اسلام آباد ہائیکورٹ‘کس جج نے کتنے کیس نمٹائے؟ فہرست سامنے آگئی
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (آن لائن) اسلام آباد ہائیکورٹ کی کارکردگی رپورٹ جاری کردی گئی۔ جس میں سب سے زیادہ کیسز نمٹانے والے ججز کی فہرست بھی شامل ہے۔ ماہ مئی 2025ء کے دوران اسلام آباد ہائیکورٹ نے قابل ذکر عدالتی کارکردگی کا مظاہرہ کرتے ہوئے مجموعی طور پر1415 مقدمات نمٹائے۔ سنگل اور ڈویژن بنچز پر مشتمل اس کارکردگی رپورٹ کے مطابق سب سے زیادہ کیسز جسٹس انعام امین منہاس نے نمٹائے، جنہوں نے 274 کیسز کا فیصلہ کیا اور سرِفہرست رہے۔ رپورٹ کے مطابق جسٹس محمد اعظم خان181 فیصلوں کے ساتھ دوسرے نمبر پر رہے۔ جسٹس محسن اختر کیانی نے 134 کیسز نمٹا کر تیسری پوزیشن حاصل کی جبکہ قائم مقام چیف جسٹس سرفراز ڈوگر نے 83 مقدمات نمٹائے۔ اسی طرح جسٹس طارق محمود جہانگیری نے59، جسٹس بابر ستار نے71، جسٹس سردار اعجاز اسحاق خان نے 52، جسٹس ارباب محمد طاہر نے 65، جسٹس ثمن رفعت امتیاز نے71، جسٹس خادم حسین سومرو نے 80 اور جسٹس محمد آصف نے113 مقدمات نمٹائے۔ ڈویژن بینچز کی کارکردگی کے مطابق جسٹس سرفراز ڈوگر اور جسٹس محمد آصف پر مشتمل بینچ نے 9 کیسز، جسٹس محسن اختر کیانی اور جسٹس اعجاز اسحاق خان نے 2، جسٹس محسن کیانی اور جسٹس ثمن رفعت نے 25، جسٹس طارق جہانگیری اور جسٹس ثمن رفعت نے 9 کیسز نمٹائے۔ اسی طرح جسٹس بابر ستار اور جسٹس اعجاز اسحاق نے 64 مقدمات، جسٹس ارباب طاہر اور جسٹس محمد اعظم نے2، جسٹس ارباب طاہر اور جسٹس انعام منہاس نے 39، جسٹس محمد اعظم اور جسٹس انعام منہاس نے67، جسٹس خادم سومرو اور جسٹس محمد اعظم نے 3 جبکہ جسٹس خادم سومرو اور جسٹس انعام منہاس نے ایک کیس نمٹایا۔
.ذریعہ: Jasarat News
کلیدی لفظ: اور جسٹس محمد ا اسلام ا باد منہاس نے
پڑھیں:
انگلینڈ کیخلاف ناقص کارکردگی، جسپریت بمراہ کا ٹیسٹ کرکٹ سے ریٹائرمنٹ کا امکان
بھارتی کرکٹ ٹیم کے اسٹار بولر جسپریت بمراہ کی انگلینڈ کیخلاف مایوس کن کارکردگی نے ان کے مداحوں کو تشویش میں مبتلا کر دیا ہے، اس سے قبل بھارتی بولر فٹنس کے مسائل کا شکار رہے جس کے باعث ان کی بولنگ میں اتنی رفتار نظر نہیں آرہی جتنی انجری سے قبل تھی۔
تاہم اب جسپریت بمراہ کی ریٹائرمنٹ کے حوالے سے خبریں زیر گردش ہیں، سابق بھارتی کھلاڑی نے بمراہ کی ریٹائرمنٹ سے متعلق دعویٰ کیا ہے۔
رپورٹ کے مطابق سابق بھارتی بیٹر محمد کیف نے دعویٰ کیا ہے کہ اسٹار پیسر جسپریت بمراہ ممکن ہے کہ ٹیسٹ کرکٹ سے ریٹائرمنٹ لے لیں، کیونکہ وہ انگلینڈ کے خلاف جاری سیریز میں اپنے کام کے بوجھ کے باعث مشکلات کا سامنا کر رہے ہیں۔
ان کا کہنا تھا کہ بمراہ جنہوں نے اب تک 13 وکٹیں حاصل کی ہیں، موجودہ مانچسٹر ٹیسٹ میں وہ پہلے جیسے دکھائی نہیں دے رہے۔
محمد کیف نے سوشل میڈیا پلیٹ فارم ایکس پر کہا کہ بھارتی ٹیم کو طویل فارمیٹ میں بمراہ کے بغیر کھیلنے کی تیاری کرنی پڑ سکتی ہے۔ سیریز شروع ہونے سے قبل بھارت کے ہیڈ کوچ گوتم گمبھیر نے تصدیق کی تھی کہ بمراہ انگلینڈ کی پانچ ٹیسٹ میچوں میں سے صرف تین میں کھیلیں گے۔
سابق بھارتی کھلاڑی نے ایکس پر ایک ویڈیو پیغام میں کہا کہ میں نہیں سمجھتا کہ آپ لوگ بمراہ کو انہیں آنے والے ٹیسٹ میچوں میں کھیلتے دیکھیں گے۔ اور ممکن ہے کہ وہ ریٹائرمنٹ بھی لے لیں۔ وہ اپنی جسمانی حالت کے ساتھ جدوجہد کر رہے ہیں۔ ان کا جسم مکمل طور پر تھک چکا ہے۔ مینچسٹر ٹیسٹ میں ان کی رفتار کم رہی۔ اس ٹیسٹ میچ میں ان کی بولنگ میں کوئی رفتار نظر نہیں آئی۔
محمد کیف کا کہنا تھا کہ اگر جسپریت بمراہ کو لگے کہ ان کی کارکردگی معیار کے مطابق نہیں ہے، تو ممکن ہے کہ وہ ٹیسٹ کرکٹ کھیلنا چھوڑ دیں۔
Post Views: 6
لاہور ہائیکورٹ کا رات 12 بجے کے بعد ریسٹورنٹس کھلے رکھنے والوں کے خلاف کارروائی کا حکم