عید الاضحی و شدید گرمی میں بھی عوام بجلی و پانی کے بحران کا شکار رہے‘ منعم ظفر خان
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیر جماعت اسلامی کراچی منعم ظفر خان نے کہا ہے کہ عید الاضحی و شدید گرمی میں بھی عوام بجلی و پانی کے بحران کا شکار رہے، کے الیکٹرک نے عید الاضحی کے موقع پربھی شدید گرمی و حبس کے موسم میں غیر اعلانیہ اور طویل لوڈ شیڈنگ کر کے شہریوں کو شدید ذہنی و جسمانی اذیت سے دوچار کیا ، وفاقی و صوبائی حکومتوں کا کام صرف کے الیکٹرک کو نوازنا اور سہولیات پہنچانا رہ گیا ہے ۔کے الیکٹرک کی طرح واٹر کارپوریشن نے بھی ایک مافیا کی صورت اختیار کرلی ہے اور ملک کے سب سے بڑے شہر کے عوام کو پانی میسر نہیں ، قابض میئر جوواٹر بورڈ کے چیئرمین بھی ہیں ،کی ذمے داری بنتی ہے پانی کی فراہمی ممکن بنائیں ،جماعت اسلامی کے پاس شہر میں 9ٹاؤنز کی ذمے داری ہے ، جن میں صفائی ستھرائی اور آلائشوں کو ٹھکانے لگانے کا بہترین نظام بنایا گیا ،شہر بھر میں200سے زاید اجتماعی قربانی کے مراکز قائم کیے گئے جہاں الخدمت و جماعت اسلامی کے تحت اجتماعی قربانی کی گئی اور ہزاروں رضا کاروں نے خدمات انجام دیں ،گزشتہ سال کے مقابلے میں زیادہ کھالیں دینے پرہم اہل کراچی کو مبارکباد پیش اور اظہار تشکر کرتے ہیں کہ جنہوں نے ایک بار پھر الخدمت پر اعتماد کیا۔ ان خیالات کا اظہار انہوں نے جماعت اسلامی و الخدمت کے تحت عید الاضحی کے دوران مختلف اضلاع میں اجتماعی قربانی کے مراکز کے دورے کے دوران میڈیا کے نمائندوں سے گفتگو کرتے ہوئے کیا ۔ منعم ظفر خان نے جامع مسجد قبا فیڈرل بی ایریا بلاک 13، جامع مسجد الہدیٰ پاور ہائوس چورنگی نارتھ کراچی ، جامع مسجد العزیز ، جامعۃ الاخوان نیو کراچی ، آگرہ تاج کالونی ، بہار کالونی ، چاکیواڑہ ، ڈیفنس فیز 2سمیت مختلف علاقوں میں قائم اجتماعی قربانی کے مراکز کا دورہ کیا ، جانوروں کے ذبیحہ اور چرم قربانی کے کاموں میں مصروف ذمے داران اور کارکنوں سے ملاقات کی اور سرگرمیوں کا جائزہ لیا ، اس موقع پر امیر ضلع شمالی طارق مجتبیٰ خان ، امیر ضلع جنوبی سفیان دلاور ، سیکرٹری ضلع گلبرگ وسطی سید احمد ، نائب امرا ضلع جنوبی جواد شعیب ، فتح محمد ، سیکرٹری اطلاعات زاہد عسکری ، سینئر ڈپٹی سیکرٹری اطلاعات صہیب احمد و دیگر بھی موجود تھے،منعم ظفر خان نے کہا کہ توقع تھی کہ کے ایم سی اور سالڈ ویسٹ مینجمنٹ کی جانب سے شہر میں صفائی ستھرائی اور آلائشیں اُٹھانے کے حوالے سے ٹاؤنز کے ساتھ کوآرڈی نیٹ کیا جائے گا لیکن سندھ سالڈ ویسٹ مینجمنٹ نے اپنی ذمے داری پوری نہیں کی ، پیپلز پارٹی 17سال سے سندھ پر مسلط ہے ، صوبائی حکومت نے کراچی کے تمام اداروں پر قبضہ کیا ہوا ہے اور کراچی کے شہریوں کو ان کا حق دینے پر تیار نہیں ، 18ویں ترمیم کے تحت صوبے نے تمام اختیارات اپنے پاس تو لے لیے لیکن ٹاؤنز و یوسیز کو اختیارات اور وسائل منتقل نہیں کیے جاتے۔ عید الاضحی کے دوران صفائی ستھرائی کے نظام کو بہتر بنانے کے لیے ٹائونز کو ضروری مشینری اور سہولیات فراہم نہیں کی گئیں ،منعم ظفر خان نے کہاکہ وفاقی و صوبائی حکومتوں اور حکمران جماعتوں کی نااہلی ہے جنہوں نے گزشتہ 20سال میں کراچی کے شہریوں کے لیے ایک بوند پانی کا اضافہ نہیں کیا ۔ شہری مہنگے داموں ٹینکروں کے ذریعے پانی خرید نے پر مجبور ہیں ، ہمارا مطالبہ ہے کہ جلد از جلد کے فور منصوبہ مکمل کیا جائے اور شہریوں کو پانی فراہم کیا جائے ۔ انہوں نے کہا کہ مہنگائی کے اس دور میں الخدمت امانت و دیانت کے ساتھ ضرورت مندوں میں گوشت کی تقسیم بھی کرتی ہے۔الخدمت کے تحت پورے پاکستان میں اسپتال، میڈیکل سینٹرودیگر شعبہ جات کے ذریعے لوگوں کو ریلیف دیا جاتا ہے ۔ماحولیاتی تبدیلی کے باعث کراچی کنکریٹ کا جنگل بن چکا ہے۔ جماعت اسلامی اور الخدمت نے شجر کاری مہم چلائی اور شہر کے مختلف مقامات پر پودے لگائے۔الخدمت اپنی تمام سرگرمیوں اور ا پنی آمدنی و اخراجات کے حسابات ہر سال پیش کرتی ہے اور اہل کراچی ہمیشہ الخدمت پر بھرپور اعتماد کرتے ہیں ،الخدمت غم سمیٹنے اور خوشیاں بکھیرنے کے عمل میں مصروف ہے ، کھالوں سے حاصل ہونے والی رقم الخدمت کے مختلف شعبہ جات میں استعمال کی جاتی ہے۔ الخدمت کے تحت یتیموں، بیواؤں اور مستحقین کی امداد کی جاتی ہے۔ ایسے والدین جو اپنے بچوں کو معیاری تعلیم نہیں دلاسکتے ان کی امداد کی جاتی ہے۔ ناظم آباد میں اسٹیٹ آف دی آرٹ ڈائیگنوسٹک سینٹر موجود ہے جہاں سستا اور معیاری علاج کیا جاتا ہے۔ الخدمت کے تحت میت بسوں کا بھی انتظام کیا گیا ہے۔ پورے پاکستان میں آرفن کئیر کے تحت آغوش ہومز موجود ہیں۔ الخدمت کے تحت بنوقابل پروگرام ڈھائی سال قبل شروع کیا گیا تھا جس سے اب تک 48 ہزار طلبہ و طالبات استفادہ کرچکے ہیں۔ ہم الخدمت بنوقابل پروگرام کے ذریعے کراچی کے نوجوانوں کی تکنیکی صلاحیتوں میں اضافہ کرنا چاہتے ہیں تاکہ وہ نہ صرف روز گار حاصل کر سکیں بلکہ اپنے والدین کا سہارا بھی بنیں ۔
امیر جماعت اسلامی منعم ظفر خان عیدالاضحی کے دوران مسجد رضوان فیڈرل بی ایریا اور ضلع جنوبی میں جماعت اسلامی و الخدمت کے تحت قائم اجتماعی قربانی کے مراکز کا دورہ کر رہے ہیں
.ذریعہ: Jasarat News
کلیدی لفظ: اجتماعی قربانی کے مراکز الخدمت کے تحت جماعت اسلامی عید الاضحی الاضحی کے کراچی کے کے دوران نہیں کی ہیں کی
پڑھیں:
عوام پر اضافی بوجھ ڈالا جارہا ہے: حافظ نعیم سندھ حکومت کے ای چالان سسٹم کے خلاف بول پڑے
جماعتِ اسلامی پاکستان کے امیر حافظ نعیم الرحمان نے سندھ حکومت کے ای چالان سسٹم کو شدید تنقید کا نشانہ بناتے ہوئے کہا ہے کہ یہ نظام عوام کی سہولت کے بجائے ان پر اضافی مالی دباؤ ڈالنے کا حربہ ہے۔
