ویسٹ انڈیز: نیکولس پورن کا 29 سال کی عمر میں انٹرنیشنل کرکٹ سے ریٹائرمنٹ کا حیران کن اعلان
اشاعت کی تاریخ: 11th, June 2025 GMT
ویسٹ انڈیز کے سابق وائٹ بال کپتان نیکولس پورن نے بین الاقوامی کرکٹ سے اچانک ریٹائرمنٹ کا اعلان کر دیا ہے۔ 29 سالہ پورن نے ویسٹ انڈیز کے سب سے زیادہ ٹی20 میچز کھیلنے اور سب سے زیادہ رنز بنانے والے کھلاڑی کے طور پر اپنے کیریئر کا اختتام کیا۔
پورن نے 106 ٹی20 انٹرنیشنل میچز میں 2275 رنز بنائے جبکہ 61 ون ڈے میچز میں ان کا مجموعہ 1983 رنز رہا۔ وہ 2023 کے ون ڈے ورلڈ کپ کوالیفائرز میں ویسٹ انڈیز کے اخراج کے بعد سے کسی ون ڈے میچ میں نظر نہیں آئے تھے، اور حال ہی میں انگلینڈ کے خلاف ٹی20 سیریز کے لیے بھی انتخاب سے انکار کر چکے تھے۔
تاہم ان کی ریٹائرمنٹ اس لیے چونکا دینے والی ہے کہ نومبر 2024 میں اپنے 100ویں ٹی20 میچ کے موقع پر انہوں نے کہا تھا کہ وہ مزید 100 میچز کھیل سکتے ہیں۔
مزید پڑھیں:جنوبی افریقہ کے اہم کھلاڑی نے ایک روزہ کرکٹ سے ریٹائرمنٹ کا اعلان کردیا
پورن نے سوشل میڈیا پر اپنے بیان میں کہا کہ کافی سوچ بچار اور غور و فکر کے بعد میں نے بین الاقوامی کرکٹ سے ریٹائرمنٹ کا فیصلہ کیا ہے۔ اس کھیل نے مجھے بے شمار خوشیاں، مقصد، ناقابلِ فراموش یادیں اور ویسٹ انڈیز کی نمائندگی کا اعزاز دیا۔
ان کا کہنا تھا میرون جرسی پہننا، قومی ترانہ سن کر میدان میں اترنا اور ہر بار اپنی پوری جان لڑانا، ان جذبات کو الفاظ میں بیان کرنا مشکل ہے۔ انہوں نے مداحوں، اہل خانہ، ساتھی کھلاڑیوں اور کوچز کا شکریہ ادا کیا اور کہا کہ ویسٹ انڈیز کرکٹ سے ان کی محبت ہمیشہ قائم رہے گی۔
پورن نے 2016 میں پاکستان کے خلاف یو اے ای میں ٹی20 ڈیبیو کیا اور 2019 میں انگلینڈ کے خلاف ون ڈے کیریئر کا آغاز کیا۔ 2022 میں انہیں وائٹ بال ٹیم کا کپتان بنایا گیا، تاہم اسی سال آسٹریلیا میں منعقدہ ٹی20 ورلڈ کپ میں ناقص کارکردگی کے بعد انہوں نے قیادت چھوڑ دی۔
مزید پڑھیں:سری لنکا کے سابق کپتان انجلو میتھیوز کا ٹیسٹ کرکٹ سے ریٹائرمنٹ کا اعلان
دلچسپ امر یہ ہے کہ 2024 پورن کے کیریئر کا سب سے کامیاب سال رہا۔ انہوں نے ایک کیلنڈر ایئر میں سب سے زیادہ 170 چھکے مارے اور آئی پی ایل 2025 میں 196.
پورن فرنچائز کرکٹ میں بدستور سرگرم رہیں گے۔ وہ اس موسمِ گرما میں امریکا کی مِیجر لیگ کرکٹ (MLC) اور انگلینڈ کی ’دی ہنڈرڈ‘ لیگ میں ایکشن میں نظر آئیں گے، جبکہ آئی پی ایل، سی پی ایل اور یو اے ای کی آئی ایل ٹی 20 میں بھی مستقل حصہ لیتے رہے ہیں۔
کرکٹ ویسٹ انڈیز نے اپنے بیان میں کہا کہ نیکولس پورن کی خدمات پر ہم تہہ دل سے شکر گزار ہیں۔ انہوں نے جو یادگار لمحات مداحوں کو دیے، ان کے لیے ہم ان کے شکر گزار ہیں اور ان کے مستقبل کے لیے نیک تمناؤں کا اظہار کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بین الاقوامی کرکٹ ریٹائرمنٹ نیکولس پورن ویسٹ انڈیز
ذریعہ
ذریعہ: WE News
کلیدی لفظ: بین الاقوامی کرکٹ ریٹائرمنٹ ویسٹ انڈیز کرکٹ سے ریٹائرمنٹ کا ویسٹ انڈیز انہوں نے پورن نے کے لیے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار