عیدالاضحیٰ پر فول پروف سیکیورٹی یقینی بنائی جائے، وزیراعلیٰ پنجاب مریم نواز
اشاعت کی تاریخ: 6th, June 2025 GMT
وزیراعلیٰ پنجاب مریم نوازشریف نے عیدالاضحیٰ کے موقع پر صوبے بھر میں فول پروف سیکیورٹی انتظامات کی ہدایت جاری کرتے ہوئے متعلقہ اداروں کو الرٹ رہنے کا حکم دیا ہے۔ انہوں نے مویشی منڈیوں میں سیکیورٹی بڑھانے اور ٹریفک نظام کی مؤثر نگرانی کی بھی تاکید کی ہے۔
وزیراعلیٰ نے لاہور، ملتان اور دیگر بڑے شہروں میں مویشی منڈیوں کے اطراف ٹریفک مینجمنٹ بہتر بنانے کا حکم دیتے ہوئے کہا کہ شہریوں کو آمد و رفت میں کسی قسم کی دشواری کا سامنا نہیں ہونا چاہیے۔
مریم نوازشریف نے ٹرانسپورٹ کے حوالے سے بھی احکامات جاری کرتے ہوئے کہا کہ تمام شہروں میں مقررہ کرایوں پر سختی سے عملدرآمد یقینی بنایا جائے۔ انہوں نے ہدایت کی کہ تمام بسوں کی فرنٹ اسکرین پر کرایہ نامہ اور فٹنس سرٹیفکیٹ نمایاں طور پر چسپاں کیے جائیں، اور زائد کرایہ وصول کرنے والوں کے خلاف سخت کارروائی کی جائے، جبکہ مسافروں سے وصول شدہ اضافی کرائے فوری واپس کرائے جائیں۔
مزید پڑھیں: نوجوانوں میں مریم نواز کی بڑھتی مقبولیت، وجہ کیا ہے؟
انہوں نے لائیوسٹاک حکام کو ہدایت کی کہ مویشی منڈیوں میں اپنی موجودگی یقینی بنائیں تاکہ جانوروں کی صحت، صفائی اور دیگر سہولیات کا بروقت جائزہ لیا جا سکے۔
وزیراعلیٰ نے انتظامیہ اور پولیس افسران کو بھی فیلڈ میں متحرک رہنے کی ہدایت کرتے ہوئے کہا کہ عوام کے تحفظ اور سہولت کے لیے تمام اقدامات زمینی سطح پر نظر آنے چاہییں۔
انہوں نے صوبائی، ڈویژنل، ضلعی اور تحصیل سطح پر صورت حال کی مسلسل نگرانی اور باقاعدہ رپورٹس پیش کرنے کا بھی حکم دیا، تاکہ تمام معاملات پر بروقت فیصلے لیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب عید الاضحی مریم نواز مویشی منڈی.
ذریعہ
ذریعہ: WE News
کلیدی لفظ: عید الاضحی مریم نواز مویشی منڈی انہوں نے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
ٹی20 ورلڈ کپ 2026: پاکستان نے سپر 8 کے لیے جگہ پکی کر لی