خانقاہ میں تشریف فرما عشاق کی محفل میں پہنچا تو حضرت اقدس پیرو مرشد حفظ اللہ فرما رہے تھے ‘‘ اﷲ تعالیٰ توفیق عطاء فرمائے آج میں اور آپ مل کر قرآن پاک پڑھتے ہیں‘سبحان اﷲ، قرآن پاک، ہمارے عظیم رب کا کلام، ہدایت کا سرچشمہ‘ ہم کتنے خوش نصیب ہیں کہ ہمارے پاس’’قرآن مجید‘‘ موجود ہے، الحمدﷲ، الحمدﷲ، الحمدﷲ… اﷲ تعالیٰ ہمیں اس نعمت کی قدر نصیب فرمائے۔اﷲ تعالیٰ کا ارشاد گرامی ہے:(١) ترجمہ: دین تو اﷲ تعالیٰ کے نزدیک ’’اسلام‘‘ ہے۔ (ال عمران ٩١)(٢) ترجمہ: اور جو شخص’’ اسلام‘‘ کے سوا کسی اور دین کوچاہے وہ اُس سے ہرگز قبول نہیں کیا جائے گا اور ایسا شخص آخرت میںنقصان اٹھانے والوں میں ہو گا( ال عمران ٥٨)(٣) ترجمہ: آج ہم نے تمہارے لئے تمہارا دین کامل کر دیا اور اپنی نعمتیں تم پر پوری کر دیں اور تمہارے لئے’’ اسلام ‘‘ کو دین پسند کیا۔(٤) ترجمہ: پس جس شخص کو اﷲ تعالیٰ چاہتا ہے کہ ہدایت بخشے اْس کا سینہ’’ اسلام ‘‘ کے لئے کھول دیتا ہے اور جسے چاہتا ہے کہ گمراہ کرے اس کا سینہ تنگ اور گُھٹا ہوا کر دیتا ہے گویا وہ آسمان پر چڑھ رہا ہے۔( الانعام ٥٢١)(٥) ترجمہ:بھلا جس شخص کا سینہ اﷲ تعالیٰ نے اسلام کے لئے کھول دیا ہے پس وہ اپنے پروردگار کی طرف سے روشنی پر ہے( تو کیا وہ سخت دل کافر کی طرح ہو سکتا ہے؟) (الزمر ٢٢)(٦) ترجمہ: اور اُس سے زیادہ ظالم کون ہے جو اﷲ تعالیٰ پر جھوٹ باندھے، حالانکہ’’ اسلام ‘‘ کی طرف اُسے بلایا جارہا ہو اور اﷲ تعالیٰ ظالم لوگوں کو ہدایت نہیں دیتا( الصّف ٧)الحمدﷲ ہم کتنے خوش نصیب ہیں کہ اﷲ تعالیٰ نے ہمیں اپنی عظیم الشان کتاب میں سے چھ آیات پڑھنے کی توفیق عطاء فرمائی…
قرآن مجید میں سے ان آیات کو پڑھ لیں اور اُن کا ترجمہ بھی یاد کر لیں اور پھر شُکر میںڈوب جائیں کہ اﷲ تعالیٰ نے ہمیں اپنے فضل سے’’ اسلام ‘‘ کی نعمت عطاء فرمائی ہے… الحمدﷲ ، الحمدﷲ، الحمدﷲ… ان آیات سے معلوم ہوا کہ رسول کریمۖ کی بعثت کے بعد صرف دین اسلام ہی سچا اور مقبول دین ہے’ کافر اورغیر مسلم سب کے سب ناکام ہیں، نامُراد ہیں اور بد نصیب ہیں… خواہ وہ کسی مُلک کے صدر ہوں، بڑے مالدار ہوں، ماہر سائنسدان ہوں، یونیورسٹیاں بنانے والے ہوں… یا بڑے بڑے کھلاڑی… یہ سب بہت سخت عذاب اور خسارے میں ہیں کیونکہ وہ اصل نعمت اور روشنی’ یعنی دین اسلام سے محروم ہیں… یہ عقیدہ قرآن پاک کی بہت سی آیات میں سمجھایا اور یاد کرایا گیا ہے’ مزیدتفصیل جاننی ہو تو فتح الجوّاد‘‘ میں ’’ سورة محمد‘‘ یعنی ’’سورة القتال‘‘ کا مطالعہ کر لیجئے آئیے اسلام کی نعمت ملنے پر اﷲ تعالیٰ کا شکر ادا کریں۔