (ایس پی اے) کے مطابق اس موقع پر شہزادہ عبدالعزیز نے حج سیزن 1446ھ کے دوران سیکیورٹی فورسز کی تیاریوں اور آپریشنز کے بارے میں بریفنگ لی۔
انہوں نے حجاج کرام کی سلامتی اور سہولت کو یقینی بنانے کے لیے کیے گئے اقدامات کا جائزہ لیا۔ وزیر داخلہ نے سیکیورٹی اہلکاروں کی کوششوں کو سراہا اور ان کی خدمات پر اطمینان کا اظہار کیا۔
انہوں نے حجاج کرام کی خدمت کو ایک عظیم ذمہ داری قرار دیتے ہوئے کہا کہ تمام ادارے حجاج کی خدمت میں مصروف عمل ہیں۔
اس دورے کے دوران شہزادہ عبدالعزیز کے ہمراہ متعدد اعلیٰ حکام بھی موجود تھے، جنہوں نے حج آپریشنز کے مختلف پہلوؤں پر تبادلہ خیال کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج حج آپریشنز سپریم حج کمیٹی شہزادہ عبدالعزیز بن سعود بن نایف.ذریعہ: WE News
کلیدی لفظ: سپریم حج کمیٹی شہزادہ عبدالعزیز بن سعود بن نایف شہزادہ عبدالعزیز
پڑھیں:
عازمین حج کی خدمت: مسجد نمرہ کو ہزاروں مربع میٹر قالین سے سجا دیا گیا
سعودی حکام نے حج کے دوران عازمین کے لیے ایک ضروری مقدس مقام کوہ عرفات کے قریب واقع نمرہ مسجد کو ہزاروں مربع میٹر قالین سے سجا دیا۔
عرب میڈیا کے مطابق وزارت اسلامی امور، دعوت و رہنمائی نے بدھ کے روز اعلان کیاکہ نمرہ مسجد کو مکمل طور پر تیار اور اپ گریڈ کر دیا گیا ہے تاکہ عازمین حج کو سہولت میسر آ سکے۔
یہ بھی پڑھیں مناسک حج کا آغاز ہوگیا، حجاج کرام آج منیٰ میں رات گزاریں گے
مسجد نمرہ میں عازمین حج کے آرام کرنے کے لیے ایک لاکھ 25 ہزار مربع میٹر قالین سجا دی گئی ہے، جبکہ گرمی کی شدت کو کم کرنے کے لیے بھی انتظامات کیے گئے ہیں۔
وزارت نے مزید کہاکہ فرش پر عکاس پینٹ کیا گیا ہے، اور ارد گرد کے صحنوں میں 117 فوگ پنکھے لگائے گئے ہیں تاکہ درجہ حرارت کو کم کیا جا سکے۔
اب مسجد نمرہ لاکھوں عازمین حج کے استقبال کے لیے تیار ہے، اس کے بعد حجاج کرام مزدلفہ اور منیٰ کے مقدس مقامات کی طرف روانہ ہوں گے۔
وزارت نے حج کے دوران درجہ حرارت کی صورت حال کو مدنظر رکھتے ہوئے مسجد کے وینٹیلیشن، ایئر کنڈیشنگ اور پیوریفیکیشن سسٹم کو اپ گریڈ کیا ہے۔
حجاج کے لیے صحت مند ماحول پیدا کرنے کے لیے وزارت نے 70 واٹر چلرز لگائے ہیں، جس سے حجاج کرام کو سہولت میسر آئےگی۔
یہ بھی پڑھیں اس سال حج کے لیے کتنے لاکھ لوگ سعودی عرب پہنچے؟
نمرہ مسجد دنیا کی سب سے بڑی مسجد ہے جس میں بیک وقت قریباً 4 لاکھ نمازیوں کی گنجائش موجود ہے، اور اس کے 72 دروازے ہیں۔ مسلمانوں کا عقیدہ ہے کہ پیغمبر اسلام نے اس مقام پر اپنا آخری خطبہ دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حجاج کرام عازمین حج قالین مسجد نمرہ مقدس مقام وزارت حج وی نیوز
مستقبل میں پاک بھارت کشیدگی ہوسکتی ہے، جنرل ساحر شمشاد مرزا