بجٹ 26-2025: سوزوکی آلٹو کی قیمت میں اضافہ ہوگا یا کمی؟
اشاعت کی تاریخ: 10th, June 2025 GMT
حکومت نے بجٹ26-2025 میں مقامی گاڑیوں کے انجن کی درآمد پر ڈیوٹی میں 5 فیصد کمی کر دی ہے جس سے گاڑیوں کی مقامی تیاری کے عمل میں استعمال ہونے والے انجنوں کی لاگت کم ہو جائے گی۔ حکومت نے مقامی گاڑیوں کی تیاری میں استعمال ہونے والے خام مال اور سی کے ڈی کٹس پر ڈیوٹی کو بھی 20 فیصد سے کم کر کے 15 فیصد کر دیا ہے۔
یہ بھی پڑھیں: بجٹ میں تنخواہ دار طبقے کو کتنا ریلیف دیے جانے کی تجویز؟
آٹو ایکسپرٹ محمد شہزاد نے بجٹ 2025-26 پر وی نیوز سے گفتگو کرتے ہوئے کہا کہ ماسوائے وعدوں کے علاوہ اس بجٹ میں ان کے لیے اور کچھ بھی نہیں تھا۔ انہوں نے مزید کہا کہ حکومت نے 4، 5 برس میں ٹیکسوں کوکم کرکے صفر، 5، 10 اور 15 فیصد لانے کی پلاننگ کی ہے۔
ان کا کہنا تھا کہ لوکل اسمبلرز کے لیے ڈیوٹی کم کرکے 15 فیصد کرنے کا کہا گیا ہے جبکہ آئی ایم ایف نے حکومت سے کہا تھا کہ استعمال شدہ گاڑیوں کی ایج لمٹ 3 کی بجائے 5 سال کردیں لیکن ایسی کوئی چیز سامنے نہیں آئی۔
محمد شہزاد نے کہا کہ حکومت کو اس بار تمام چیزوں کو فوکس کرنا چاہیے تھا جیسا کہ ٹیرف کے اندر انہوں نے بہتری کی کوشش کی ایسے ہی استعمال شدہ گاڑیوں کی عمر کی حد بڑھا دینی چاہیے تھی اور کمرشل امپورٹ بھی کھول دینا چاہیے تھا۔
انہوں نے مزید کہا کہ گزشتہ 40 برس سے ہم لوکل اسمبلرز کو تو دیکھ رہے ہیں نہ وہ ملک کی ضرورت پوری کر رہے ہیں اور نہ ہی لوکل گاڑی اور نہ ہی لوکل مینیوفیکچرنگ سامنے آسکی۔
مزید پڑھیے: بجٹ میں گاڑیوں پر درآمدی اور سی کے ڈی کٹس میں ڈیوٹی کتنے فیصد کم ہوئی؟
محمد شہزاد کا کہنا ہے کہ اس سے لوکل مینیوفیکچرڈ گاڑیوں کی مختلف سی سیز کے حساب سے 2 لاکھ سے 7 لاکھ روپے قیمت کم ہو سکتی ہے لیکن اگر ہائبرڈ گاڑیوں کی بات کی جائے تو جہاں 8.
آٹو انڈسٹری ایکسپرٹ مشہود علی خان کا کہنا ہے کہ کسٹم ڈیوٹی کم کرنے کا کہا ہے اور دوسرا ایڈیشنل کسٹم ڈیوٹی ہٹانے کی کوشش کی ہے اس کے اثرات مینوفیکچر انڈسڑری پر بہت پڑے گا اور دوسری جانب ہمارا امپورٹ بل بڑھے گا۔
مشہود علی خان کہتے ہیں کہ اس کے اثرات آپ آئندہ برسوں میں دیکھیے گا کہ ہماری انڈسٹریل آئیزشن پر پڑے گا یہ انڈسٹری کے لیے مثبت نہیں ہے کیوں کہ ہم اپنی لوکل مینیوفیکچرنگ انڈسٹری کو متاثر کر رہے ہیں، ہمارے پاس اس وقت وسائل نہیں اور ایسی صورت میں امپورٹ بل کا بڑھنا معیشت کے لیے نقصان دے ہوگا۔
مزید پڑھیں: بجٹ 26-2025: سولر پینلز پر کتنے فیصد جی ایس ٹی تجویز ہوا؟
کہا جا رہا ہے کہ اس طرح ہماری ایکسپورٹ بڑھے لوکل انڈسٹری پروموٹ ہوگی دوسری جانب یورپ اور امریکا بھی اپنی لوکل انڈسٹری کی پروڈکشن کی بات کر رہے ہیں اور ایسے میں تھرڈ ورلڈ کنٹری کیسے یہ کر پائے گا یہ بھی ایک سوال ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجٹ 2025-26 بجٹ اور آلٹو سوزوکی آلٹو کی قیمتذریعہ: WE News
کلیدی لفظ: بجٹ اور ا لٹو سوزوکی ا لٹو کی قیمت گاڑیوں کی رہے ہیں کہا کہ کے لیے
پڑھیں:
بجٹ 26-2025: ریٹائرڈ ملازمین کی پنشن میں 7 فیصد اضافہ تجویز
وفاقی حکومت نے 175 کھرب سے زائد (17 ہزار 573 ارب) کا بجٹ قومی اسمبلی میں پیش کردیا۔وفاقی وزیرخزانہ محمد اورنگزیب نے قومی اسمبلی میں بجٹ تقریرکرتے ہوئے بتایا کہ 70 سال سےکم عمرکے زیادہ پنشن لینے والے افراد پر ٹیکس کی تجویز ہے۔وزیرخزانہ نے بتایا کہ سالانہ ایک کروڑ روپے سے زائد پنشن وصولی پر 5 فیصد ٹیکس عائد کرنےکا فیصلہ کیا گیا ہے۔ سالانہ ایک کروڑ سے زیادہ پنشن پر ایک کروڑ سے اوپر رقم پر 5 فیصد ٹیکس وصولی کی تجویز ہے۔
وزیرخزانہ کا کہنا تھا کہ کم اور درمیانی پنشن وصول کرنے والوں پر ٹیکس عائد نہیں ہوگا۔ریٹائرڈ ملازمین کی پنشن میں 7 فیصد اضافہ تجویز کیا گیا ہے۔وفاقی وزیر خزانہ نے بجٹ تقریر میں بتایا کہ پچھلی کچھ دہائیوں میں پنشن اسکیم میں ایگزیکٹو آڈرز کے ذریعے تبدیلیاں کی گئیں جس کی وجہ سے سرکاری خزانے پر بوجھ بڑھا، پنشن اسکیم کو درست کرنے اور سرکاری خزانے پر بوجھ کو کم کرنے کے لیے حکومت نے پنشن اسکیم میں اصلاحات کی ہیں۔
وزیر خزانہ نے کہا کہ پنشن اسکیم میں جو اصلاحات کی گئی ہیں ان میں قبل از وقت ریٹائرمنٹ کی حوصلہ شکنی اور پنشن میں اضافہ کنزیومر پرائس انڈیکس سے منسلک کیا گیا ہے۔وزیر خزانہ نے بتایا کہ شریک حیات کے انتقال کے بعد فیملی پنشن کی مدت 10 سال تک محدود کی گئی ہے جب کہ ایک سے زائد پنشنز کا خاتمہ کیا گیا ہے۔ ریٹائرمنٹ کے بعد دوبارہ ملازمت کی صورت میں پنشن یا تنخواہ میں سے کسی ایک کا انتخاب کرنا ہوگا۔
اشتہار
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم