جلاؤ گھیراؤ مقدمہ: علیمہ خان اور عظمیٰ خان کی عبوری ضمانتیں کنفرم
اشاعت کی تاریخ: 13th, June 2025 GMT
انسدادِ دہشتگردی کی عدالت لاہور نے 5 اکتوبر کے جلاؤ گھیراؤ اور پولیس پر تشدد کے مقدمے میں پاکستان تحریک انصاف کے بانی عمران خان کی ہمشیرہ علیمہ خان اور عظمیٰ خان کی عبوری ضمانتیں کنفرم کر دیں۔
انسداد دہشتگردی عدالت کے جج ارشد جاوید نے کیس کی سماعت کی، جس دوران عدالت نے دونوں خواتین کی ضمانتیں ایک، ایک لاکھ روپے کے مچلکوں کے عوض منظور کیں۔
مزید پڑھیں: عمران خان نے خود کو پی ٹی آئی کا پیٹرن انچیف کیوں بنایا؟ علیمہ خان نے بتادیا
سماعت کے دوران علیمہ خان کے وکیل نے ایک روزہ حاضری سے استثنیٰ کی درخواست دائر کی، جس پر عدالت نے ریمارکس دیے کہ آپ دس، دس ماہ تک عبوری ضمانتیں چلاتے رہے ہیں، گزشتہ سماعت پر کہا تھا کہ علیمہ خان فیصل آباد میں ہیں۔
مذکورہ مقدمات تھانہ لاری اڈا اور مستی گیٹ پولیس اسٹیشن میں درج کیے گئے تھے، جن میں جلاؤ گھیراؤ، پولیس پر حملے اور عوامی املاک کو نقصان پہنچانے کی دفعات شامل ہیں۔ عدالت نے فریقین کے دلائل سننے کے بعد ضمانتوں کی توثیق کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسدادِ دہشتگردی کی عدالت پاکستان تحریک انصاف عظمیٰ خان علیمہ خان عمران خان.
ذریعہ
ذریعہ: WE News
کلیدی لفظ: انسداد دہشتگردی کی عدالت پاکستان تحریک انصاف علیمہ خان علیمہ خان
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار