ایزی پیسہ کاعیدالاضحیٰ کے موقع پر مویشی منڈیوں میں خریدوفروخت ڈیجیٹائز کرنے کے حوالے سے اہم قدم
اشاعت کی تاریخ: 5th, June 2025 GMT
عیدالاضحیٰ پر قربانی میں ایزی پیسہ ڈیجیٹل بینک نے مویشی منڈی میں خرید و فروخت کو ڈیجیٹل بنانے اور صارفین کو اپنی قربانی کی مذہبی ذمہ داریاں آسانی سے ادا کرنے کی سہولت فراہم کرنے میں اہم کردار ادا کیا ہے۔
ایزی پیسہ کی جانب سے پاکستان بھر میں منتخب مویشی منڈیوں میں راست پر مبنی کیو آر کوڈ ادائیگی نظام نصب کیا گیا ہے۔ جو اسٹیٹ بینک آف پاکستان کی ‘گو کیش لیس’ مہم کا حصہ ہے۔ اس مہم کا مقصد راست انسٹنٹ پیمنٹ سسٹم کے ذریعے ڈیجیٹل مالیاتی نظام کو فروغ دینا اور مالیاتی رسائی کو وسیع کرنا ہے۔
یہ سہولت کراچی، لاہور، اسلام آباد اور ملتان جیسے بڑے شہروں کی منتخب مویشی منڈیوں میں دستیاب ہے، جہاں ایزی پیسہ کے صارفین اور دیگر ڈیجیٹل بینکنگ ایپس یا والیٹس ، Wallets کے صارفین بغیر کسی رکاوٹ کے ادائیگیاں کرسکتے ہیں۔ رقم بھیجنے کے لیے، صارفین ایزی پیسہ ایپلیکیشن کی ہوم اسکرین پر موجود اسکین کوڈ (Scan Code) آپشن کو منتخب کر کے کیو آر کوڈ اسکین کر کہ مطلوبہ رقم درج کرکے لین دین مکمل کرسکتے ہیں ۔ اسی طرح، ادائیگی وصول کرنے کے لیے صارفین ایزی پیسہ ایپ پر رقم کی وصولی(Receive Money) کے آپشن کے ذریعے اسٹیٹک یا ڈائنامک کیو آر کوڈ استعمال کر سکتے ہیں۔ ایزی پیسہ صارفین اعتماد کے ساتھ اپنی قربانی کی ذمہ داری بھی ادا کرسکتے ہیں، جس کے لیے ایزی پیسہ پلیٹ فارم میں موجود شوکت خانم منی ایپ کے ذریعے عطیہ کیا جا سکتا ہے۔
عیدالاضحی کے موقع پر پاکستان میں بڑے پیمانے پر معاشی سرگرمیاں ہوتی ہیں جن کا 2024 میں تخمینہ تقریباً 839.
ایزی پیسہ ڈیجیٹل بینک کے صدر اور سی ای او، جہانزیب خان نے اس سہولت کے اجراء کےحوالے سے کہا کہ پاکستان کے پہلے ڈیجیٹل بینک کے طور پر ایزی پیسہ ہمیشہ سے ٹیکنالوجی اور سہولت کو یکجا کرتے ہوئے صارفین کو عیدالاضحی پر محفوظ طریقے سے لین دین کرنے کے قابل بنا رہا ہے۔ وہ وقت گزر چکا ہے جب لوگوں کو مویشی خریدنے کے لیے بڑی رقم نقد ساتھ لے جانی پڑتی تھی۔ ہم اسٹیٹ بینک آف پاکستان کے شکر گزار ہیں، جنہوں نے ملک کے مالیاتی نظام کو ڈیجیٹل بنانے میں کلیدی کردار ادا کیا، اور راست ادائیگی نظام کے ذریعے عوام اور بیوپاریوں کے لیے ہموار لین دین کا تجربہ فراہم کیا۔
