آئی سی سی ٹی20 رینکنگ کا اعلان: کوئی پاکستانی کھلاڑی ٹاپ 10 میں نہیں
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
انٹرنیشنل کرکٹ کونسل (آئی سی سی) نے تازہ ترین ٹی ٹوئنٹی رینکنگ جاری کر دی ہے، جس میں پاکستان کے کسی کھلاڑی کو ٹاپ 10 میں جگہ نہ مل سکی۔ یہ صورتحال پاکستانی شائقین کرکٹ کے لیے خاصی مایوس کن ثابت ہوئی ہے۔
بیٹنگ رینکنگ میں آسٹریلیا کے ٹریوس ہیڈ پہلے نمبر پر براجمان ہیں جبکہ بھارت کے نوجوان بلے باز ابھیشیک شرما دوسری پوزیشن پر موجود ہیں۔ بھارت ہی کے تلک ورما ایک درجہ ترقی کے ساتھ تیسرے نمبر پر پہنچ گئے ہیں۔ انگلینڈ کے فل سالٹ ایک درجہ تنزلی کے بعد چوتھے نمبر پر آ گئے ہیں، جب کہ جوز بٹلر ایک درجہ بہتری کے بعد پانچویں نمبر پر پہنچے ہیں۔ سوریا کمار یادو کو ایک درجہ تنزلی کا سامنا ہوا ہے اور وہ چھٹے نمبر پر آ گئے ہیں۔
پاکستان کے بابر اعظم اس وقت 12ویں اور محمد رضوان 13ویں نمبر پر موجود ہیں، جو اس بات کی غمازی کرتا ہے کہ پاکستانی بیٹرز کی کارکردگی میں تسلسل کی کمی ہے۔
بولنگ رینکنگ میں نیوزی لینڈ کے جیکب ڈفی پہلے نمبر پر موجود ہیں، جبکہ انگلینڈ کے عادل رشید دو درجے بہتری کے بعد دوسرے نمبر پر پہنچ گئے ہیں۔ بھارت کے ورون چکرورتی کی تیسری پوزیشن برقرار ہے۔ اس فہرست میں بھی کوئی پاکستانی بولر ٹاپ ٹین میں جگہ نہیں بنا سکا۔ حارث رؤف اور عباس آفریدی ایک ایک درجہ بہتری کے ساتھ بالترتیب 19ویں اور 20ویں نمبر پر آ گئے ہیں۔
آل راؤنڈرز کی فہرست میں بھارت کے ہاردک پانڈیا پہلی پوزیشن پر براجمان ہیں، اور ان کا نمبر بھی مستحکم ہے۔
رینکنگ میں پاکستانی کھلاڑیوں کی عدم موجودگی ایک لمحہ فکریہ ہے، جو یہ ظاہر کرتی ہے کہ عالمی سطح پر بہتر کارکردگی کے لیے گرین شرٹس کو مزید محنت، حکمت عملی اور تسلسل کی ضرورت ہے۔
.
ذریعہ
ذریعہ: Jasarat News
پڑھیں:
لاہور میں آج موسم ابرآلود، بارش کا کتنا امکان؟
لاہور میں آج زیادہ تر موسم ابر آلود رہنے اور ہلکی بارش کا امکان ہے جبکہ سورج اور بادلوں کے درمیان آنکھ مچولی کا سلسلہ بھی جاری رہے گا۔
مون سون سسٹم کے تحت آج صبح لاہور میں سب سے زیادہ بارش فرخ آباد میں 40 اور گلشن راوی میں 34 ملی میٹر ریکارڈ کی گئی جبکہ سگیاں پل پر 34 اور سمن آباد میں 14 ملی میٹر بارش ریکارڈ کی گئی۔
اسی طرح شہر کے مختلف علاقوں میں کہیں ہلکی اور کہیں تیز بارش ہوئی۔ گزشتہ دو سے تین روز کے دوران بارش کے باعث درجہ حرارت میں کمی آگئی اور موسم خوش گوار ہوگیا۔
محکمہ موسمیات کے مطابق لاہور میں کم سے کم درجہ حرارت 27 جبکہ زیادہ سے زیادہ 31 ڈگری تک جانے کا امکان ہے، مون سون کی بارشوں کا یہ سلسلہ 26 جولائی تک جاری رہے گا۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم