کشمیر میں امن سے متعلق بھارتی وزیر داخلہ کے دعوے بے بنیاد اور مضحکہ خیز ہیں، کانگریس
اشاعت کی تاریخ: 10th, June 2025 GMT
کانگریس رکن پارلیمنٹ نے کہا کہ منی پور میں امن و امان کی صورتحال خراب ہے اور ریاست میں صدر راج کو مکمل ناکامی قرار دیا۔ اسلام ٹائمز۔ کانگریس کمیٹی کے سینیئر لیڈر جے رام رمیش نے بھارتی وزیر داخلہ امت شاہ پر ان کے اس بیان پر سخت حملہ کیا جس میں انہوں نے کہا ہے کہ کشمیر اور شمال مشرق میں امن قائم ہوگیا ہے۔ جے رام رمیش نے وزیر داخلہ کے ذریعہ کئے گئے دعوے کو بے بنیاد اور فضول قرار دیتے ہوئے کہا کہ یہ دعوے حکومت کی ناکامیوں سے توجہ ہٹانے کے لئے لئے کئے گئے ہیں۔ ایکس پر ایک سوشل میڈیا پوسٹ میں کانگریس کے رکن پارلیمنٹ نے لکھا کہ امت شاہ کی طرف سے کل جموں و کشمیر اور ریاست منی پور میں امن کے بارے میں کئے گئے دعوے مضحکہ خیز اور بے بنیاد ہیں۔ انہوں نے کہا کہ یہ دعوے دراصل ان کی اپنی بڑی ناکامیوں سے توجہ ہٹانے کے لئے کئے گئے ہیں۔ جموں و کشمیر میں حالیہ پہلگام حملے اور ماضی کے حملوں پر روشنی ڈالتے ہوئے جے رام رمیش نے کہا کہ پہلگام میں 22 اپریل کو ہونے والے وحشیانہ دہشت گردانہ حملوں کے ذمہ دار دہشت گردوں کو ابھی تک انصاف کے کٹہرے میں نہیں لایا گیا ہے۔
کانگریس رکن پارلیمنٹ نے کہا کہ منی پور میں امن و امان کی صورتحال خراب ہے اور ریاست میں صدر راج کو مکمل ناکامی قرار دیا۔ سوشل میڈیا پوسٹ میں انہوں نے لکھا کہ منی پور ابھی تک جل رہا ہے، صدر راج مکمل طور پر ناکام ثابت ہوا ہے، ریاست میں امن و امان کی صورتحال انتہائی خراب ہے، عام لوگوں کی روزمرہ کی زندگی اور معاش کی بدحالی نے ان میں غم، مایوسی اور غصے کو جنم دیا ہے، جسے ہر جگہ محسوس کیا جا سکتا ہے۔ بھارتی وزیر داخلہ امت شاہ کے دور حکومت پر تنقید کرتے ہوئے کانگریس کے رکن پارلیمنٹ نے الزام لگایا کہ بھارتی وزیر داخلہ نہ تو پہلگام کے دہشت گردوں کو سزا دے سکے اور نہ ہی منی پور میں معمولات بحال کر سکے، پھر بھی وہ ان دونوں ریاستوں میں اپنی مبینہ کامیابیوں کا ڈنکا بجاتے رہتے ہیں۔
پیر کو مرکزی وزیر داخلہ نے جموں و کشمیر اور شمال مشرق میں امن قائم کرنے کا حوالہ دیتے ہوئے کہا تھا کہ مودی حکومت کے 11 سال قومی سلامتی کی سمت میں سنگ میل ثابت ہوئے ہیں۔ ایک سوشل میڈیا پوسٹ میں شاہ نے لکھا کہ ہیش ٹیگ 11YearsOfSeva بھی قومی سلامتی کی سمت میں ایک سنگ میل ثابت ہوا ہے۔ نکسل ازم اپنی آخری ٹانگوں پر ہے، جموں کشمیر اور شمال مشرق میں امن قائم ہوا ہے اور ہندوستان اب دہشت گردوں کے گھروں میں گھس کر دہشت گردانہ حملوں کا جواب دیتا ہے۔ امت شاہ نے لکھا کہ یہ مودی حکومت کے تحت ہندوستان کی بدلتی ہوئی تصویر کو ظاہر کرتا ہے۔ امت شاہ نے پوسٹ میں لکھا، "مودی 3.
ذریعہ
ذریعہ: Islam Times
کلیدی لفظ: بھارتی وزیر داخلہ رکن پارلیمنٹ نے منی پور میں نے لکھا کہ کشمیر اور نے کہا کہ پوسٹ میں امت شاہ
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