ایزی پیسہ ڈیجیٹل بینک کے ہیڈ آف والیٹ بزنس، فرحان حسن نے کہا کہ ایزی پیسہ اسٹیٹ بینک کے مالیاتی شمولیت کے مشن اور ایک ڈیجیٹل طور پر بااختیار پاکستان کے وژن کو حقیقت میں بدلنے کے لیے پرعزم ہے۔ کیو آر کوڈ پر مبنی ادائیگی کا حل مویشی منڈی کے لین دین کو ڈیجیٹائز کرتا ہے، جو صارفین اور تاجروں دونوں کے لیے آسان ہے۔
ایزی پیسہ مسلسل جدید ڈیجیٹل مالیاتی حل فراہم کرنے میں پیش پیش ہے جو صارفین کے تجربے کو آسان اور مؤثر بناتے ہیں۔ اس سے قبل ایزی پیسہ نے ‘عیدی پیسہ’ سروس متعارف کرائی، جو صارفین کو ڈیجیٹل عیدی بھیجنے کی سہولت فراہم کرتی ہے تاکہ عید کی خوشیاں اپنے پیاروں کے ساتھ بانٹی جاسکیں۔
ایزی پیسہ کے 5کروڑ سے زائد رجسٹرڈ صارفین اور پاکستان کا پہلا ڈیجیٹل بینک ہونے پر ایزی پیسہ تجارتی سرگرمیاں شروع کر چکا ہے اور اسٹیٹ بینک کے وژن کے مطابق پاکستان میں معاشی ترقی اور ایک مستحکم، ڈیجیٹل طور پر بااختیار، مالیاتی طور پر مربوط معاشرہ قائم کرنے کے لیے پرعزم ہے۔
اشتہار
ذریعہ: Al Qamar Online
کلیدی لفظ: ڈیجیٹل بینک اسٹیٹ بینک کیو آر کوڈ ایزی پیسہ کے ذریعے فراہم کر لین دین کرنے کے بینک کے کے لیے
پڑھیں:
امریکا اقوام متحدہ کے اجلاس کے موقع پر ویزے کیوں روک رہا ہے؟
وائٹ ہاؤس اس ماہ اقوام متحدہ کی جنرل اسمبلی میں شریک ہونے والے ایرانی اور دیگر ممالک کے وفود پر سفری اور دیگر پابندیاں عائد کرنے پر غور کر رہا ہے۔
میڈیا رپورٹس کے مطابق یہ بات امریکی محکمہ خارجہ کی ایک اندرونی یادداشت میں سامنے آئی ہے۔
یادداشت کے مطابق ایران، سوڈان، زمبابوے اور برازیل کے وفود پر ممکنہ پابندیاں اس فیصلے کے بعد متوقع ہیں جس میں وائٹ ہاؤس نے فلسطینی اتھارٹی کے صدر محمود عباس اور ان کے وفد کو ویزا دینے سے انکار کیا۔
یہ بھی پڑھیں: حماس کے بغیر فلسطین کا 2 ریاستی حل، اقوام متحدہ میں قرارداد منظور
محمود عباس جنرل اسمبلی کے اجلاس میں شریک ہونا چاہتے تھے، جہاں کئی مغربی ممالک نے فلسطینی ریاست کو تسلیم کرنے کا اعلان کیا ہے۔
مجوزہ پابندیاں، جن پر ابھی غور جاری ہے اور جو کسی بھی وقت تبدیل ہوسکتی ہیں، ان وفود کی نیویارک شہر سے باہر جانے کی صلاحیت کو شدید حد تک محدود کردیں گی۔
ایرانی سفارتکاروں کی نقل و حرکت پہلے ہی نیویارک شہر کے اندر محدود ہے، تاہم ایک تجویز کے تحت انہیں بڑے ہول سیل اسٹورز جیسے ’کوسٹکو‘ اور ’سیمز کلب‘ پر امریکی محکمہ خارجہ سے پیشگی اجازت کے بغیر خریداری سے بھی روکا جا سکتا ہے۔
مزید پڑھیں: امریکا-بھارت کشیدگی، مودی کا اقوام متحدہ کے سالانہ اجلاس میں شرکت سے گریز