کراچی میں تقریب سے خطاب کرتے ہوئے انہوں نے کہاکہ اس عمل کا مقصد ٹرانسپورٹ کے نظام کی بہتر نہیں، بلکہ شہریوں سے رقم وصول کرنا ہے۔
مزید پڑھیں: ای چالان یورپ جیسا اور سڑکیں کھنڈر، کراچی کے شہریوں کی تنقید
حافظ نعیم نے کہاکہ شہریوں کو 5، 10، حتیٰ کہ 25 ہزار روپے تک کے بھاری جرمانے کیے جا رہے ہیں، مگر شہر آج بھی مناسب عوامی ٹرانسپورٹ سے محروم ہے۔
انہوں نے سوال اٹھایا کہ کراچی میں ایک خلاف ورزی کا چالان 5 ہزار روپے کا ہے اور لاہور میں یہی جرمانہ صرف 200 روپے کیوں ہے؟ کیا اس صورتحال میں پیپلز پارٹی پر تنقید جائز نہیں بنتی؟
انہوں نے عالمی بینک کی رپورٹس کا حوالہ دیتے ہوئے کہاکہ کراچی جیسے میگا سٹی کو کم از کم 15 ہزار بسوں کی ضرورت ہے، لیکن سندھ حکومت اب تک صرف 400 بسیں فراہم کر سکی ہے، جبکہ شہر کی آبادی 2 کروڑ 36 لاکھ سے زیادہ ہے۔
ان کے مطابق کروڑوں کی آبادی والے شہر کو موٹر سائیکل اور چنگچی رکشوں کے رحم و کرم پر چھوڑ دیا گیا ہے، اور اب کراچی میں موٹر سائیکلوں کی تعداد 50 لاکھ سے بڑھ چکی ہے۔
حافظ نعیم نے پیپلز پارٹی کو شدید تنقید کا نشانہ بناتے ہوئے کہاکہ اس جماعت نے گزشتہ 30 سے 40 برسوں میں کراچی کو ترقی دینے کے بجائے اس کی نسلیں برباد کیں، جبکہ گزشتہ 15 برسوں میں کوئی مثبت پیش رفت سامنے نہیں آئی۔
انہوں نے کہاکہ سندھ حکومت کے شروع کردہ بڑے منصوبے بھی سست رفتاری یا ناکامی کا شکار ہیں، جن میں ایس-III، کراچی سرکلر ریلوے، گرین لائن، ریڈ لائن اور اورنج لائن شامل ہیں۔
انہوں نے طنزیہ انداز میں کہاکہ کراچی سرکلر ریلوے کا 6 سے 8 مرتبہ افتتاح ہو چکا ہے لیکن منصوبہ آج تک مکمل نہیں ہو پایا، گرین لائن منصوبہ ابھی تک جزوی طور پر چل رہا ہے جبکہ ریڈ لائن نے یونیورسٹی روڈ تباہ کر دی ہے۔
جماعتِ اسلامی کے سربراہ نے اپنے کارکنان کی کارکردگی کا ذکر کرتے ہوئے کہا کہ محدود وسائل کے باوجود پارٹی نے شہر کے نو ٹاؤنز میں فعال کردار ادا کیا ہے۔
مزید پڑھیں: کراچی: ڈی آئی جی ٹریفک قانون کی خلاف ورزی پر ای چالان کی زد میں آگئے
ان کے مطابق نکاسیِ آب، صفائی اور کچرا اٹھانے جیسے کام جو کراچی واٹر اینڈ سیوریج کارپوریشن اور میئر مرتضیٰ وہاب کی ذمہ داری ہیں، اب جماعت اسلامی کے ٹاؤن چیئرمین اور یو سی سطح کے کارکن انجام دے رہے ہیں۔
انہوں نے بتایا کہ جماعت نے نارتھ ناظم آباد جیسے علاقوں میں پرانے سیوریج کے مسائل حل کیے ہیں اور گجر نالے کی لائنوں کو بہتر بنا کر آب نکاسی کے نظام میں بہتری پیدا کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ای چالان سسٹم تنقید جماعت اسلامی پاکستان حافظ نعیم الرحمان مالی بوجھ وی نیوز
آزاد کشمیر میں حکومت سازی فیصلہ کن موڑ پر، نئے وزیر اعظم کا اعلان آج متوقع