الحمدﷲ علیٰ نعمة الاسلام… سبحان اﷲ علیٰ نعمة الاسلام…اﷲ اکبر علیٰ نعمة الاسلا مسبحان اﷲ،والحمدﷲ واﷲ اکبر علیٰ ماھدانا… الحمدﷲ الذی ھدانا لھذا وماکنا لنھتدی لولا ہدانا اﷲ… دعا کریں اور کوشش کریں کہ یہ نعمت ہمارے پاس محفوظ رہے اور مرتے وقت ہم اسلام پر مریں۔اﷲ تعالیٰ کا ارشاد گرامی ہے:(١) ترجمہ: ہر جان موت کا مزہ چکھنے والی ہے اور تمہیں قیامت کے دن پورے پورے بدلے ملیں گے پھر جو کوئی جہنم سے دور رکھا گیا اور جنت میں داخل کیا گیا پس وہ پورا کامیاب ہو گیا اور دنیا کی زندگی سوائے دھوکے کی پونجی کے اور کچھ نہیں(ال عمران ٥٨١)(٢) ترجمہ: ( وہ اﷲ تعالیٰ) جس نے موت اور زندگی کو پیدا کیا تاکہ تمہیں آزمائے کہ تم میں سے کس کے عمل اچھے ہیں(المُلک ٢)(٣) ترجمہ: اور ہم نے ہی انسان کو پیدا کیا ہے، اورجو خیالات اس کے دل میں گذرتے ہیں ہم اُن کو جانتے ہیں اور ہم اُس کی رگِ جان سے بھی اُس سے زیادہ قریب ہیں جب (وہ کوئی کام کرتا ہے تو) دو لکھنے والے جو دائیں بائیں بیٹھتے ہیں لکھ لیتے ہیں، کوئی بات اس کی زبان پر نہیں آتی مگر ایک نگہبان اُس کے پاس تیار رہتاہے اور موت کی سکرات(یعنی بے ہوشی) تو ضرور آکر رہے گی یہی ہے وہ جس سے تو بھاگتا تھا۔(ق ٦١ تا ٩١)(٤) ترجمہ: تم جہاں کہیں ہو گے، موت تمہیں آہی پکڑے گی، اگرچہ تم مضبوط قلعوں میں ہی ہو(النساء ٨٧)(٥) ترجمہ: کاش تم ان ظالم لوگوں کو اُس وقت دیکھو جب وہ موت کی سختیوں میں(مبتلا) ہوں اور فرشتے اپنے ہاتھ بڑھا رہے ہوں کہ نکالو! اپنی جانیں آج تم کو ذلت کے عذاب کی سزا دی جائے گی(الانعام ٣٩)(٦) ترجمہ: (یہ لوگ اسی طرح غفلت میںرہیں گے) یہاںتک کہ جب اُن میں سے کسی کے پاس موت آجائے گی تو کہے گا اے پروردگار مجھے پھردنیا میںواپس بھیج دے تاکہ جسے میں چھوڑ آیا ہوں اس میں نیک کام کر لوں… ہرگز نہیں ایک بات ہی بات ہے جسے یہ کہہ رہاہے اور ان کے آگے ایک پردہ پڑا ہوا ہے قیامت تک( کہ اس پردے یعنی برزخ کو عبور کر کے دنیا میںواپس نہیں آسکیںگے)(المومنون ٩٩،٠٠١)الحمدﷲ ہم نے چھ مقامات اور پڑھ لئے… اپنے عظیم رب کی سچی باتیں… بے شک موت نے آنا ہے، اس یقین کو دل میں بٹھائیں گے… اور اس کی تیاری کریں گے تو ہم پکے اوراچھے مسلمان بن جائیں گے… یقین کریں ہم موت سے نہیں بھاگ سکتے… ہاںمگر اپنی موت کو اچھا اور مزیدار بنانے کی دعاء اور محنت کرسکتے ہیں… پھر دیر کس بات کی …
