لاس اینجلس میں کرفیو جبکہ دیگر شہروں میں بھی مظاہرے شروع
اشاعت کی تاریخ: 11th, June 2025 GMT
اسلام آباد (اُردو پوائنٹ ۔ DW اردو۔ 11 جون 2025ء) امریکی ریاست کیلیفورنیا کے شہر لاس اینجلس کے میئر کیرن باس نے شہر کے مرکزی علاقے میں کرفیو نافذ کرنے کا اعلان کیا تھا، جس پر عمل شروع ہو گیا ہے، تاہم علاقے میں اب بھی بہت سے مظاہرین موجود ہیں۔
تارکین وطن کی حراست کے خلاف شروع ہونے والے مظاہروں کا سلسلہ پانچویں روز بھی جاری رہا اور شہر کے پولیس افسران کو گھوڑے پر سوار ہو کر مظاہرین کو منتشر کرتے دیکھا گیا۔
کیرن باس نے نامہ نگاروں کو بتایا، "میں نے مقامی ایمرجنسی کا اعلان کر دیا ہے اور لاس اینجلس سٹی میں توڑ پھوڑ اور لوٹ مار کو روکنے کے لیے کرفیو نافذ کر دیا ہے۔"
ایکس پر ایک پوسٹ میں باس نے کہا کہ کرفیو کا اعلان "برے افراد کو روکنے کے لیے کیا گیا ہے، جو امریکی صدر کی جانب سے افراتفری میں اضافے کا فائدہ اٹھانے کی کوشش کر رہے ہیں۔
(جاری ہے)
"لاس اینجلس میں مظاہرین پر قابو پانے کے لیے میرینز تعینات
انہوں نے متنبہ کیا کہ "قانون نافذ کرنے والے حکام کرفیو کی خلاف ورزی کرنے والوں کو گرفتار کریں گے اور ان کے خلاف قانونی کارروائی کی جائے گی۔"
دیگر امریکی شہروں میں مظاہرے شروعاس دوران نیویارک اور شکاگو میں بھی مظاہروں کا سلسلہ شروع ہو گیا ہے۔
نیویارک کی پولیس نے تصدیق کی ہے کہ منگل اور بدھ کی درمیانی رات کو نیویارک میں ہونے والے احتجاج کے دوران متعدد افراد کو گرفتار کیا گیا۔اطلاعات کے مطابق مظاہرے عموماً پر پرامن رہے۔ چند ہزار مظاہرین نے مین ہیٹن میں مظاہرے کیے۔
پولیس نے ایک بیان میں کہا کہ وہاں "پہنچنے پر پولیس افسران نے کئی افراد کو سڑک پر بیٹھے ہوئے دیکھا، جو گاڑیوں کی آمد و رفت کو روک رہے تھے۔
مظاہرین کو متعدد بار زبانی طور پر سڑک کو خالی کرنے کی ہدایت کی گئی، جس پر عمل نہیں کیا گیا۔ نتیجتاﹰ متعدد افراد کو حراست میں لے لیا گیا۔"امریکی نیشنل گارڈ کیا ہے؟
ٹرمپ کا 'غیر ملکی دشمن' سے لڑنے کا دعویٰامریکی صدر ڈونلڈ ٹرمپ نے منگل کو ایک تقریر کے دوران لاس اینجلس میں امیگریشن کے نفاذ کے خلاف مظاہرین کو "جانور" اور "غیر ملکی دشمن" قرار دیا۔
انہوں نے کہا، "ہم کسی امریکی شہر پر کسی غیر ملکی دشمن کے ذریعے حملہ کرنے اور اسے فتح کرنے کی اجازت نہیں دیں گے۔"ایک اور تقریر میں ٹرمپ نے مظاہرین کی مذمت کی اور اپنے دعووں دہرایا کہ سن 2020 کے صدارتی انتخابات، جو وہ جو بائیڈن سے ہارے تھے، دھاندلی کی گئی تھی۔