یہ اسٹورز ایرانی سفارتکاروں میں اس لیے مقبول رہے ہیں کیونکہ وہاں وہ بڑی مقدار میں ایسی اشیا خرید لیتے ہیں جو ایران میں دستیاب نہیں اور نسبتاً سستی ہوتی ہیں، پھر انہیں وطن بھیج دیتے ہیں۔
یہ واضح نہیں کہ ایران کے لیے یہ شاپنگ پابندی کب نافذ ہوگی، تاہم یادداشت میں کہا گیا ہے کہ محکمہ خارجہ تمام غیر ملکی سفارتکاروں کی ہول سیل کلبز کی ممبرشپ پر بھی شرائط عائد کرنے کے قواعد مرتب کرنے پر غور کر رہا ہے۔
مزید پڑھیں: اقوام متحدہ میں 2 ریاستی کانفرنس بحال کرنے کی منظوری، امریکا و اسرائیل کی مخالفت
امریکا اور ایران کے درمیان کشیدگی اس وقت بڑھ گئی جب امریکی صدر ڈونلڈ ٹرمپ نے جون میں ہونے والی 12 روزہ ایران اسرائیل جنگ کے دوران ایرانی جوہری تنصیبات پر بمباری کا حکم دیا۔
اس جنگ کے نتیجے میں اپریل سے جاری امریکی ایران جوہری مذاکرات بھی تعطل کا شکار ہو گئے۔
برازیل کے معاملے میں یہ واضح نہیں کہ ممکنہ ویزا پابندیاں صدر لوئز اناسیو لولا ڈا سلوا پر بھی لاگو ہوں گی یا صرف نچلی سطح کے وفود پر۔
روایت کے مطابق اقوام متحدہ کی جنرل اسمبلی میں سب سے پہلے خطاب برازیل کا صدر کرتا ہے جبکہ امریکی صدر دوسرا مقرر ہوتا ہے۔
مزید پڑھیں: اسرائیل بمقابلہ قطر: کیا خطہ بڑے تنازعے کی طرف بڑھ رہا ہے؟
صدر لولا حالیہ عرصے میں ٹرمپ کے نشانے پر ہیں، کیونکہ برازیلی حکومت سابق صدر جائر بولسونارو پر، جو ٹرمپ کے قریبی اتحادی ہیں، بغاوت کی کوشش کے مقدمات چلا رہی ہے۔
صدر لولا کو گزشتہ سال اسرائیل نے اس وقت ناپسندیدہ شخصیت قرار دیا تھا جب انہوں نے غزہ کی جنگ کا موازنہ ہولوکاسٹ سے کیا تھا۔
اس کے بعد اسرائیل اور برازیل نے اپنے تعلقات کو تنزلی کی طرف لے جانے کا اعلان کیا۔
مزید پڑھیں: قطر پر حملہ: برطانوی وزیراعظم اور اسرائیلی صدر کے درمیان ملاقات ’جھڑپ‘ میں بدل گئی
یادداشت میں یہ واضح نہیں کہ سوڈان اور زمبابوے کے وفود پر کس نوعیت کی پابندیاں عائد ہو سکتی ہیں۔ البتہ ایک ملک جس کے لیے رعایت دی گئی ہے وہ شام ہے۔
شام کے وفد پر ایک دہائی سے سفری پابندیاں عائد تھیں لیکن گزشتہ ہفتے ان میں نرمی کردی گئی ہے۔
یہ اقدام ایسے وقت سامنے آیا ہے جب ٹرمپ انتظامیہ بشار الاسد کی برطرفی کے بعد شام کے نئے دور میں تعلقات بہتر بنانے اور اسے خطے میں دوبارہ شامل کرنے کی کوشش کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ امریکا ایران برازیل پابندیاں زمبابوے سفری سوڈان سیمز کلب شام فلسطینی اتھارٹی فلسطینی ریاست کوسٹکو محکمہ خارجہ محمود عباس نیویارک ہول سیل اسٹورز وائٹ ہاؤس ویزا
بھارتی بورڈ کی دولت میں 5برس کے دوران کروڑوں روپے کا اضافہ