آج سے ہی دعاء اور تیاری شروع ہو جائے… اللھم بارک لی فی الموت وفیما بعد الموتاﷲ تعالیٰ کا ارشاد گرامی ہے:(١) ترجمہ: اور جو اﷲ تعالیٰ کی راہ میں مارے جائیں انہیں مرا ہوا نہ کہا کرو، بلکہ وہ تو زندہ ہیں لیکن تم نہیںسمجھتے(البقرہ ٤٥١)(٢) ترجمہ: اور اگر تم اﷲ تعالیٰ کی راہ میں قتل کئے گئے یا مر گئے تو اﷲ تعالیٰ کی مغفرت اوراُس کی رحمت اُس چیز(یعنی مال و اسباب) سے بہترہے جو لوگ جمع کرتے ہیں(ال عمران ٧٥١)(٣) ترجمہ: اور جو لوگ اﷲ تعالیٰ کے راستے میں مارے گئے انہیں مردے نہ سمجھو بلکہ وہ زندہ ہیں اپنے رب کے ہاں سے رزق دیئے جاتے ہیں، اﷲ تعالیٰ نے اپنے فضل سے جو انہیں دیا ہے اُس پر خوش ہونے والے ہیں( ال عمران ٩٦١،٠٧١)(٤) اور جو شخص اﷲ تعالیٰ اور اُس کے رسول کی طرف ہجرت کر کے گھر سے نکل جائے پھر اُس کو موت آپکڑے تو اُس کا ثواب اﷲتعالیٰ کے ذمے ہو چکا ( النساء ٠٠١)(٥)ترجمہ: اور جن لوگوں نے اﷲ تعالیٰ کی راہ میں ہجرت کی، پھر وہ قتل کئے گئے یا مرگئے بے شک اﷲ تعالیٰ اُن کو اچھی روزی دے گا اوریقیناً اﷲ تعالیٰ بہتر رزق دینے والا ہے اور اُن کو ایسے مقام میںداخل کرے گا جسے وہ پسند کریں گے اور بے شک اﷲ تعالیٰ جاننے والا، برُدبار ہے(الحج ٨٥،٩٥)(٦) ترجمہ: اور جو اﷲ تعالیٰ کی راہ میںمارے گئے ہیں اﷲ تعالیٰ اُن کے اعمال ضائع نہیں فرمائے گا(بلکہ) جلدی انہیں راہ دکھلائے گا اور اُن کا حال درست کردے گا اور انہیںجنت میں داخل کرے گا جس کی حقیقت انہیں بتا دی ہے (محمد ٤ تا ٦)
(جاری ہے)
ذریعہ: Daily Ausaf
کلیدی لفظ: کی راہ میں اﷲ تعالی قرا ن پاک ال عمران اور جو گا اور ہے اور نہیں ا
پڑھیں:
سانحہ بابوسر ٹاپ: ’بیٹا، بھائی، اہلیہ سب کھو دیے، مگر حوصلہ چٹان سے کم نہیں‘
گلگت بلتستان میں حالیہ شدید بارشوں اور سیلاب کے نتیجے میں بڑے پیمانے پر تباہی ہوئی۔ بابوسر ٹاپ کے مقام پر سیلابی ریلوں میں کئی سیاح بہہ گئے ان میں لودھراں سے تعلق رکھنے والا ایک خاندان بھی شامل تھا جس کے کئی افراد جاں بحق ہو گئے اور ان کی لاشوں کو ریسکیو آپریشن کر کے نکالا گیا۔ جس میں فہد اسلام، ڈاکٹر مشعال فاطمہ ان کے بیٹے عبدالہادی شامل تھے۔
حادثے میں زندہ بچ جانے والے سعد اسلام نے میڈیا سے گفتگو کرتے ہوئے کہا کہ مسلمان کا عقیدہ ہے ہر کسی نے دنیا سے جانا ہے۔ شاید ہماری قسمت میں ایسے ہی لکھا ہوا تھا میں اس بات پر بھی اللہ کا شکر ادا کرتا ہوں کہ ڈیڈ باڈیز مل گئیں کیونکہ میں وہاں پر دیکھ کر آیا ہوں کہ سارے کے سارے خاندان پانی میں بہہ گئے ہیں اور ان کو پیچھے کوئی پوچھنے والا نہیں ہے۔
اس چٹان جیسے حوصلے کو سلام ہے
لا یکلف اللہ نفسا الا وسعھا کی مثال
بیٹا بھائی اہلیہ سب پانی کی نذر ہوگئے اور شکر کا انداز سبحان اللہ ۔
خدا اس ہمت کو ہمیشہ قائم رکھے
آمین ۔ pic.twitter.com/F6qroNj5iv