امریکی صدر نے کہا، "آپ کیلیفورنیا میں جو کچھ دیکھ رہے ہیں وہ امن، امن عامہ اور قومی خودمختاری پر ایک مکمل حملہ ہے، جو ہمارے ملک پر غیر ملکی حملے کو جاری رکھنے کے مقصد سے غیر ملکی پرچم اٹھائے ہوئے فسادیوں کے ذریعے کیا گیا ہے۔
امریکی شہر لاس اینجلس میں مظاہرے اور بدامنی جاری
انہوں نے کہا کہ "ہم لاس اینجلس کو آزاد کرائیں گے اور اسے دوبارہ آزاد، صاف اور محفوظ بنائیں گے۔"
جمہوریت 'حملے کی زد میں'، کیلیفورنیا کے گورنرکیلیفورنیا کے گورنر گیون نیوزوم نے لاس اینجلس کی صورتحال کے بارے میں بات کرتے ہوئے صدر ڈونلڈ ٹرمپ کے نیشنل گارڈ کی تعیناتی کے فیصلے پر ایک بار پھر سے سخت تنقید کی۔
کیلیفورنیا کے گورنر گیون نیوزوم نے ٹیلی ویژن پر اپنے خطاب میں لاس اینجلس کی صورت حال کے لیے امریکی صدر ڈونلڈ ٹرمپ پر شدید تنقید کی۔
نیوزوم نے کہا، "اس ڈھٹائی سے طاقت کے غلط استعمال نے ایک ایسی آتش گیر صورت حال کو ہوا دی ہے، جس سے ہمارے لوگوں، ہمارے افسران اور نیشنل گارڈ کو خطرہ لاحق ہو گیا۔"
نیوزوم نے کہا کہ موجودہ صورتحال نے جمہوریت کو "ہماری آنکھوں کے سامنے حملے کی زد میں کر دیا ہے۔
"ان کا مزید کہنا تھا، "یہ ہم سب کے بارے میں ہے، یہ آپ کے بارے میں ہے۔ کیلیفورنیا اس کا پہلا نشانہ ہو سکتا ہے لیکن واضح ہے کہ یہ یہیں ختم ہونے والا نہیں ہے، بلکہ آگے دوسری ریاستیں بھی ہیں اور پھر اس کے بعد جمہوریت ہے۔"
لاس اینجلس: تارکین وطن کے خلاف کریک ڈاؤن، مظاہرے، جھڑپیں، نیشنل گارڈ کی تعیناتی
تارکین وطن کے خلاف چھاپے روکنے کی اپیللاس اینجلس کی میئر کیرن باس نے ایک بار پھر اس بات کا اعادہ کیا کہ وہ چاہتی ہیں کہ ٹرمپ تارکین وطن کی پکڑ دھکڑ کے لیے چھاپے کی کارروائی روک دیں۔
انہوں نے کہا کہ "میں ان خاندانوں کے بارے میں سوچتی ہوں، جو کام پر جانے اور اسکول جانے سے ڈرتے ہیں۔"
ان کا مزید کہنا تھا کہ انہوں نے گروسری اسٹور کے شیلف کے خالی ہونے کے بارے میں سنا ہے، کیونکہ لوگ شیلفوں کو بھرنے کے لیے کام پر نہیں آ رہے ہیں۔
انہوں نے کہا، "ہمیں اس شراکت کو دیکھنا چاہیے، جو تارکین وطن کی آبادی کے ذریعے ہماری مقامی معیشت میں ہوتی ہے۔ جب آپ تارکین وطن کو خوفزدہ کرتے ہیں اور وہ کام پر نہیں آنا چاہتے، تو آپ ہماری مقامی معیشت کے دل پر ضرب لگا رہے ہوتے ہیں۔"
ادارت: جاوید اختر
.
ذریعہ
ذریعہ: UrduPoint
کلیدی لفظ: تلاش کیجئے لاس اینجلس میں کیلیفورنیا کے انہوں نے کہا کے بارے میں امریکی صدر تارکین وطن نیشنل گارڈ نیوزوم نے نے کہا کہ افراد کو غیر ملکی کے خلاف کیا گیا کے لیے گیا ہے
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