لی جائے میونگ: فیکٹری ورکر سے جنوبی کوریا کے صدر تک کا سفر
اشاعت کی تاریخ: 7th, June 2025 GMT
سیئول: جنوبی کوریا میں عوام نے ڈیموکریٹک پارٹی کے امیدوار لی جائے میونگ کو نیا صدر منتخب کر لیا ہے۔ 61 سالہ لی نے 49 فیصد سے زیادہ ووٹ حاصل کیے اور ملک کے 14ویں صدر بن گئے ہیں۔
یہ انتخاب اس وقت ہوا جب سابق صدر یون سک یول نے دسمبر 2024 میں مارشل لا نافذ کرنے کی ناکام کوشش کی، جس کے بعد ان کا مواخذہ ہوا اور عدالتی حکم سے وہ عہدے سے ہٹا دیے گئے۔
لی جائے میونگ نے رولنگ پارٹی کے امیدوار کم مون سو کو شکست دی۔ ووٹنگ کا ٹرن آؤٹ 79.
لی کو اب بھی قانونی چیلنجز کا سامنا ہے، جن میں کرپشن، اختیارات کے غلط استعمال اور جھوٹے بیانات دینے کے الزامات شامل ہیں۔ ایک کیس میں انہیں عدالت نے بری کیا تھا، مگر سپریم کورٹ نے فیصلے کو کالعدم قرار دے کر دوبارہ ٹرائل کا حکم دیا ہے۔
لی جائے میونگ 1963 میں اندونگ کے ایک پہاڑی گاؤں میں پیدا ہوئے۔ بچپن میں غربت کے باعث انہیں تعلیم کے ساتھ ساتھ فیکٹری میں کام کرنا پڑا۔ 13 سال کی عمر میں ایک مشین کے حادثے میں ان کا بازو زخمی ہوا۔
انہوں نے اسکالرشپ پر قانون کی تعلیم حاصل کی اور 1986 میں وکالت کا امتحان پاس کیا۔ لی نے دو دہائیوں تک انسانی حقوق کے وکیل کے طور پر خدمات انجام دیں، پھر 2005 میں سیاست میں قدم رکھا۔
وہ 2010 سے 2018 تک سیونگنام کے میئر اور پھر 2021 تک گیونگی صوبے کے گورنر رہے۔ 2022 میں وہ قومی اسمبلی کے رکن منتخب ہوئے۔
انہوں نے 2022 میں صدارتی انتخاب لڑا لیکن معمولی فرق سے ہار گئے۔ 2024 میں ان پر قاتلانہ حملہ بھی ہوا، مگر وہ بچ گئے۔
غریب پس منظر اور سخت مؤقف رکھنے والے لی کو متوسط اور محنت کش طبقے میں خاصی مقبولیت حاصل ہے۔
ان کی پارٹی کو پارلیمنٹ میں اکثریت حاصل ہے، جو انہیں اپنے ایجنڈے پر عمل درآمد کے لیے سہولت فراہم کرے گی۔
ذریعہ: Express News
کلیدی لفظ: لی جائے میونگ
پڑھیں:
جنوبی ایشیا میں پائیدار امن مسئلہ کشمیر کے منصفانہ حل سے جڑا ہے، بلاول بھٹو زرداری
پاکستان کے اعلیٰ سطح پارلیمانی وفد نے چیئرمین پاکستان پیپلز پارٹی اور سابق وزیرِ خارجہ بلاول بھٹو زرداری کی قیادت میں امریکا کے دارالحکومت واشنگٹن میں مصروف ترین دن گزارا، جہاں وفد نے امریکی کانگریس کے متعدد ارکان سے ملاقاتیں کیں اور حالیہ پاک بھارت کشیدگی، کشمیر، اور علاقائی سلامتی کے امور پر پاکستان کا مؤقف پیش کیا۔
وفد نے امریکی اراکین کانگریس کو حالیہ بھارتی فضائی جارحیت، اس کے نتیجے میں عمل میں آنے والی جنگ بندی، اور بھارت کی جانب سے مسلسل اشتعال انگیز بیانات کے تناظر میں علاقائی امن کو درپیش خطرات پر بریفنگ دی۔ بلاول بھٹو زرداری نے واضح کیا کہ بھارت کی جانب سے سندھ طاس معاہدے کو یک طرفہ طور پر معطل کرنا اور نہتے شہریوں کو نشانہ بنانا بین الاقوامی قوانین کی کھلی خلاف ورزی ہے۔
پاکستانی وفد نے امریکی کانگریس میں پاکستان کاکس کے شریک چیئرمین جیک برگ مین اور ٹام سوازی سمیت دیگر ارکان سے ملاقات کی، جس میں علاقائی امن، انسداد دہشتگردی کی کوششوں اور پاکستان کے اصولی مؤقف پر تبادلہ خیال کیا گیا۔
بلاول بھٹو زرداری نے کہا کہ جنوبی ایشیا میں پائیدار امن یک طرفہ اقدامات اور جارحیت کے بجائے ڈائیلاگ، سفارت کاری اور مسئلہ کشمیر کے منصفانہ حل سے جڑا ہے۔ انہوں نے بھارتی قیادت کے اشتعال انگیز بیانات پر تشویش کا اظہار کرتے ہوئے کہا کہ یہ بیانات امن کی راہ میں رکاوٹ ہیں۔
وفد نے امریکی سینیٹر ایلیسا سلوٹکن، رکن کانگریس سڈنی کملاگرڈو، ٹام کین جونیئر، کانگریس مین جان مولینار، سینیٹر جم بینکس، سینیٹر وان ہولن اور سینیٹر کوری بوکر سے بھی علیحدہ علیحدہ ملاقاتیں کیں، جن میں جموں و کشمیر کے تنازعے کے منصفانہ حل اور مذاکرات کی ضرورت پر زور دیا گیا۔
بلاول بھٹو زرداری نے گفتگو میں کہا کہ بین الاقوامی برادری بھارت کی جانب سے پانی کو بطور ہتھیار استعمال کرنے کی کوششوں کا فوری نوٹس لے، کیونکہ یہ جنوبی ایشیا میں امن کے لیے سنگین خطرہ ہے۔
پاکستانی وفد نے واضح کیا کہ پاکستان اقوام متحدہ کی قراردادوں کے مطابق مسئلہ کشمیر کے پرامن حل کا خواہاں ہے، اور اس ضمن میں امریکی دلچسپی اور کوششوں کو سراہتا ہے۔
دوران ملاقات بلاول بھٹو زرداری نے پاکستان اور امریکا کے درمیان تجارتی روابط کو دوطرفہ تعلقات کی مضبوطی اور عوامی فلاح کے لیے ایک اہم پل قرار دیا۔ امریکی کانگریس اراکین نے بھی پاکستان کے اقتصادی استحکام اور علاقائی امن کے لیے اپنی حمایت کا اعادہ کیا۔
وفد نے جنوبی ایشیا میں امن و استحکام، انسداد دہشت گردی، اور مذاکرات کے فروغ سے متعلق پاکستان کی پالیسی سے امریکی قیادت کو آگاہ کیا، اور خطے میں کشیدگی کے خاتمے کے لیے ڈائیلاگ کی اہمیت پر زور دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیف جسٹس آف پاکستان فریضہ حج کی ادائیگی کیلئے سعودی عرب پہنچ گئے