— صحرانورد (@Aadiiroy2) July 25, 2025
ان کا کہنا تھا کہ میں اللہ کا شکر ہی ادا کر سکتا ہوں، ظاہر ہے میں غمگین ہوں کیونکہ میں نے اپنا پھول جیسا بیٹا، باپ جیسے بڑے بھائی اور اچھی نیک سیرت اور حافظ قرآن بیوی کو کھویا ہے اب میری ایک سال کی بیٹی ہے اللہ اس کے لیے آسانی والا معاملہ کرے۔ اللہ مجھے اور میرے خاندان کو صبر عطا فرمائے اور سب مسلمانوں کو ایسی آفت سے بچائے۔
سوشل میڈیا صارفین سعد اسلام کے حوصلے کی تعریف کرتے نظر آئے اور مرحومین کی بخشش کے لیے دعا کی۔ ایک صارف نے لکھا کہ واقعی یہ صبر کی وہ اعلیٰ مثال ہے جو ایمان کو جِلا بخشتی ہے۔
واقعی یہ صبر اور رضا بالقضا کی وہ اعلیٰ مثال ہے جو ایمان کو جِلا بخشتی ہے۔ "لا یکلف اللہ نفساً إلا وسعہا" کا عملی مظہر دیکھ کر دل نم ہو جاتا ہے۔ اللہ تعالیٰ ان کے صبر کو قبول فرمائے، ان کے پیاروں کو جنت الفردوس میں اعلیٰ مقام عطا فرمائے، اور ان کے دل کو ہمیشہ اپنی خاص رحمت و سکون…
— sobia ashraf (@Sobiajournalist) July 25, 2025
ایک ایکس صارف کا کہنا تھا کہ انسان جب سب کچھ کھو دیتا ہے تو اللّه کے مزید قریب ہوجاتا ہے یقیناً اللّه اپنے بندے کو کبھی تنہا نہیں چھوڑتا۔ انہوں نے دعا کی کہ اللّه اس خاندان اور باقی سب جو اس حادثے میں دنیا سے چلے گئے ہیں اور جن کا کوئی پیچھے ان کو ڈھونڈھنے والا بھی نہیں سب کو جوار رحمت میں جگہ عطاء فرمائے۔
انسان جب سب کچھ کھو دیتا ہے تو اللّه کے مزید قریب ہوجاتا ہے یقیناً اللّه اپنے بندے کو کبھی تنہا نہیں چھوڑتا
اللّه اس خاندان اور باقی سب جو اس حادثے میں دنیا سے چلے گئے ہیں جنکا یہ بھائی ذکر کر رہے ہیں جنکا کوئی پیچھے انکو ڈھونڈھنے والا بھی نہیں سب کو جوار رحمت میں جگہ عطاء فرمائے
— سچا پٹواری® (@Satcha_Patwari) July 25, 2025
ایک سوشل میڈیا صارف کا ویڈیو پر تبصرہ کرتے ہوئے کہنا تھا کہ بھائی کی ہمت کو سلام ہے۔
بھائی کی ہمت کو سلام ہے https://t.co/no0Kyy9rq0
— Energy Engr (@KMazhar41818) July 25, 2025
واضح رہے کہ چند دن قبل لودھراں سے تعلق رکھنے والا ایک خاندان اسکردو سے واپسی پر بابوسر ٹاپ کے مقام پر اچانک آنے والے سیلابی ریلے کی زد میں آگیا تھا۔ اس المناک واقعے میں ڈاکٹر مشعال فاطمہ، ان کا دیور فہد اسلام اور 3 سالہ عبدالہادی جاں بحق ہوگئے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابو سر ٹاپ حادثے اور لاشیں دیامر حادثہ ڈاکٹر مشعال فاطمہ سیلابی ریلہ فہد اسلام
اوکاڑہ ،تیز رفتار کار ٹائر برسٹ ہونے کے باعث موٹر سائیکل سے ٹکرا گئی، 8 سالہ بچے سمیت 2 افرادجاں بحق