7 ہزار میگا واٹ بجلی وافر ہے لوگ خریدنے کو تیار نہیں، عمر ایوب
اشاعت کی تاریخ: 9th, June 2025 GMT
اپوزیشن لیڈر عمر ایوب نے کہا ہے کہ ملک میں 7 ہزار میگاواٹ بجلی وافر ہے اور لوگ خریدنے کےلیے تیار نہیں۔
اسلام آباد میں پریس کانفرنس کے دوران عمر ایوب نے کہا کہ گزشتہ سال ریونیو 12 ہزار970 ارب روپے تھا، اس سال 14 ہزار سے زائد تک لے آئے۔
انہوں نے کہا کہ اس وقت جو گروتھ ریٹ دکھائی ہے وہ ایک غبارہ ہے، زراعت میں ساری فصلوں کی گروتھ منفی رہی ہے۔
پاکستان تحریک انصاف کے سیکریٹری اطلاعات شیخ وقاص اکرم نے کہا ہے کہ حکومت گروتھ بھی فارم 47 کی طرح دکھا رہی ہے۔
اپوزیشن لیڈر نے مزید کہا کہ مارچ 2022ء میں جو 50 ہزار کمارہا تھا، اس کی اب ویلیو 20 ہزار 833 کے برابر ہے، اس سال ریونیو شارٹ فال ایک ہزار ارب سے زائد ہوگا۔
اُن کا کہنا تھا کہ ملک میں غربت 44 اعشاریہ7 فیصد تک پہنچ گئی ہے، 11 اعشاریہ 4 کروڑ آبادی سطح غربت کے نیچے چلی گئی ہے۔
عمر ایوب نے یہ بھی کہا کہ پیٹرول پر لیوی 80 روپے ہے، جو اس بار 100 روپے تک لے جائیں گے، دنیا میں پیٹرول کی قیمت کم ہوئی ہے اور پاکستان میں بڑھ رہی ہے.
انہوں نے کہا کہ ملک میں 7 ہزار میگا واٹ بجلی وافر ہے، لوگ خریدنے کےلیے تیار نہیں ہے۔
ذریعہ
ذریعہ: Jang News
کلیدی لفظ: عمر ایوب نے کہا کہا کہ رہی ہے
پڑھیں:
پاسدارانِ انقلاب کی دھمکی پر برطانیہ کا بھی سخت ردعمل آگیا
پاسدارانِ انقلاب کے امریکا کی مدد کرنے پر برطانوی اڈوں کو نشانہ بنانے کی دھمکی کے کے بعد برطانیہ کا بھی ردعمل سامنے آگیا ہے جس میں اُس نے کہا ہے کہ وہ اپنے عوام کے دفاع کے لیے پرعزم ہے۔
ایران کے پاسداران انقلاب کی جانب سے امریکی بمبار طیاروں کو برطانیہ کے اڈوں سے پرواز کرنے کی اجازت دینے کے حوالے سے وارننگ جاری کی گئی تھی جس کے بعد برطانیہ نے جمعرات کو کہا کہ اس کی مسلح افواج ملک کو کسی بھی حملے سے بچانے کے لیے تیار ہیں۔
حکومتی ترجمان نے کہا کہ ہماری مسلح افواج برطانیہ کو کسی بھی قسم کے حملوں سے محفوظ رکھنے کے لیے تیار ہیں، چاہے وہ ہماری سرزمین پر ہو یا بیرون ملک سے۔ برطانیہ اپنے دفاع کے لیے 24 گھنٹے تیار ہے۔
انہوں نے مزید کہا کہ اس میں رائل نیوی، برٹش آرمی اور رائل ایئر فورس کے اثاثوں کی طرف سے فراہم کردہ فضائی اور میزائل دفاع کے لیے ایک تہہ دار نقطہ نظر کو چلانا شامل ہے، جو ہمارے نیٹو اتحادیوں کے ساتھ مل کر کام کر رہے ہیں۔
ایران کی جانب سے یہ انتباہ اس وقت سامنے آیا جب برطانیہ کے نئے وزیر اعظم اینڈی برنہم کو گزشتہ ہفتے برطانیہ کے ایک موجودہ معاہدے کو دوبارہ فعال کرنے پر مطلع کیا گیا تھا جس میں امریکا کو برطانوی اڈے استعمال کرنے کی اجازت دی گئی تھی۔
پاکستان نے ورلڈ کپ 2028 کیلیے براہ راست کوالیفائی کر لیا