پاکستان جے 35 اے چینی اسٹیلتھ طیارے لیکر دفاع مضبوط بنانے کا خواہاں
اشاعت کی تاریخ: 11th, June 2025 GMT
اسلام آباد:
دنیا بھر کے عسکری حلقوں میں یہ خبر گونج رہی ہے کہ پاکستان دیرینہ دوست چین سے جنگی طیاروں کی پانچویں نسل یا ففتھ جنریشن میں شامل ملٹی رول جے۔ 35 اے طیارے خرید کر اپنا دفاع مزید مضبوط و توانا بنا رہا ہے۔
ابتک صرف امریکہ، روس اور چین ایسے طیارے بنا سکے جن میں دو امریکی (F-22 اور F-35 )، دو چینی (J-20 اور J-35 ) اور ایک روسی (Sukhoi Su-57) ہے۔
فی الوقت انہی فائٹرزجیٹس کا فضاؤں میں راج ہے۔ ففتھ جنریشن طیارے اسٹیلتھ خصوصیات رکھتے، اس باعث دشمن کے ریڈار انھیں آسانی سے شناخت نہیں کر پاتے۔
ہلکی دھاتوں سے بننے کی وجہ سے تیزرفتار ہیں اورفضا میں بہ سرعت رخ بدلتے جدید ترین کمپیوٹر سسٹم رکھنے کی بدولت میدان جنگ میں حالات سے مکمل آگاہی رکھتے ہیں۔
C3 صلاحیتوں یعنی کمانڈ، کنٹرول اور کیمونکیشنز سے لیس ہیں۔جے35 اے تمام ففتھ جنریشن طیاروں میں سب سے نیا اور انتہائی نایاب سسٹمز رکھنے والا فائٹر ہے۔
.
ذریعہ
ذریعہ: Express News
پڑھیں:
کم از کم ماہانہ اجرت کتنی ہونی چاہیے؟ نئے مالی سال کے لیے سفارش کردی گئی
نئے مالی سال کے لیے کم از کم اجرت مقرر کرنے کے حوالے سے نئی سفارش سامنے آ گئی۔
پاکستان انسٹی ٹیوٹ آف ڈیولپمنٹ اکنامکس (پائیڈ) نے مالی سال 27-2026 کے لیے ملک میں کم از کم ماہانہ اجرت 45 ہزار روپے مقرر کرنے کی باضابطہ سفارش کر دی ہے۔
نجی ٹی وی کے مطابق پائیڈ نے اپنے شواہد پر مبنی فریم ورک کے ذریعے موجودہ 40 ہزار روپے کی تنخواہ میں 12.5 فیصد اضافے کا منصوبہ پیش کیا ہے۔ یہ تجویز قومی سطح پر ملازمین کے مالی حالات کو بہتر بنانے اور معاشی استحکام کی جانب ایک اہم قدم کے طور پر دیکھی جا رہی ہے۔
رپورٹ میں نشاندہی کی گئی ہے کہ کم از کم اجرت کا تعین اب صرف محکمۂ محنت کا داخلی معاملہ نہیں رہا، بلکہ یہ فیصلہ ملکی معیشت کے وسیع تر پہلوؤں پر گہرے اثرات مرتب کرتا ہے۔ اس میں شہریوں کی قوتِ خرید، غربت کی شرح، غیر رسمی روزگار اور مقامی طلب جیسے اہم عوامل شامل ہیں۔
ادارے نے مزید واضح کیا کہ تنخواہوں میں یہ ردوبدل پیداواری ترغیبات بڑھانے اور سماجی استحکام کو یقینی بنانے کے لیے ضروری ہے۔
رپورٹ کے مطابق مالی سال 2026 کے جولائی سے اپریل تک اوسط افراطِ زر 6.19 فیصد ریکارڈ کی گئی، جبکہ اپریل 2026 میں سال بہ سال بنیادوں پر افراطِ زر کی شرح 10.9 فیصد تک پہنچ گئی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