بجٹ2025-26 مایوس کن اور عوام دشمن ہے، آفاق احمد
اشاعت کی تاریخ: 12th, June 2025 GMT
بھاری ٹیکسوں کے بوجھ تلے عوام کی زندگی مزید مشکل ترین ہوجائیگی، چیئرمین مہاجر قومی موومنٹ
بجٹ کی منظورِی کے بعد مہنگائی کا ناتھمنے والا سلسلہ شروع ہوجائیگا، تاجروں کے وفد سے ملاقات
مہاجر قومی موومنٹ( پاکستان )کے چیئرمین آفاق احمد نے وفاقی بجٹ2025-26 کو عوام دشمن قرار دیتے ہوئے مسترد کردیا ، انہوں نے اپنی رہائش گاہ پرآئے تاجروں کے ایک وفد سے ملاقات کی جس میں انہوں نے بجٹ 2025-26سے پیدا ہونے والی مشکلات اورمعاشی بدحالی پر تبادلہ خیال کرتے ہوئے کہا کہ حکومت عوام کو بجٹ میں کسی قسم کا ریلیف دینے میں ناکام رہی ہے کیونکہ یہ IMFکی ڈکٹیشن پر تیار کیا گیا جوعوامی مفادات کے متضاد بجٹ ہے جس میں ٹیکسوں کی بھر مار ہے، ماچس سے لیکر کھانے پینے اور ادویات سمیت تمام اشیائے ضروریہ پر ٹیکس لاگو کردیا گیا، بھاری ٹیکسوں تلے دبے عوام کی زندگی مزید تلخ ہو جائے گی مہنگائی جس نے پہلے ہی عوام کا جینا دوبھر کیا ہے اس بجٹ کی منظورِی کے بعد مہنگائی کا وہ طوفان آئے گاجس سے غریب جن کی تعداد 44سے50فیصد غربت کی لکیر سے نیچے تھی وہ بڑھ کر60فیصد سے بھی زائد ہوجائے گی ، پاکستان معاشی طور پر مستحکم ہونے کی بجائے مزید کمزورتر ہوجائیگا، اس طرح کے بجٹ پیش کرنے سے پیشتر اس کی نظر ثانی کرنی چاہیے ۔انہوں نے کہا اس بجٹ میں عام عوام کے ساتھ ساتھ تاجروں ، صنعتکاروں اور آن لائن کام کرنے والوں کو شدیدمشکلات کا سامنا کرنا پڑیگا ِ،بے جا ٹیکسزاور بجلی کے نرخ میں اضافے سے صنعت کا بھٹہ بیٹھ جائے گا ،ملکی صنعت اورتجارت میں بہتری کیلئے بجٹ میں ایسے مواقع دینا چاہیے تھے کہ مقامی سرمایہ دار اپنا سرمایہ بیرونی ممالک منتقل کرنے کے بجائے ملکی صنعت کی بہتری کیلئے استعمال کرتا،کیونکہ مقامی سرمایہ دارپیسہ نہیں لگائیں گے تو بیروزگاری میں اضافہ ہوگا لہذا اس طرح کے بجٹ پیش کرنے سے پیشتر اس کی نظر ثانی کرنی چاہیے تھی۔
.ذریعہ: Juraat
پڑھیں:
عوام دشمن بجٹ کو مکمل طور پر مسترد کرتے ہیں، علامہ حسن ظفر نقوی
کراچی کی کابینہ کے اجلاس سے خطاب میں ایم ڈبلیو ایم رہنما نے کہا کہ عوام دو وقت کی روٹی کے لئے ترس رہے ہیں، اس بجٹ میں صنعتکاروں، سرمایہ داروں اور بااثر طبقے کو ٹیکس ریلیف دے کر نوازا گیا ہے جبکہ عام آدمی پر براہِ راست اور بالواسطہ ٹیکسوں کا بوجھ بڑھا دیا گیا ہے۔ اسلام ٹائمز۔ مجلس وحدت مسلمین پاکستان کراچی ڈویژن کی کابینہ کا اجلاس مرکزی جنرل سیکرٹری علامہ حسن ظفر نقوی کے گھر منعقد ہوا جس میں علامہ صادق جعفری، علامہ مبشر حسن، علامہ حیات عباس نجفی، آصف رضوی، کاظم عباس، علی نئیر، زین رضوی سمیت دیگر اراکین موجود تھے۔ سربراہی خطاب سے مرکزی جنرل سیکرٹری علامہ حسن ظفر نقوی کہا کہ جو بجٹ پیش کیا گیا ہے، وہ درحقیقت عوام دشمن بجٹ ہے، اس میں تعلیم، صحت اور عوامی فلاح و بہبود کے شعبوں کو مکمل طور پر نظرانداز کردیا گیا ہے، موجودہ حکومت نے سرکاری ملازمین کی تنخواہوں اور پینشن میں معمولی اضافہ کرکے عوام کی آنکھوں میں دھول جھونکنے کی کوشش کی ہے جبکہ مہنگائی کی شرح 25 فیصد سے تجاوز کرچکی ہے اور عوام دو وقت کی روٹی کے لئے ترس رہے ہیں، اس بجٹ میں صنعتکاروں، سرمایہ داروں اور بااثر طبقے کو ٹیکس ریلیف دے کر نوازا گیا ہے جبکہ عام آدمی پر براہِ راست اور بالواسطہ ٹیکسوں کا بوجھ بڑھا دیا گیا ہے۔
علامہ حسن ظفر نقوی نے کہا کہ ریٹیلرز پر غیر منصفانہ سختی، بجلی اور پیٹرول پر نئے سرچارجز اور کاربن لیوی جیسے اقدامات عوام کی جیب پر کھلا ڈاکا ہیں، عالمی مالیاتی اداروں کی شرائط پوری کرنے کے شوق میں حکومت نے ملکی خودمختاری اور عوامی ریلیف کو یکسر نظرانداز کردیا ہے، اس بجٹ میں بے روزگاری کے خاتمے، برآمدات کے فروغ اور مقامی صنعت کو سہارا دینے کے لیے کوئی ٹھوس پالیسی یا لائحہ عمل نہیں دیا گیا، مجلس وحدت مسلمین اس عوام دشمن بجٹ کو مکمل طور پر مسترد کرتی ہے اور مطالبہ کرتی ہے کہ تعلیم، صحت، روزگار اور عوامی فلاح کے منصوبوں کو ترجیحی بنیادوں پر مکمل کیا جائے، بصورتِ دیگر یہ بجٹ عوام کی مشکلات میں بے پناہ اضافہ کرے گا اور معیشت کو دیوالیہ پن کے دہانے تک لے جائے گا۔
میں نے کہا شملہ معاہدہ پر وہی کچھ اپلائی ہوگا جو سندھ طاس معاہدے پر ہوگا، خواجہ آصف